ށ . ފުނަދޫ ޕެޓްރޯލް ޝެޑުގައި އަލިފާން ރޯވުމާއެކު އެމްއެންޑީއެފް އިން އަލިފާން ނިއްވުމުގެ މަސައްކަތް ފަށައިފި އެވެ.
އެމްއެންޑީއެފް އިން ބުނީ ނޮދަން އޭރިއާގެ ސިފައިން ފުނަދޫއަށް ދަތުރު ކުރަމުންދާއިރު، އެ ރަށު އެއާޕޯޓުގެ ފަޔާ ފައިޓާސް ދަނީ މިވަގުތު އަލިފާން ނިއްވުމުގެ މަސައްކަތް ކުރަމުން ކަމަށެވެ.
"ށ . ފުނަދޫ ޕެޓްރޯލް ޝެޑުގައި އަލިފާން ރޯވެގެން އުޅޭކަމުގެ މައުލޫމާތު ވަނީ ލިބިފައި. ނޮދަން އޭރިއާގެ ސިފައިން މިހާރުދަނީ އެރަށަށް ދިއުމަށް ދަތުރު ކުރަމުން. އެއާޕޯޓުގެ ފަޔާ ފައިޓާސް ދަނީ އަލިފާން ނިއްވުމުގެ މަސައްކަތް ކުރަމުން،" އެމްއެންޑީއެފް އިން ބުންޏެވެ.
ސޯޝަލް މީޑިއާގައި ދައުރުވަމުންދާ ފޮޓޯ އާއި ވީޑިއޯތަކުން ފެންނަ ގޮތުގައި ޕެޓްރޯލް ޝެޑުގައި ވަރަށް ބޮޑަށް ވަނީ އަލިފާން ރޯވެފަ އެވެ. އަލިުފާން ރޯވާން ދިމާވި ސަބަބެއް އަދި މީހަކަށް އަނިޔާވިކަން މިހާތަނަށް ކަށަވަރު ކުރެވިފައެއް ނުވެ އެވެ.
