މިސްރު ކޯޗުގެ ތުުހުމަތެއް؛ ފީފާ އިން ބޭނުންވީ މެސީ ކުރިއަށްދާން

Jul 8, 2026, 1:27 AM
މިސްރުގެ ކޯޗު ހޮސާމް ހަސަން: އޭނާ ވަނީ މިސްރާއި އާޖެންޓީނާ ކުޅުނު މެޗުގެ ރެފްރީގެ ނިންމުންތަކަށް ވަރަށް ބޮޑަށް ފާޑުކިޔައިފައި.

މިސްރުގެ ކޯޗު ހޮސާމް ހަސަން: އޭނާ ވަނީ މިސްރާއި އާޖެންޓީނާ ކުޅުނު މެޗުގެ ރެފްރީގެ ނިންމުންތަކަށް ވަރަށް ބޮޑަށް ފާޑުކިޔައިފައި.

އެޓްލަންޓާ، ޔުނައިޓެޑް ސްޓޭޓްސް (ޖުލައި 8) - ފީފާ ވޯލްޑް ކަޕްގެ ގަދަ 16 ބުރުގައި މިރޭ އާޖެންޓީނާ އިން ފަހަތުން އަރައި، 3-2 އިން މިސްރު ބަލިކުރި މެޗުގައި ފެނިގެންދިޔައީ ވަރަށް ނާއިންސާފު ކަންތައްތަކެއް ކަމަށާއި ހަގީގަތަކީ ފީފާ އިން ބޭނުންވަނީ އާޖެންޓީނާގެ ކެޕްޓަން، ލިއޮނަލް މެސީ މި މުބާރާތުގައި ކުރިއަށްދިއުމަށް ކަމަށް މިސްރުގެ ކޯޗު، ހޮސާމް ހަސަން ބުނެފި އެވެ. 

މިސްރުން 80 ވަނަ މިނިޓާ ހަމައަށް 2-0 އިން ލީޑުކުރި މި މެޗުގައި، އާޖެންޓީނާ އިން ވަނީ ފަހަތުން އަރައި، 3-2 އިން މޮޅުވެފަ އެވެ. މި މެޗުގައި މިސްރުން ފުރަތަމަ ލީޑުނެގުމުން، އެއްވަރުކުރަން އާޖެންޓީނާ އަށް ލިބުނު ޕެނަލްޓީއެއް މެސީ އަތުން ނާކާމިޔާބުވި އެވެ. މިސްރުން ޖެހި ދެ ވަނަ ގޯލު، ވީޑިއޯ އެސިސްޓަންޓް ރެފްރީ (ވީއޭއާރް)ގެ ނިންމުމަކަށް ފަހު ބަލައިނުގަންނަން ނިންމި އެވެ. އޭގެ ފަހުން، މިސްރުން ދެ ވަަނަ ލަނޑެއް ޖެހި އެވެ. 

ފަހަތުން އަރައި މިސްރު ބަލިކޮށް ވޯލްޑް ކަޕް ޗެމްޕިއަން އާޖެންޓީނާ ކުއާޓާ އަށް

މިސްރުން ދެ ގޯލުގެ ލީޑެއް ނަގާފައިވަނިކޮށް، ފަހަތުން އަރައި 3-2 އިން މެޗު ކާމިޔާބުކޮށް އާޖެންޓީނާ މުބާރާތުގެ ކުއާޓާ ފައިނަލަށް ދަތުރުކޮށްފި. މިސްރުން މޮޅު ކުޅުމެއް ދެއްކި ނަމަވެސް، މެޗުގެ ފަހު ވަގުތު އާޖެންޓީނާގެ ތަޖުރިބާކާރު ކުޅުންތެރިން ވަނީ ކުޑަ ވަގުތުކޮޅެއްގެ ތެރޭގައި ލަނޑުތައް ޖަހައި ނަތީޖާ އަނބުރާލާފައި

މެސީ ދިން ބޯޅައަކުން އާޖެންޓީނާ އިން 79 ވަނަ މިނިޓްގައި ފުރަތަމަ ލަނޑު ޖެހިއިރު، އޭގެ ތިން މިނިޓް ފަހުން، އޭނާ ވަނީ ގޯލެއް ޖަހައި ނަތީޖާ ހަމަހަމަކޮށްދީފަ އެވެ. އަދި، އިތުރު ވަގުތުގެ ދެ ވަނަ މިނިޓް ތެރޭ އެންޒޯ ފެނާންޑޭސް ވަނީ ލަނޑު ޖަހައި، އާޖެންޓީނާ މޮޅުކޮށްދީފަ އެވެ. 

މި މެޗުގެ ރެފްރީ ފްރަންކޮއާ ލަޓެކްސިއޭގެ ނިންމުންތަކަށް މިސްރުގެ ބެންޗުން ވަރަށް ބޮޑަށް ހިތްހަަމަނުޖެހުން ފާޅުކުރި އެވެ. އެހެންވެ، މިސްރުގެ ކޯޗު ހޮސާމް ހިމެނޭހެން ކުޅުންތެރިންނާއި އޮފިޝަލުންނަށް ރީނދޫ ކާޑު ދެއްކި އެވެ. މިސްރުން ވަނީ، ދެ ޕެނަލްޓީއެއް ހޯދުމަށް އެޕީލްކޮށްފަ އެވެ. އަދި، މިސްރުން ޖެހި ދެ ވަނަ ގޯލު ވީއޭއާރް އިން ބަލައިނުގަތީ ގޯސްކޮށް ނިންމި ނިންމުމަކުން ކަަމަށް ހޮސާމް ވަނީ ބުނެފަ އެވެ. 

މެޗަށް ފަހު އޮތް ނޫސްވެރިންގެ ބައްދަލުވުމުގައި ހޮސާމް ބުނީ، އެންމެ ފަހުގެ ޗެމްޕިއަން، އާޖެންޓީނާއާ ދެކޮޅަށް މިސްރު ފެނުނީ މާ ރަނގަޅަށް ކަމަށެވެ. އެކަމަކު، މި މެޗުގެ ނަތީޖާ އަށް އަސަރުކުރީ ދަނޑު މަތިންނާއި ދަނޑު ބޭރުން ވަކި ކަންތައްތަކެއް ބޭނުންވާތީ ކަމަށް ހޮސާމް ވަނީ ބުނެފަ އެވެ. 

"ފަހަރުގައި އެ މީހުން ބޭނުންވީ އެންމެ ފަހުގެ ޗެމްޕިއަން (އާޖެންޓީނާ) މުބާރާތުގައި ބާއްވަން. ފަހަރުގައި އެ މީހުން (ފީފާ އިން) ބޭނުންވީ މެސީ މި މުބާރާތުގައި ކުރިއަށްދާން، ފުޓްބޯޅައިގައި ބައެއް ފަހަރު ޓެކްނިކަލް ކަންކަމަށް ވުރެން ބޭރުން ކަންކަން ހިނގާ. އެންމެ ފަހުގެ ޗެމްޕިއަނަށް މި ސަޕޯޓް ލިބުނީ ހުރިހާ ލެވަލަކުން،" ހޮސާމް ބުންޏެވެ. 

އޭނާ ބުނީ، މެޗަށް ނުކުތުމުގެ ކުރިން ވެސް ރެފްރީ ލަޓެކްސިއޭއާ މެދު މިސްރުން ވަނީ ކަންބޮޑުުވުންތައް ހިއްސާކޮށްފަ އެވެ. 

"އިންސާފުވެރިކަމެއް އަހަންނަށް ނުފެނުނު. ފެއާޕްލޭއެއް ވެސް ނުފެނުނު. ފަހު ވަގުތު ސަލާހަށް ކުރި ފައުލެއް ނުފެނުނު، އެންމެ ކުޑަމިނުން ވީއޭއާރް އިން ބަލާލަން ޖެހޭ ކަމަށް ވެސް ނުފެނުނު. ދެން، އަހަރެމެންގެ ކުޅުންތެރިއަކު ޖޯޒީގައި ހިފަހައްޓައި ވައްޓާލި މަންޒަރު ވެސް ފެނުނު، އެ އަށް ވެސް އެޅުނު ފިޔަވަޅެއް ނެތް،" ހޮސާމް ބުންޏެވެ. 

"ދިރިއުޅުމުގެ ކަންކަން ވެސް  މި ހުރި އިންސާފުވެރިކޮށެއް ނޫން، ނޯމަލް ކަމެއް މިހާރު އިންސާފުވެރި ނުވުމަކީ ވެސް އެެހެންވީމަ، ކުޅިވަރުގައި ވެސް އޮންނާނީ މިހެން،" 

އޭނާ ބުނީ، މެޗު ނިމުމުން ރެފްރީ ލަޓެކްސިއޭ ގާތުގައި ބުނެފައިވަނީ، މެޗު ދިޔައީ އިންސާފުން ބޭރުން ކަމަށާއި ރެފްރީ އަކު ކަމެއް ފޮރުުވުމަށްޓަކައި ކަންކަން ކުރާނީ ސިއްރު ކުރަން ޖެހޭ ކަންތައްތަކެއް ހުރުމުން ކަމަށެވެ. 

ގަދަ 16 ބުރުން ކެޓިޔަސް މިއީ މިސްރަށް ކުރިއެރުން ހޯދުނު ވޯލްޑް ކަޕެކެވެ. މި ފަަހަރުގެ ވޯލްޑް ކަޕްގައި އެ ޓީމުން ފުރަތަމަ ފަހަރަށް މެޗަކުން މޮޅުވި އެވެ. އަދި، މުޅިން އަލަށް ނޮކައުޓް ބުރުގައި ވެސް ވަނީ ވާދަކޮށްފަ އެވެ. 

ހޮސާމް ބުނީ ވޯލްޑް ކަޕުން ކެޓުމުން، ދެން އޭނާ އަށް މުބާރާތް ނިމުނީ ކަމަށާއި އިތުރަށް އެންމެ މެޗެއް ވެސް ބެލުމުގެ ވިސްނުމެއް ނެތް ކަމަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox