ފަހަތުން އަރައި މިސްރު ބަލިކޮށް ވޯލްޑް ކަޕް ޗެމްޕިއަން އާޖެންޓީނާ ކުއާޓާ އަށް

Jul 7, 2026, 11:32 PM
ފީފާ ވޯލްޑް ކަޕްގެ ގަދަ 16 ގައި އާޖެންޓީނާ އާއި މިސްރު ކުޅުނު މެޗުގެ ތެެރެއިން، މެސީ ލަނޑު ޖެހުމަށް ފަހު އުފާފާޅުކުރަނީ.

ފީފާ ވޯލްޑް ކަޕްގެ ގަދަ 16 ގައި އާޖެންޓީނާ އާއި މިސްރު ކުޅުނު މެޗުގެ ތެެރެއިން، މެސީ ލަނޑު ޖެހުމަށް ފަހު އުފާފާޅުކުރަނީ.

އެޓްލަންޓާ، ޔުނައިޓެޑް ސްޓޭޓްސް (ޖުލައި 7) - ދެ ގޯލު ފަހަތުން އަރައި 3-2 އިން މިސްރު ބަލިކޮށް ފީފާ ވޯލްޑް ކަޕްގެ އެންމެ ފަހުގެ ޗެމްޕިއަން، އާޖެންޓީނާ އިން މި ފަަހަރުގެ މުބާރާތުގެ ކުއާޓާ ފައިނަލަށް ދަތުރުކޮށްފި އެވެ. 

މި ފަހަރުގެ ވޯލްޑް ކަޕަށް އައިއިރު، މިސްރުން ވޯލްޑް ކަޕްގައި މޮޅެއް ވެސް ހޯދާފައިނުވެ އެވެ. އެކަމަކު، އެ ޓީމުން މި ވަނީ ވޯލްޑް ކަޕްގެ އެންމެ ފަހުގެ ޗެމްޕިއަން، އާޖެންޓީނާ ކައިރީގައި ރަނގަޅު ކުޅުމެއް ދައްކައިފަ އެވެ. ފަހު 10 މިނިޓާ ހަމައަށް ދެ ގޯލު ކުރީގައި އޮތް ނަމަވެސް، ފަހު ވަގުތު ތަޖުރިބާ ނެތުމާ އެކު މިސްރު ކެޓީ އެވެ. އަނެއްކޮޅުން، އާޖެންޓީނާ އިން ވަނީ މޮޅު ކުޅުމެއް ދައްކައި ނަތީޖާ އަނބުރާލައިފަ އެވެ. 

މިސްރުން މިރޭގެ މެޗުގެ 14 ވަނަ މިނިޓްގައި ވަނީ ލީޑުނަގައިފަ އެވެ. އެ ގޮތުން، މިސްރުގެ މަރްވާން އަޓިއާ ނެގި ހުރަހަކުން މި ލަނޑު ޖެހީ ޔާސީން އިބްރާހިމް އެވެ. މެޗުގެ 21 ވަނަ މިނިޓްގައި އާޖެންޓީނާ އަށް އެއްވަރުކޮށްދޭން ލިއޮނަލް މެސީ އަށް ލިބުނު ޕެނަލްޓީ އަކުން ފޮނުވާލި ބޯޅަ މިސްރުގެ ކީޕަރު، މުސްތަފާ ޝުބޭރު ވަނީ މަަތަކޮށްފަ އެވެ. 

އޭގެ ފަހުން، ފުރަަތަމަ ހާފުގައި އާޖެންޓީނާ އިން ނަތީޖާ ހަމަހަމަކުރަން ކުރި މަސައްކަތުގައި ހޫލިއަން އަލްވަރޭޒް އޭރިއާތެރެއިން ޖެހި ޝޮޓާއި، އަލެކްސިސް މެކް އަލިސްޓާ ބޮލުން ފޮނުވާލި ބޯޅަ ކީޕަރު ޝުބޭރު ވަނީ މަތަކޮށްފަ އެވެ. 

ފީފާ ވޯލްޑް ކަޕްގެ ގަދަ 16 ގައި އާޖެންޓީނާ އާއި މިސްރު ކުޅުނު މެޗުގެ ތެެރެއިން: މިސްރު ޓީމުގެ ޒީކޯ ލަނޑު ޖެހުމަށް ފަހު އުފާފާޅުކުރަނީ.
ފީފާ ވޯލްޑް ކަޕްގެ ގަދަ 16 ގައި އާޖެންޓީނާ އާއި މިސްރު ކުޅުނު މެޗުގެ ތެެރެއިން: މިސްރު ޓީމުގެ ޒީކޯ ލަނޑު ޖެހުމަށް ފަހު އުފާފާޅުކުރަނީ.

ދެ ވަަނަ ހާފުގައި ކުޅެން އަރައި، މިސްރުން ކައުންޓަ އެޓޭކުގައި 58 ވަަނަ މިނިޓްގައި ލަނޑު ޖެހި އެވެ. މިސްރުގެ ކެޕްޓަން، މުހައްމަދު ސަލާހު ދިން ބޯޅައަކުން ޒީކޯ މި ގޯލު ޖެހިއިރު، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި ނިންމީ ގޯލެއް ނޫން ކަމަށެވެ. އެއީ، އާޖެންޓީނާގެ ލިސަންދްރޯ މާޓީނޭޒަށް މިސްރުގެ އަޓިއާ ފައުލެއް ކޮށްފައިވާތީ އެވެ. އެ ގޯލު ބަލައިނުގަތް ނަމަވެސް، އޭގެ ހަތް މިނިޓް ފަހުން، ކައުންޓަ އެޓޭކުގައި ޒީކޯ ވަނީ ގޯލެއް ޖަހައި، މިސްރަށް ދެ ގޯލުގެ ލީޑެއް ނަގައިދީފަ އެވެ. މި ލަނޑު ޖެހީ، ހައިސަމް ހަސަން ދިން ބޯޅައަކުންނެވެ. 

އާޖެންޓީނާ އިން އެއްވަރުކުރީ ހަތަރު މިނިޓް ތެރޭ ދެ ގޯލު ޖަހައިގެންނެވެ. އެ ގޮތުން، 79 ވަނަ މިނިޓްގައި މެސީ ނެގި ހުރަހަކުން އާޖެންޓިނާގެ ފުރަތަމަ ލަނޑު ޖެހީ، ކްރިސްޓިއަން ރޮމެރޯ ބޮލުންނެވެ. އަދި، އޭގެ ތިން މިނިޓް ފަހުން، އޭރިއާތެެރެއިން، މެސީ ވަނީ ގޯލުގެ ތެރެއަށް ބޯޅަ ފޮނުވާލައިފަ އެވެ. އެ ބޯޅަ ގޯލަށް ވަނީ ކީޕަރު ޝުބޭރު އަތުގައި ޖެހިފައި، ހުރަސްދަނޑީގައި ވެސް ޖެހިފަ އެވެ. 

އޭގެ ފަހުން، އިތުރު ވަގުތުގެ ތެރޭގައި، ލައުޓާރޯ މާޓީނޭޒް ނެގި ހުރަހަކަށް އަރައި އެންޒޯ ފެނާންޑޭޒް ބޮލުން ގޯލެއް ޖަހައި، އާޖެންޓީނާ މޮޅުކޮށްދިނީ އެވެ. 

މުބާރާތުގެ ކުއާޓާ ފައިނަލުގައި އާޖެންޓީނާ އިން ކުޅޭނީ ކޮލަމްބިއާ ނޫނީ ސްވިޒަލެންޑާ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox