މޫނުމަތީގައި ދިރިއުޅޭ ލޮލަށް ނުފެންނަ ސޫފި

Jul 18, 2026, 8:38 AM
މޫނުމަތީގައި އުޅޭ ކުދި ސޫފި ނުވަތަ "ޑެމޮޑެކްސް މައިޓްސް"

މޫނުމަތީގައި އުޅޭ ކުދި ސޫފި ނުވަތަ "ޑެމޮޑެކްސް މައިޓްސް"

މިއީ ހީބިހިނަގައިގެން ދާފަދަ ވާހަކައަކަށް ވެދާނެ އެވެ. ނަމަވެސް މިއީ ދެބަސްވެވެން ނެތް ހަގީގަތެކެވެ.

މި ލިޔުން ކިޔަމުންދާ ވަގުތު ވެސް ތިބާގެ މޫނުމަތީގައި ހުރި ލޯލިތަކުގެ ފޮލިކަލްތަކާއި ތެޔޮ އުފައްދާ ގްލޭންޑްތަކުގައި، މައިކްރޮސްކޯޕުން ބަލައިގެން މެނުވީ ނުފެންނަ ދިރޭ އެއްޗެހިތަކެއް އުޅެމުންދެ އެވެ. މިއަށް ކިޔަނީ ޑެމޮޑެކްސް މައިޓްސް އެވެ. 

ބޮޑެތި މީހުންގެ މޫނުގައި މި ސޫފިތައް އާބާދުވެފައިވެ އެވެ. މި ކުޑަކުޑަ މަހުލޫގަކީ އޭގެ ހަށިގަނޑު އެތެރެ ފެންނަ ޓްރާންސްޕޭރެންޓު އެއްޗެކެވެ. މީގެ ބޮޑު އެއްޗެއްގެ ދިގުމިނުގައި ހުންނަނީ އެންމެ 0.3 މިލިމީޓަރެވެ. އާދައިގެ ކުޑަ ޕިނެއްގެ ކޮޅުގައި ހުރަހަށް މިފަދަ 5 އެތި، އެކެތި އަނެކެއްޗާ ޖެހިގެން އަތުރާލެވިދާނެ އެވެ. އެހާވެސް ކުޑައެވެ. 

Advertisement

ސެން ފްރެންސިސްކޯގެ ކެލިފޯނިއާ އެކަޑެމީ އޮފް ސައިންސަސްގެ އެންޓޮމޮލޮޖިސްޓެއް ކަމަށްވާ މިޝޭލް ޓްރައުޓްވީން ސިފަކުރާ ގޮތުގައި، މީގެ ބައްޓަން ހުންނަނީ ފަންޏަކާ އެެއްގޮތަށެވެ.

ގްރީކް ބަހުން "ޑެމޮޑެކްސް" ގެ މާނައަކީވެސް "ފަލަ ފަންޏެވެ." ނަމަވެސް މިއީ ހަގީގަތުގައި ފަންޏެއް ނޫނެވެ. މިއީ މަކުނުގެ އާއިލާއަށް ނިސްބަތްވާ އެރެކްނިޑްސް އެވެ. 

ސައިންސް ވެރިޔާ ޓްރައުޓްވީން ވަނީ ދުނިޔޭގެ އެކި ކަންކޮޅުތަކުގެ 2,000 އަށްވުރެ ގިނަ މީހުންގެ މޫނުމަތިން ސާމްޕަލް ނަގައިގެން ތަހުލީލުކޮށްފަ އެވެ. އޭގެ ތެރެއިން ކޮންމެ މީހެއްގެ މޫނުންވެސް މި މައިޓްސްގެ ޑީއެންއޭ ފެނިފައިވެ އެވެ. އޭނާގެ ދިރާސާތަކުން ދައްކާ ގޮތުގައި، ދުނިޔޭގެ އެކި ސަރަހައްދުތަކުގެ މީހުންގެ މޫނުމަތީގައި އުޅެނީ ތަފާތު ވައްތަރުގެ މައިޓްސްއެވެ.

"މި ސޫފިތަކުން ކާބަފައިންގެ ވާހަކައާއި، އިންސާނުންގެ ހިޖުރަކުރުމުގެ ކުރީގެ ތާރީހު ކިޔައިދޭ،" ޓްރައުޓްވީން ވިދާޅުވިއެވެ.

ގާތްގަނޑަކަށް ދެ ހަފުތާގެ އުމުރެއް ލިބިފައިވާ މި ސޫފި ދުވާލުގެ ވަގުތުތަކުގައި ތިބެނީ ލޯލިތަކުގެ ބުޑުގެ އެތެރޭގަ އެވެ. ނަމަވެސް އިންސާނާ ނިދުމުން މިތަކެތި ހަންގަނޑުގެ މައްޗަށް އަރައި އާބާދީ އިތުރުކުރުމުގެ މަސައްކަތުގައި އުޅެ އެވެ.

މި ސޫފިތައް އާންމުގޮތެއްގައި ކާނާގެ ގޮތުގައި ބޭނުންކުރަނީ ހަންގަނޑުން ބޭރުވާ މަރުވެފައިވާ ސެލްތަކާއި ހަންގަނޑު ތެޔޮކޮށް ބެހެއްޓުމަށް އުފައްދާ "ސީބަމް" އެވެ. 

އަހަރެމެންގެ ދިފާއީ ނިޒާމުން މީގެ އާބާދީ ވަކި ވަރެއްގައި ހިފަހައްޓަ އެވެ.  މި ސޫފިތަކުގެ ސަބަބުން ހަންގަނޑަށް އެއްވެސް ގެއްލުމެއް ނުލިބެ އެވެ. ނަމަވެސް، ސޫފިތައް އާދަޔާ ހިލާފަށް ގިނަވެއްޖެ ނަމަ ހަންގަނޑު ރަތްވުމުގެ އިތުރުން ހަމުގެ ބަލިތައް ކުރިމަތިވުމަށް މެދުވެރިވެ އެވެ. މަދުން ނޫނީ ދިމާނުވާ ބައްޔެއް ކަމަށްވާ ޑެމޮޑިކޯސިސް ޖެހުމުން މީގެ އާބާދީ އިންތިހާއަށް އިތުރުވެ އެވެ.


ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox