"ބްރޭކިން ބޭޑް" ގެ އެކްޓަރު އާރްޖޭ މިޓީ ކުއްލި ގޮތަކަށް މަރުވެއްޖެ

Oct 13, 2026, 6:15 PM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

މަޝްހޫރު ޑްރާމާ ސީރީޒް "ބްރޭކިން ބޭޑް" ގައި ޑްރަގް ކިންގްޕިން ވޯލްޓާ ވައިޓްގެ ދަރިފުޅުގެ ރޯލުން ފެނިގެންދިޔަ އެމެރިކާގެ އެކްޓަރު އާރްޖޭ މިޓީ، އުމުރުން 34 އަހަރުގައި މަރުވެއްޖެ އެވެ.

އާރްޖޭ މިޓީގެ މަންދޫބަކު ބުނީ، އެންމެންގެ ލޯބިލިބިފައިވާ އެކްޓަރު، ދީލަތި އެހީތެރިޔާ އަދި ނުކުޅެދުންތެރިކަން ހުންނަ މީހުންގެ ހައްގުތަކަށް ވަކާލާތުކުރި އާރްޖޭ މިޓީ ކުއްލި ގޮތަކަށް މަރުވުމަކީ ލިބުނު ވަރަށް ބޮޑު ހިތާމައެއް ކަމަށެވެ.

އޭނާ މަރުވީ ޓެކްސަސްގެ ބްރައުންސްވިލްގަ އެވެ. ނަމަވެސް އޭނާ މަރުވާން މެދުވެރިވި ސީދާ ސަބަބެއް އަދި ހާމަކޮށްފައެއް ނުވެ އެވެ.

ސެރެބްރަލް ޕަލްސީ ހުންނަ މިޓީ، އެމީ އެވޯޑް ކާމިޔާބުކޮށްފައިވާ "ބްރޭކިން ބޭޑް" ސީރީޒްގައި ވޯލްޓާ 'ފްލިން' ވައިޓް ޖޫނިއާގެ ރޯލު ކުޅުނީ އޭނާގެ އަމިއްލަ ތަޖުރިބާތަކުގެ އަލީގަ އެވެ. ބްރަޔަން ކްރެންސްޓަން އަދި އާރޮން ޕޯލްއާއެކު މި ސީރީޒްގައި އޭނާ ދެއްކި މޮޅު ހުނަރަށް 2014 ވަނަ އަހަރު ވަނީ ސްކްރީން އެކްޓާސް ގިލްޑް އެވޯޑެއް ލިބިފަ އެވެ.

މީގެ އިތުރުން މިޓީ އަކީ "ޔުނައިޓެޑް ސެރެބްރަލް ޕަލްސީ" އަދި "ޝްރައިނާސް ޗިލްޑްރަންސް" ގެ އެމްބަސެޑަރެއްގެ ގޮތުގައި ވެސް މަސައްކަތް ކުރި ފަރާތެކެވެ.

ބްރައުންސްވިލް ޕޮލިސް ޑިޕާޓްމަންޓުން ބުނީ އޭނާ މަރުވި ސަބަބާއި ގޮތް އަދި ދެނެގަނެވިފައި ނުވާ ކަމަށާއި އެ މައްސަލަ ތަހުގީގު ކުރަމުންދާ ކަމަށެވެ. ފުލުހުން ބުނި ގޮތުގައި މި މަރުގައި ޝައްކު ކުރެވޭ ފަދަ އެއްވެސް ކަމެއް މިހާތަނަށް ފާހަގަކުރެވިފައެއް ނުވެ އެވެ.

އޭނާ މަރުވި ސަބަބު ދެނެގަތުމަށް ޕޯސްޓްމޯޓަމް އެގްޒެމިނޭޝަނެއް ހަދާނެ އެވެ.

"ބްރޭކިން ބޭޑް" އަކީ 2008 އިން 2013 އަށް އެމެރިކާގެ ކޭބަލް ބްރޯޑްކާސްޓަރު އޭއެމްސީން ފަސް ސީޒަނަށް ދެއްކި ސީރީޒްއެކެވެ.

ވިންސް ގިލިގަން އުފެއްދި މި ޑްރާމާ ސީރީޒް ވަނީ ޕްރައިމްޓައިމް އެމީ އެވޯޑްސްގެ 58 ނޮމިނޭޝަން ހޯދައި، 16 އެވޯޑް ކާމިޔާބުކޮށްފަ އެވެ. މީގެ ތެރޭގައި 2013 އަދި 2014 ވަނަ އަހަރު ހޯދި އެންމެ މޮޅު ޑްރާމާ ސީރީޒްގެ އެވޯޑް ހިމެނެ އެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox