ސިފައިން ގައުމީ ފައިނަަލަށް، އެމްޓީސީސީ މެޗު އެޗްޑީސީ އަށް ލިބި ތިން ވަނަ ސެމީ އަށް

Oct 25, 2026, 12:26 PM
ދިވެހި ސިފައިންގެ ކްލަބުން ގައުމީ ލީގުގައި ކުޅުނު މެޗެއްގެ ތެރެއިން،--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިވެހި ސިފައިންގެ ކްލަބުން ގައުމީ ލީގުގައި ކުޅުނު މެޗެއްގެ ތެރެއިން،--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިވެހި ސިފައިންގެ ކްލަބުން ގައުމީ ފައިނަލުން ޖާގަ ހޯދިއިރު، ދިމާވި ކުއްލި ސަބަބަކާ ހުރެ، ކްލަބް އެމްޓީސީސީން މެޗު ދޫކޮށްލުމުން ކްލަބް އެޗްޑީސީ ތިން ވަނަ ސެމީ ފައިނަލަށް ދަތުރުކޮށްފި އެެވެ. 

ބިދޭސީ ކުޅުންތެރިން ޓީމުތަކަށް ކުޅުވަން ބޭނުންވާ އިންޓަނޭޝަނަލް ޓްރާންސްފާ ސެޓިފިކެޓް (އައިޓީސީ)ގެ މައްސަލަތަކެއް ދިމާވެގެން އެއް ދުވަސް ފަސްކުރަން ޖެހުނެވެ. 

ގައުމީ ވޮލީ މުބާރާތުގައި އިއްޔެ ހަވީރު ކުޅެން ޖެހިފައި އޮތީ ލީގުގެ ތިން ވަނަ ހޯދި އެޗްޑީސީ އާއި ހަަތަރު ވަނަ ހޯދި އެމްޓީސީސީ ބައްދަލުކުރާ ސެމީ ފައިނަލެވެ. މި މެޗު ކުޅެން އެމްޓީސީސީ ޓީމުން ސޯޝަލް އިންޑޯ އަށް ދިޔަ ނަމަވެސް މެޗު ކުޅެފައެއް ނުވެ އެވެ. އެއީ، އެ ޓީމުގެ ބިދޭސީ ކުޅުންތެރިންގެ ކަންކަން ފުރިހަމަ ކުރުމަށް ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން އިއްޔެ މެންދުުރު ފޮނުވާފައިވާ އައިޓީސީ އެގްރީމެންޓެއްގައި ސޮއިނުކުރާތީ އެވެ. 

އެ އެގްރީމަންޓްގައި އޮތީ، ވީއޭއެމް އިން ބާއްވާ ގައުމީ ވޮލީބޯޅަ މުބާރާތް ވާން ޖެހޭނީ ދުނިޔޭގެ ވޮލީބޯޅަ ޖަމިއްޔާ، އެފްއައިވީބީގެ ލެވަލް 1 މުބާރާތެއްގެ ގޮތުގައި ކަމަށެވެ. އެހެންވެ، އެ ގޮތަށް އެފްއައިވީބީގައި މުބާރާތް ރަޖިސްޓްރީ ކުރާތީވެ، ވީއޭއެމް އިން ނިންމީ ކުރިން ރަޖިސްޓްރީކޮށްފައިވާ އައިޓީސީތައް ބަދަލުކުރުމަށް ކްލަބްތަަކަށް އެންގުމަށެވެ. އަދި، އެގްރީމަންޓް ހަދަން ނިންމީ އެކަމުގެ ޒިންމާ ނަގާނެ ކަމަށް ކްލަބްތަކުން އެއްބަސްވުމަށްޓަކަ އެވެ.

އެކަމަކު، އިއްޔެގެ މެޗު ފަށަން ދެ ގަނޑިއިރެއްހާއިރު ތެރޭ އެ ވަރުގެ އެއްބަސްވުމެއްގައި ސޮއިކުރުމަކީ ކުރެވޭނެ ކަމެއް ނޫން ކަމަށާއި، ކުންފުންޏެއްގެ ދަށުން ހިންގާ ޓީމެއް ކަމަށްވާތީވެ، އެމްޓީސީސީން އެ ވަރުގެ އެއްބަސްވުމެއްގައި ސޮއިކުރަން ގާނޫނީ ލަފާ ހޯދަން ބޭނުންވެ، އެ އެގްރީމަންޓްގައި ސޮއިނުކުރެވުމުން، މެޗު ދޫކޮށްލަން ޖެހުނީ އެވެ. އެމްޓީސީސީގެ ކަންބޮޑުވުމަކީ އެ ވަރުގެ އެއްބަސްވުމެއްގައި ސޮއިކުރުމަށް ވީއޭއެމް އިން ދިން މުއްދަތު ކުރުވުމެވެ. 

މި ފަހަރުގެ އެސޯސިއޭޝަން ކަޕްގެ ޗެމްޕިއަންކަން ހޯދި، އެމްޓީސީސީ އިއްޔެގެ އެ މެޗު އެ ހާލަތުގައި ނުކުޅެން ނިންމުުމުން، އެޗްޑީސީ މޮޅުވީ ކަމަށް ނިންމީ، ތިން ސެޓު ވެސް 25-0 އިންނެވެ. 

މުބާރާތުގައި ރޭ ކުޅެފައިވަނީ، ގައުމީ ލީގު ޗެމްޕިއަންކަން ހޯދި ސިފައިންނާއި ލީގުގެ ދެ ވަނަ ހޯދި ޕޮލިސް ކްލަބް އެވެ. މި މެޗު 3-2 ސެޓުން ކާމިޔާބުކޮށް، ސިފައިން ވަނީ ގައުމީ ފައިނަލުގެ ޖާގަ ހޯދައިފަ އެވެ.

ރޭގެ މެޗުގެ ފުރަތަމަ ސެޓު، 22-25 އިން އެމްޓީސީސީން ގެންދިޔައިރު، ދެ ވަނަ ސެޓު، 26-24 އިން ގެންގޮސް ސިފައިން މެޗު އެއްވަރުކުރި އެވެ. އަދި، ތިން ވަނަ ސެޓު، 25-15 އިން ގެންގޮސް ސިފައިން ލީޑެއް ނަގާފައި ވަނިކޮށް، ހަތަރު ވަނަ ސެޓު، 21-25 އިން ގެންގޮސް ޕޮލިހުން އެއްވަރުކުރި އެވެ. ނަތީޖާ ނެރެން ކުޅުނު ފަސް ވަނަ ސެޓުން ސިފައިން މޮޅުވީ 15-12 އިންނެވެ. 

ގައުމީ މުބާރާތުގެ ތިން ވަނަ ސެމީ ފައިނަލުގައި މިރޭ ފައިނަލުގެ ޖާގަ އަކަށް ޕޮލިހާއި އެޗްޑީސީ ބައްދަލުކުރާނެ އެވެ. އެ މެޗުން މޮޅުވާ ޓީމެއް ސިފައިންނާ ދެކޮޅަށް ފައިނަލުގައި ކުޅޭނީ އަންގާރަ ދުވަހުގެރޭގަ އެވެ.

މައުލޫމާތު ލިބިފައިވާ ގޮތުގައި، އަންގާރަ ދުވަހުގެރޭ ފައިނަލް ކުޅޭނަމަ އެ މެޗުގައި ސިފައިންގެ ބިދޭސީ ކުޅުންތެރިންނަށް ކުޅުމުގެ ފުރުސަތު ކުޑަ އެވެ. އެއީ، އެ ކުޅުންތެރިން އެހެން ގައުމެއްގެ މުބާރާތް ކުޅެން ދާން ދުރާލާ ޓިކެޓާއި ކަންކަން ހަމަޖައްސާފައިވާތީ އެވެ. މީގެ ކުރިން، ޝެޑިއުލް ދީފައި އޮތް ގޮތުން، މިއަދުގެ ނިޔަލަށް ގައުމީ މުބާރާތް ނިމެ  އެވެ. އެކަމަކު، މިހާރު އެކި ސަބަބުތަކާ ހުރެ ދެ ދުވަސް އިތުރުވީ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox