ދިވެހި ދައުލަތަށް ގިނަ ދުވަހު ހިދުމަތް ކޮށްދީފައިވާ 66 ބޭފުޅަކަށް، މި އަހަރުގެ މިނިވަން ދުވަހު އިނާމު އެރުވުމަށް ގައުމީ އިނާމާ ބެހޭ ކޮމިޓީން ނިންމައިފި އެވެ.
ރައީސް އޮފީހުން ބުނީ މި އަހަރުގެ މިނިވަން ދުވަހުގެ މުނާސަބަތުގައި ބާއްވާ ޖަލްސާގައި އިނާމު އަރުވަނީ ދިވެހި ދައުލަތަށް 41 ދުވަހަށްވުރެ ގިނަ ދުވަހު ހިދުމަތް ކޮށްދީފައިވާ ބޭފުޅުންގެ މިހައިތަނަށް އިނާމުދީފައި ނުވާ ބޭފުޅުންނަށް ކަމަށެވެ.
ރައީސް އޮފީހުން ބުނީ ދައުލަތަށް ހިދުމަތް ކުރުމުގެ އިނާމަށް މި އަހަރު އާންމުކޮށް ހުޅުވައިލުމުން، މުއްދަތު ހަމަވީއިރު، 130 ފޯމު ހުށަހަޅާފައިވާ ކަމަށެވެ.
ދިވެހި ދައުލަތަށް 42 އަހަރަށްވުރެ ގިނަ ދުވަހު ހިދުމަތް ކޮށްދީފައިވާ ބޭފުޅުންނަށް މީގެ ކުރިން ދައުލަތުން ވަނީ އިނާމު އަރުވައިފަ އެެވެ.
