ނޯވަކްގެ މަރު: އެމެރިކާގެ ނައިބު ރައީސްގެ ވާހަކަތަކަށް އިނގިރޭސިވިލާތުން ރައްދު ދީފި

Jun 6, 2026, 9:25 AM
ވޭންސް. -- ފޮޓޯ: ރޮއިޓާސް

ވޭންސް. -- ފޮޓޯ: ރޮއިޓާސް

ހެންރީ ނޯވަކް މަރާލި ހާދިސާއަށް ފަހު އެމެރިކާގެ ނައިބު ރައީސް ޖޭޑީ ވެންސް ދެއްކެވި ވާހަކަތަކާ ގުޅިގެން، އިނގިރޭސިވިލާތުގެ ޑިމޮކްރަސީއަށް ނުފޫޒު ފޯރުވައި ބައިބައިވުން އުފެއްދުމަށް ބަޔަކު މަސައްކަތް ކުރަމުންދާ ކަމަށް ބުނެ ޑައުނިންގް ސްޓްރީޓުން ވަރުގަދަ ރައްދެއް ދީފި އެވެ.

މިދިޔަ އަހަރު ސައުތުހެމްޕްޓަންގައި ވިކްރަމް ދިގްވާ ވަޅިން ހަމަލާދީ މަރާލި އުމުރުން 18 އަހަރުގެ އިނގިރޭސި ދަރިވަރު ހެންރީ ނޯވަކްގެ މަރުގެ ޒިންމާ އެމެރިކާގެ ނައިބު ރައީސް އެޅުއްވީ "ހިޖުރާ ކުރާ މީހުންގެ ފައުޖުތައް ގައުމަށް ވަދެގަތުމުގެ" މައްޗަށެވެ. އަދި މިކަމަށް އޮތް ހަމައެކަނި ރައްދަކީ "ހައްގު ރުޅި" އިސްކުރުން ކަމަށް ވެސް ވެންސް ވިދާޅުވި އެވެ.

އެކްސްގައި ވެންސް ކުރެއްވި މި ޕޯސްޓާ ގުޅިގެން ޑައުނިންގް ސްޓްރީޓްގެ ތަރުޖަމާނު ވިދާޅުވީ، ނޯވަކްގެ މަރުގެ ހާދިސާ ބޭނުންކޮށްގެން އިތުރު ބައިބައިވުން އުފެއްދުމަށް އާއިލާއިން ބޭނުންނުވާ ކަމަށް އެ އާއިލާއިން ބުނެފައިވާ ކަމަށެވެ.

"އެންމެ ހިތާމަވެރި ދަނޑިވަޅުތަކުގައި ވެސް އަޅުގަނޑުމެންގެ ސިޔާސީ ނިޒާމު ވާންޖެހޭނީ މީހުން އެއްބައިކުރުވާ އެއްޗަކަށް. އެއީ ގައުމެއްގެ ގޮތުގައި އަޅުގަނޑުމެންގެ ސިފައަކީ،" އެ ބަޔާނުގައި އިތުރަށް ބުނެފައިވެ އެވެ.

ނޯވަކް މަރުވަމުން ދިޔައިރު ފުލުހުން އޭނާގެ އަތުގައި ބިޑިއެޅުވި މަންޒަރު ފެންނަ ބޮޑީކެމް ފުޓޭޖް އާންމުވުމާ ގުޅިގެން، މިދިޔަ އަންގާރަ ދުވަހު ސައުތުހެމްޕްޓަންގައި ވަނީ އިހުތިޖާޖުތަކެއް ކޮށްފަ އެވެ. ފުލުހުން ނޯވަކްގެ އަތުގައި ބިޑިއެޅުވީ، އޭނާ މަރާލި ދިގްވާ އަކީ ނަސްލީ ހަމަލާއެއްގެ ޝިކާރައަކަށްވީ މީހާ ކަމަށް ބުނެ ފުލުހުންނަށް ދޮގު މައުލޫމާތު ދިނުމާ ގުޅިގެންނެވެ.

މިދިޔަ ޑިސެމްބަރު މަހުގެ 3 ވަނަ ދުވަހުގެ ރޭ ރަހުމަތްތެރިންނާއެކު ބޭރުގައި އުޅުމަށް ފަހު އެކަނި ގެއަށް ހިނގާފައި ދަނިކޮށް، ނޯވަކްއަށް ހަމަލާ ދިނީ އިންޑިއާ ނަސްލުގެ ސީކް ދީނަށް ނިސްބަތްވާ 21 އަހަރުގެ ދިގްވާ އެވެ. ހަމަލާ ދިނީ 21 ސެންޓިމީޓަރުގެ ވަޅިއަކުންނެވެ. ދިގްވާ އުމުރަށް ޖަލަށް ލުމަށް ހުކުމްކޮށްފައިވާ އިރު، އޭނާ ބުނީ ވަޅި ގެންގުޅުނީ އޭނާގެ އަގީދާގެ ދަށުން ކަމަށެވެ. 

ނޯވަކްގެ މަރު: ފުލުހުންގެ އަމަލުތަކާ މެދު އިނގިރޭސި ބޮޑުވަޒީރު ސުވާލު އުފައްދަވައިފި

ހެންރީ ނޯވަކް މަރާލި ހާދިސާގައި ފުލުހުން އަމަލުކުރި ގޮތުގެ ބޮޑީކެމް ފުޓޭޖް އާންމުވުމާ ގުޅިގެން، ފުލުހުންނާ މެދު ސީރިއަސް ސުވާލުތަކެއް ހުރި ކަމަށް އިނގިރޭސި ބޮޑުވަޒީރު ވިދާޅުވެއްޖެއެވެ. މި ހާދިސާގައި އަނިޔާ ލިބުނު ނޯވަކްގެ އަތުގައި ފުލުހުން ބިޑިއެޅުވި މައްސަލައިގައި އާންމުން މުޒާހަރާކުރަމުންދާއިރު، ފުލުހުންގެ ތެރޭގައި އޮތް ނަސްލީ ތަފާތުކުރުންތަކުގެ ސިޔާސަތުތަކާ މެދު ވަނީ ބޮޑު ބަހުސެއް އުފެދިފައެވެ.

ކްރައުން ޕްރޮސެކިއުޝަން ސާވިސްއިން ކަށަވަރުކޮށްދީފައިވާ ގޮތުގައި ނޯވަކް މަރާލި ދިގްވާ އަކީ އުފަންވީއްސުރެ އިނގިރޭސި ރައްޔިތެކެވެ.

އިންޑިޕެންޑެންޓް އޮފީސް ފޯ ޕޮލިސް ކޮންޑަކްޓުން މިހާރު ދަނީ ފުލުހުން އަމަލުކުރި ގޮތް ތަހުގީގު ކުރަމުންނެވެ. އަދި ފުލުހުންގެ ފަރާތުން އައި އެއްވެސް އިހުމާލެއް ނުވަތަ ފަރުވާ ދިނުން ލަސްވުމަކީ ނޯވަކްގެ މަރަށް މެދުވެރިވި ސަބަބެއްތޯ އަންނަ އަހަރު ބާއްވާ އިންކުއެސްޓް ޖޫރީއަކުން ނިންމާނެ އެވެ.

މި ހަފުތާގެ ކުރީކޮޅު ބޮޑުވަޒީރު ކިއާ ސްޓާމާ ވަނީ، ޓެކް ބިލިއަނަރު އީލޮން މަސްކް ވެސް ނޯވަކްގެ މަރުގެ ހާދިސާ ބޭނުންކޮށްގެން "ބައިބައިވުން އުފައްދަން މަސައްކަތްކުރާ" ކަމަށް ތުހުމަތު  ކުރައްވާފަ އެވެ.

މިދިޔަ އަންގާރަ ދުވަހު އެކްސްގައި ކުރެއްވި ޕޯސްޓެއްގައި މަސްކް ލިޔުއްވާފައި ވަނީ، ނޯވަކް މަރުވަމުން ދިޔަ ވަގުތު ފުލުހުން އޭނާއާ މެދު އަމަލުކުރި އިހާނެތި ގޮތާއި، ގާތިލުގެ ކުރިމަތީގައި ފުލުހުން ކުޑަކަކޫ ޖެހި މަންޒަރު ފެންނަ ވީޑިއޯ އެންމެންނަށް ފޮނުވުމަށެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox