ވާނުވާގައި އަހަރަކަށް ވުރެ ގިނަ ދުވަސްވީ މީހުންގެ މައްސަލަތައް ކްރިމިނަލް ކޯޓުން މި އަހަރު ނިންމަނީ

ކްރިމިނަލް ކޯޓަށް ދިމާވެފައިވާ ޖާގައިގެ ދަތިކަމުގެ މައްސަލަ ހައްލުކުރަން ތައްޔާރުކުރި އިމާރާތް: ޖަސްޓިސް ބިލްޑިންގެ އެނެކްސްއެއް ގޮތުގައި ހިންގާ މި އިމާރާތުގައި ޑްރަގު ކޯޓުގެ ޝަރީއަތްތައް ވެސް ހިންގާ --- ފޮޓޯ: އަދަދު

ކްރިމިނަލް ކޯޓަށް ދިމާވެފައިވާ ޖާގައިގެ ދަތިކަމުގެ މައްސަލަ ހައްލުކުރަން ތައްޔާރުކުރި އިމާރާތް: ޖަސްޓިސް ބިލްޑިންގެ އެނެކްސްއެއް ގޮތުގައި ހިންގާ މި އިމާރާތުގައި ޑްރަގު ކޯޓުގެ ޝަރީއަތްތައް ވެސް ހިންގާ --- ފޮޓޯ: އަދަދު

ޝަރީއަތް ނިމެންދެން ބަންދުގައި ނުވަތަ އާންމުކޮށް މިހާރު ކިޔައި އުޅޭ ގޮތަށް ވާނުވާގައި، އަހަރަކަށް ވުރެ ގިނަ ދުވަސްވީ މީހުންގެ މައްސަލަތައް މި އަހަރު ބަލައި ނިމޭނެ ކަމަށް ކްރިމިނަލް ކޯޓުން އަންދާޒާކޮށްފި އެވެ.

ކްރިމިނަލް ކޯޓުން މިދިޔަ އަހަރުގެ ތަފާސް ހިސާބުތައް އާންމުކުރި ރިޕޯޓުގައި ބުނީ ކްރިމިނަލް ކޯޓުގެ އައު އިމާރާތާއެކު ކޯތުން މައްސަލަ ނިންމާ ރޭޓަށް ބަލާއިރު އެ ކޯޓުގައި އަހަރު ދުވަސްވީ ވާނުވާގެ މައްސަލަތައް މި އަހަރު ތެރޭގައި ނިންމާލެވޭނެ ކަމަށް އަންދާޒާ ކުރެވޭ ކަމަށެވެ.

"ޝަރީއަތް ނިމެންދެން ބަންދުގައި ތިބި މީހުންގެ ތެރެއިން އެއް އަހަރަށްވުރެ ގިނަ ދުވަސްވީ އެންމެހައި މައްސަލަތަކެއް 2026 ވަނަ އަހަރު ނިމޭނެކަމީ، އައު އިމާރާތުގެ ސަބަބުން ކޯޓުން މައްސަލަ ނިންމާ ރޭޓަށް އައި ކުރިއެރުމަށް ބަލާއިރު، ކުރެވޭ އުންމީދީ އަންދާޒާއެއް،" އެ ކޯޓުން ބުންޏެވެ.

ކްރިމިނަލް ކޯޓުން ބުނީ މިދިޔަ އަހަރު ފެށުނުއިރު ބަންދުގައި ތިބި މީހުންގެ ތެރެއިން އެއްވެސް މީހެއް 2026 ވަނަ އަހަރު ނިމޭއިރު ބަންދުގައި ނުހުންނާނެކަމީ ކޯޓުގެ މަސައްކަތުގެ ދުވެއްޔާއި ކޯޓުގެ އަމާޒަށް ބަލާއިރު ހާސިލުވާނެ ލަނޑުދަނޑިއެއްކަމާމެދު ޝައްކެއް ނެތް ކަމަށެވެ.

މިދިޔަ އަހަރު ފެށުނުއިރު ޝަރީއަތް ނިމެންދެން ބަންދުކޮށްފައިވާ މީހުންގެ އަދަދު ހުރީ 272 ގަ އެވެ. އޭގެ ތެރެއިން މިދިޔަ އަހަރު ނިމުނުއިރު ބަންދުގައި ތިބީ 128 މީހުންނެވެ.

ކްރިމިނަލް ކޯޓުން އަންދާޒާ ކުރާގޮތުގައި މި އަހަރަކީ އެ ކޯޓުގެ މަސައްކަތުގެ ދުވެލި ތާރީހުގައި ވެސް ނުދެކޭހާ ބާރުމިނުގައި ހުންނާނެ އަހަރެއް ކަމަށް ބެލެވޭއިރު، މި އަހަރަކީ ބެކްލޮގްގައި ހުރި މަސައްކަތްތައް ވެސް ނިމެނޭ އަހަރެކެވެ.

މިދިޔަ އަހަރު ނިމުނުއިރު ކްރިމިނަލް ކޯޓުގެ ނުނިމިއޮތީ ޖުމްލަ 1،735 މައްސަލަ އެވެ. ކޯޓުގެ ދުވެލި މިވަގުތު ހުރީ މަހަކު 175 މައްސަލަ ނިންމުމުގެ ބާރު މިނުގައި ކަމަށްވާތީ، އެ ރޭޓުން މަސައްކަތް ކުރިއަށްދާނަމަ އަހަރު ނިމޭއިރު 2،000 އަށްވުރެ ގިނަ މައްސަލަ ނިމޭނެ އެވެ.

މިދިޔަ އަހަރު ނިންމި މައްސަލަތަކުގެ ތެރެއިން ތިން މީހުން މެރުމަށް ކޯޓުން ހުކުމް ކޮށްފައިވެ އެވެ. އޭގެ އިތުރުން މަސްތުވާތަކެތި ޓްރެފިކް ކުރުމާއި ރާއްޖެއަށް މަސްތުވާތަކެތި އެތެރެކުރުމުގެ މައްސަލަތަކުގައި 62 މީހުން ޖަލަށް ލުމަށް ހުކުމްކޮށްފައިވެ އެވެ. ކުޑަކުދިންނަށް ޖިންސީ ގޯނާ ކުރުމުގެ މައްސަލަތަކުގައި 11 މީހުން ޖަލަށްލާން ހުކުމް ކޮށްފައިވެ އެވެ.

މިދިޔަ އަހަރު ކްރިމިނަލް ކޯޓަށް އެންމެ ގިނައިން ހުށަހެޅީ ވައްކަމުގެ މައްސަލަތަކެވެ. އެއީ 160 މައްސަލަ އެވެ. އޭގެއިތުރުން މަސްތުވާތަކެތީގެ ޖިނާއީ ބޮޑެތި މައްސަލަތަކުގެ ގޮތުގައި 146 މައްސަލަ ވެސް ހުށަހަޅާފައިވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox