ހުރިހާ މެޗަކުން މޮޅުވެ ސިފައިން ގައުމީ ވޮލީ ލީގު ކާމިޔާބުކޮށްފި

Oct 22, 2026, 6:50 AM
ދިވެހި ސިފައިންގެ ކްލަބުން ގައުމީ ވޮލީ ލީގު ތަށްޓާ އެކު އުފާފާޅުކުރަނީ.--- ފޮޓޯ: އިމޭޖަސް،އެމްވީ / އަދަދު ސްޕޯޓްސް

ދިވެހި ސިފައިންގެ ކްލަބުން ގައުމީ ވޮލީ ލީގު ތަށްޓާ އެކު އުފާފާޅުކުރަނީ.--- ފޮޓޯ: އިމޭޖަސް،އެމްވީ / އަދަދު ސްޕޯޓްސް

ކުޅުނު ހުރިހާ މެޗަކުން މޮޅުވެ ސައްތަ އިން ސައްތަ ރެކޯޑަކާ އެކު، ދިވެހި ސިފައިންގެ ކްލަބުން ގައުމީ ވޮލީ ލީގުގެ ޗެމްޕިއަންކަން ހޯދައިފި އެވެ. 

މި ފަހަރުގެ ގައުމީ ލީގުގައި ޖުމްލަ ފަސް ޓީމު ވާދަކުރިއިރު، ސިފައިން ފަހު މެޗުގައި ރޭ ކުުޅުނީ، މިދިޔަ އަހަރުގެ ލީގު ޗެމްޕިއަން، ކްލަބް އެޗްޑީސީއާ ދެކޮޅަށެވެ. އެޗްޑީސީން 2024 ވަނަ އަަަހަރުގެ ލީގު ޗެމްޕިއަންކަން ހޯދި ނަމަވެސް، މިދިޔަ އަހަރު ލީގު ކާމިޔާބުކުރި ސިފައިން މި ފަހަރު ވެސް މި ވަނީ ލީގު ތަށި އުފުލާލައިފަ އެވެ. އެއީ، ފަހު މެޗުގައި ރޭ 3-1 ސެޓުން މޮޅުވެގެންނެވެ. 

ރޭ އެޗްޑީސީ އާއި ސިފައިން ކުޅުނު މެޗުގެ ސެޓުތައް ދިޔަ ގޮތަށް ބަލާއިރު، އެޗްްޑީސީން 26-24 އިން ފުރަތަމަ ސެޓު ގެންދިޔަ އެވެ. އެކަމަކު، ސިފައިން މޮޅުވީ ފަހަތުން އަރަ އެވެ. ދެން ކުޅުނު ތިން ސެޓު، ސިފައިން ގެންދިޔައީ، 16-25، 24-26 އަދި 21-25 އިންނެވެ. މި މެޗުގެ މޮޅު ކުޅުންތެރިއަކީ، ސިފައިންގެ ޓީމަށް މުބާރާތުގައި ވެސް ރަނގަޅު ކުޅުމެއް ދެއްކި ހުސެއިން ރައްޒާން އެވެ. 

ސިފައިން މުބާރާތުގައި ކުޅުނު އެހެން މެޗުތަކުގެ ނަތީޖާ އަށް ބަލާއިރު، ފުރަަތަމަ މެޗުގައި ލަޔަންސް ރެކްރިއޭޝަން ކްލަބް އަތުން ވަނީ 3-0 ސެޓުން މޮޅުވެފަ އެވެ. ދެ ވަނަ މެޗުގައި، ކްލަބް އެމްޓީސީސީ އަތުން މޮޅުވީ 3-1 ސެޓުންނެވެ. އަދި، ތިން ވަނަ މެޗުގައި ޕޮލިސް ކްލަބް އަތުން 3-0 ސެޓުން މޮޅުވި އެވެ. 

ގައުމީ ލީގުގެ ރޭންކިން އަށް ބަލާއިރު، ސިފައިން ނިންމާލީ 12 ޕޮއިންޓާ އެކު އެވެ. ދެ ވަނަ އަށް ދިޔަ ޕޮލިސް ކްލަބަށް އަށް ޕޮއިންޓް އަދި ތިން ވަނަ ހޯދި އެޗްޑީސީ އަށް ހަތް ޕޮއިންްޓް ލިބުނެވެ. ހަތަރު ވަނަ ހޯދީ ލަޔަންސް އަތުން މޮޅުވި އެމްޓީސީސީ އެވެ. އެމްޓީސީސީ އަށް ތިން ޕޮއިންޓް ލިބުނުއިރު، ލަޔަންސް އަށް ޕޮއިންޓެއް ނުލިބެ އެވެ. 

ގައުމީ ލީގުގެ ގަދަ ހަތަރެއް ދެން ނުކުންނާނީ ގައުމީ މުބާރާތަށެވެ. 

ގައުމީ ލީގުގެ ވަނަތަކަށް ބަލާއިރު، މުބާރާތުގެ މޮޅު ކުޅުންތެރިއަކީ ސިފައިންގެ ރައްޒާން އެވެ. އެންމެ މޮޅު ބިދޭސީ ކުޅުންތެރިއަކީ ސިފައިންގެ ޓީމުގެ ފަހަދު ރާޒާ އެވެ. އެންމެ އުންމީދީ ކުޅުންތެރިޔާ (21 އަހަރުން ދަށުގެ މޮޅު ކުޅުންތެރިޔާ) އަކީ ޕޮލިހުގެ ލިބަރޯ އަހުމަދު އިލްހާމް އަލީ އެވެ. އެންމެ މޮޅު ކޯޗަކީ، ސިފައިންގެ ޓީމުގެ ޖުނައިދު އަބްދުﷲ (މާމަ) އެވެ. 

މުބާރާތުގެ ޑްރީމް ޓީމުގައި ހިމެނެނީ، ސިފައިންގެ ޓީމުގެ އާދަމް ނަސީމް (އެޑަމް)، އާދަމް ފައިރޫޒް، ހުސެއިން ޝާހިދު (ޝާޑު)، ރައްޒާންގެ އިތުރުން، ޕޮލިހުގެ މުހައްމަދު ނައީމް (ނައިންޓޭ)، އަހުމަދު ނާފިއު އަދި އެޗްޑީސީގެ އިސްމާއިލް ސާޖިދު (ކުޑަކާއްޓެ) އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox