މެދުރާއްޖެތެރޭގެ އަތޮޅުތަކަށް ބޯކޮށް ވާރޭވެހި ގުގުރާނެ ކަމަށް ލަފާކޮށް މޫސުމާ ބެހޭ ގައުމީ އިދާރާއިން މިއަދު ހެނދުނު ޔެލޯ އެލާޓު ނެރެފި އެވެ.
މޫސުމާ ބެހޭ ގައުމީ އިދާރާއިން މި އެލާޓޫ ނެރެފައިވަނީ ބ. އަަތޮޅުން ފެށިގެން ތ. އަތޮޅަށް، މިއަދު ހެނދުނު 9:30 އިން ފެށިގެން މެންދުރުފަހު 1:00 އާ ހަމައަށެވެ.
އެލާޓު ނެރެފައިވާ ސަރަހައްދުގައި ހިމެނެނީ ބ، ޅ، ކ، އއ، އދ، ވ، ފ، މ، ދ އަދި ތ އަތޮޅެވެ.
ޔެލޯ އެލާޓަކީ މޫސުމާ ބެހޭ ގައުމީ އިދާރާއިން ކަނޑައަޅާފައިވާ ކުލަ ކޯޑުތަކުގެ ތެރެއިން ދެވަނަ ދަރަޖައިގެ އިންޒާރެވެ.
މިއީ ވައިޓް އެލާޓަށް ވުރެ އެއް ދަރަޖަ މަތީގެ އިންޒާރެކެވެ. މި އިންޒާރުގެ މާނައަކީ މޫސުން ގޯސްވުމުގެ ސަބަބުން ދިރިއުޅުމުގެ އާންމު ކަންކަމަށް ބުރޫއަރާފާނެ ފަދަ ހާލަތެއް ކުރިމަތިވުމެވެ.
