ޗެއާޕާސަން އިންތިހާބުގެ ވަގުތީ ނަތީޖާ: ނަޝީދަށް 68 ޕަސެންޓު، މީކާއީލްއަށް 30 ޕަސެންޓު

Jun 14, 2026, 8:57 AM
އަންނި އެމް ޑީ ޕީ ޗެއާ ޕާސަން އިންތިހާބު ކާމިޔާބު ކުރުން

އަންނި އެމް ޑީ ޕީ ޗެއާ ޕާސަން އިންތިހާބު ކާމިޔާބު ކުރުން

އިދިކޮޅު އެމްޑީޕީގެ ޗެއާޕާސަންގެ މަގާމަށް މީހަކު ހޮވަން ހުކުރު ދުވަހު ބޭއްވި އިންތިހާބުގައި ކުރީގެ ރައީސް މުހައްމަދު ނަޝީދަށް 68.9 ޕަސެންޓު އަދި މެންބަރު މީކާއީލް އަހުމަދު ނަސީމަށް ލިބިވަޑައިގެންނެވީ 30 ޕަސެންޓު ވޯޓުކަން ވަގުތީ ނަތީޖާއިން ދައްކައިފި އެވެ. 

އެމްޑީޕީ އިން އިއްޔެ އާންމު ކުރި އިންތިހާބުގެ ވަގުތީ ނަތީޖާއިން ދައްކާ ގޮތުގައި ހުކުރު ދުވަހު ވޯޓުލާން ނުކުތީ 30،895 މީހުންނެވެ. އޭގެ ތެރެއިން 21،301 މީހުން ވޯޓުލީ ނަޝީދަށެވެ. އަދި މީކާއީލް ވޯޓުލީ 9462 މީހުންނެވެ. ވޯޓުތަކުގެ ތެރެއިން 234 ވޯޓު ވަނީ ބާތިލްކޮށްފަ އެވެ.

އެ އިންތިހާބުގައި ވާދަ ކުރަން ނަން ހުށަހެޅުމަށްފަހު، ފަހުން މީކާއީލްއަށް ތާއީދު ކުރި އިބްރާހިމް މުހައްމަދު (ވާޑު) އަށް ވެސް 132 ވޯޓު ލިބުނެވެ. 

އެމްޑީޕީގެ 50،176 މީހުންނަށް ވޯޓުލުމުގެ ހައްގު ލިބުނެވެ. އެހެންކަމުން ވަގުތީ ނަތީޖާގެ ހިސާބުތަކަށް ބަލާއިރު ވޯޓުލާފައި ވަނީ އެ ހައްގު ލިބުނު މީހުންގެ ތެރެއިން 61.5 ޕަސެންޓު މީހުންނެވެ. މިއީ ސިޔާސީ ޕާޓީއެއްގެ އިންތިހާބަކާ ބަލާއިރު ބޮޑު ވޯޓާސް ޓާންއައުޓްއެކެވެ.

ވޯޓުލުން ކުރިއަށް ދަނިކޮށް ވޯޓު ފޮށި ފަޅާލުމުން ގދ. ފިޔޯރީގެ ވޯޓުތައް ބާތިލްކޮށް، އެ ފޮށްޓަށް އަލުން ވޯޓުލާން ވަނީ ނިންމައިފަ އެވެ. ދެން އެ ވޯޓު ބާއްވާނެ ކަމެއް އަދި ބާއްވާ ނަމަ ކުރިއަށްގެންދާނީ ކޮން ތާރީހެއްގައި ކަމެއް ނޭނގެ އެވެ. އެ ފޮށްޓަށް ވޯޓުލާން 84 ރަޖިސްޓްރީ ކުރި އެވެ. 

ޗެއާޕާސަންގެ އިންތިހާބު ކާމިޔާބު ކުރެއްވި ނަޝީދު ވަނީ އެ މަގާމާ އިއްޔެ ހަވާލުވެވަޑައިގެންފަ އެވެ. އިންތިހާބު ކާމިޔާބު ކުރެއްވުމަށްފަހު ނަޝީދު ވަނީ އެމަނިކުފާނާ ވާދަ ކުރެއްވި މީކާއީލްއާ ވާހަކަ ދައްކަވައިފަ އެވެ. އަދި ޕާޓީގެ މަސައްކަތްތަކުގައި ކުރިއަށްދާނީ އެކުގައި ކަމަށް ވިދާޅުވި އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox