"ޗޫސިން ޓެކްސަސް" އިން މަރާޔާ ކެރީގެ ރެކޯޑު މުގުރާލައިފި

Sep 24, 2026, 6:30 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

މަރާޔާ ކެރީގެ މަޝްހޫރު ކްރިސްމަސް ލަވަ "އޯލް އައި ވޯންޓް ފޯ ކްރިސްމަސް އިޒް ޔޫ" ފަހަތަށް ޖައްސާލުމަށްފަހު، އެލާ ލެންގްލީގެ ކަންޓްރީ މިއުޒިކް ލަވަ "ޗޫސިން ޓެކްސަސް" އިން އެމެރިކާގެ ލަވަތަކުގެ ޗާޓުގެ އެއްވަނައިގައި އެންމެ ގިނަ ދުވަހު އޮތް ލަވައިގެ ރެކޯޑު މުގުރާލައިފި އެވެ.

މިދިޔަ އޮކްޓޫބަރު މަހު ރިލީޒްކުރި މި ލަވައަކީ، ލެންގްލީގެ ލޯބިވެރިޔާ އެހެން އަންހެނަކަށްޓަކައި އޭނާ ދޫކޮށްލާފާނެ ކަމަށް ހީވާ ހީވުންތަކެއްގެ މައްޗަށް ބިނާކޮށް ކިޔާފައިވާ އަސަރުގަދަ ލަވައެކެވެ.

މިދިޔަ ފެބްރުއަރީ މަހު އެމެރިކާގެ ބިލްބޯޑް ޗާޓުގެ އެއްވަނަ ފުރަތަމަ ފަހަރަށް ހޯދި މި ލަވަ، މިހާރު ވަނީ ޖުމްލަ 23 ހަފުތާ އެއްވަނައިގައި ހޭދަކޮށްފަ އެވެ.

މީގެ އިތުރުން، ސެޕްޓެމްބަރު މަހުގެ ކުރީކޮޅު ޔޫކޭގެ ސިންގަލްސް ޗާޓުގެ އެއްވަނައަށްވެސް "ޗޫސިން ޓެކްސަސް" ވަނީ އަރާފަ އެވެ. އެ މަގާމު މި ލަވައަށް ލިބުނީ ސޭމް ފެންޑާ އަދި އޮލިވިއާ ޑީންގެ "ރެއިން މީ އިން" އެއްވަނައިން ކަޓައިގެން ދިއުމާ ގުޅިގެންނެވެ.

"ރެއިން މީ އިން" ވެސް ވަނީ ޔޫކޭގެ ޗާޓުގެ އެއްވަނައިގައި 23 ހަފުތާ ހޭދަކޮށްފަ އެވެ. މިއީ އެ ގައުމުގެ ޗާޓުގެ ތާރީހުގައި އެންމެ ގިނަ ދުވަހު އެއްވަނައިގައި އޮތް ލަވަ އެވެ.

ލެންގްލީގެ މި ލަވަ ލިޔެފައިވަނީ 2024 ވަނަ އަހަރު ބޭއްވި ރީޓްރީޓެއްގެ ތެރެއިން، ކަންޓްރީ މިއުޒިކްގެ ތަރި މިރަންޑާ ލަމްބާޓްގެ އެހީތެރިކަމާ އެކުގަ އެވެ.

މި ލަވަ ފުރަތަމަ ފަހަރަށް ސްޓޭޖެއްގައި ހުށަހަޅައިދިނީ 2025 ވަނަ އަހަރުގެ ފެބްރުއަރީ މަހުގަ އެވެ. ލެންގްލީ ބުނި ގޮތުގައި، އޭނާގެ ދެވަނަ އަލްބަމް "ޑެންޑެލިއަން" އިން އެންމެ ފުރަތަމަ ރިލީޒްކުރާނެ ލަވައަކީ މިއީކަން އެ ހިސާބުން އޭނާއަށް ޔަގީންވި އެވެ.

އެމެރިކާގެ އެލަބާމާއަށް ނިސްބަތްވާ އުމުރުން 27 އަހަރުގެ ލެންގްލީއަށް، މިދިޔަ މެއި މަހު ބޭއްވި އެކަޑަމީ އޮފް ކަންޓްރީ މިއުޒިކް އެވޯޑްސްގައި ބޮޑު ކާމިޔާބީއެއް ހޯދުމަށް މި ލަވަ ވަނީ މަގުފަހިކޮށްދީފަ އެވެ.

އެ ހަފުލާގައި އޭނާ ނޮމިނޭޓްވި ހަތް ދާއިރާއިން ވެސް ވަނީ އެވޯޑް ކާމިޔާބުކޮށްފަ އެވެ. އޭގެ ތެރޭގައި ފީމޭލް އާޓިސްޓް އޮފް ދަ އިޔާ، އާޓިސްޓް ސޯންގްރައިޓާ އޮފް ދަ އިޔާގެ އިތުރުން، "ޗޫސިން ޓެކްސަސް" އަށް ލިބުނު ސިންގަލް އެންޑް ސޯންގް އޮފް ދަ އިޔާ ހިމެނެ އެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox