ކާޑަށް މާފުދޭނަމަ ހާން އެދުނީ 2002 ވަނަ އަހަރު ބަލަކް އަށް ދެއްކި ކާޑު ބަދަލުކުރަން

Jul 8, 2026, 1:18 PM
ޖަރުމަނުގެ ކުރީގެ އެއް ވަނަ ގޯލްކީޕަރު އޮލިވާ ހާން

ޖަރުމަނުގެ ކުރީގެ އެއް ވަނަ ގޯލްކީޕަރު އޮލިވާ ހާން

ނިއުޔޯކް، ޔުނައިޓެޑް ސްޓޭޓްސް (ޖުލައި 8) - ފީފާ އިން މެޗުތަކުގައި ދައްކާ ކާޑާ ގުޅިގެން އަންނަ ސަސްޕެންޝަންތަކަށް ބަދަލު ގެންނަ ނަމަ މީގެ 24 އަހަރު ކުރިން މައިކަލް ބަލަކް އަށް ދެއްކި ރީނދޫ ކާޑުގެ ކަންކަން ބަދަލުކޮށްދޭން އެދޭ ކަމަށް ޖަރުމަނު ގައުމީ ޓީމުގެ ކުރީގެ ގޯލްކީޕަރު، އޮލިވާ ހާން ބުނެފި އެވެ. 

ހާން، މިހެން ބުނެފައިވަނީ، މި ފަހަރުގެ ފީފާ ވޯލްޑް ކަޕްގެ ގަދަ 32 ޓީމުގެ ބުރުގައި ބޮސްނިއާ އަތުން އެމެރިކާ މޮޅުވި މެޗުގައި، އެ ޓީމުގެ ފޯވާޑް، ފަލޮރިން ބަލޮގަން އަށް ދެއްކި ރަތް ކާޑަށް ލުއިދޭން ފީފާ އިން ނިންމުމާ ގުޅިގެންނެވެ.

ބަލޮގަން އަށް ދެއްކި ރަތް ކާޑަށް ފީފާ އިން ލުއިދިނީ އެމެރިކާގެ ރައީސް ޑޮނާލްޑް ޓްރަމްޕް، އެ ރަތް ކާޑުގެ ކަންކަން ރިވިއު ކުރަން ފީފާގެ ރައީސް ޖިއާނީ އިންފަންޓިނޯ އަށް ގުޅާފައި އެދުމުން ކަމަށް މީޑިއާގައި ޓްރަމްޕް ވަނީ ވިދާޅުވެފަ އެވެ. 

2002 ވަނަ އަހަރުގެ ވޯލްޑް ކަޕްގެ ތެރެއިން ޖަރުމަނުގެ ގޯލްކީޕަރު އޮލިވާ ހާން
2002 ވަނަ އަހަރުގެ ވޯލްޑް ކަޕްގެ ތެރެއިން ޖަރުމަނުގެ ގޯލްކީޕަރު އޮލިވާ ހާން

ދެކުނު ކޮރެއާ އާއި ޖަޕާންގައި 2002 ވަނަ އަހަރު ބޭއްވި ވޯލްޑް ކަޕްގެ ސެމީ ފައިނަލުގައި ކޮރެއާ އަތުން 1-0 އިން ޖަރުމަނު މޮޅުވީ ބަލަކް ޖެހި ގޯލުންނެވެ. އެކަމަކު، އެ މެޗުގައި ބަލަކަށް ދެއްކި ރީނދޫ ކާޑާ އެކު، ފައިނަލުގައި ބްރެޒިލާ ދެކޮޅަށް ކުޅުނު މެޗަށް އޭނާ ސަސްޕެންޑްވި އެވެ. ފައިނަލުގައި، ބްރެޒިލް އަތުން ޖަރުމަނު ބަލިވީ 2-0 އިންނެވެ. 

އެ ކަންކަމަށް އިޝާރާތްކޮށް، މަޖާޒީ ގޮތަކަށް ހާން ބުނީ، ފުޓްބޯޅައިގެ ތާރީހުގެ ކަންކަން އަލުން. ލިޔާނަމަ ކުޑަ ހިޔާލެއް އެބައޮތް ކަމަށެވެ. 

"އަހަރެން އެދެން، 2002 ވަނަ އަހަރުގެ ވޯލްޑް ކަޕްގެ ސެމީ ފައިނަލުގައި ބަލަކަށް ދެއްކި ރީނދޫ ކާޑު ބަދަލުކުރަން. އެއީ، އެ ސަބަބާ ހުރެ އޭނާ އަށް ފައިނަލުގައި ނުކުޅެވުނީ، ދެން، މިކަމުގެ ތެރޭގައި އުޅޭތީއާ އެކު، އަހަރެމެންނަށް އެ ފަހަރު ބްރެޒިލާ ދެކޮޅަށް ކުޅުނު ފައިނަލްގެ ރީޕްލޭ އެއް ކުޅެލަން ލިބިދާނެ،" ހާން ބުންޏެވެ. 

ބްރެޒިލުން މީގެ ސައުވީސް އަހަރު ކުރިން، އެ ޓީމުގެ ފަސް ވަނަ ފީފާ ވޯލްޑް ކަޕް ކާމިޔާބުކުރި ފައިނަލުގައި، ހާން އަތުން ހެދުނު ގޯހަކުން ބްރެޒިލުން ވަނީ ލަނޑު ޖަހައިފަ އެވެ. ހާން ވަނީ، އަލުން އެ ފައިނަލް ކުޅެލަން ލިބިއްޖެނަމަ ބަދަލުކުރާނެ ގިނަ ކަންތައްތަކެއް ހުންނާނެ ކަމަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox