ހަކުރު ކޮންޓްރޯލް ކުރުމަށް އެވޮކާޑޯ ބޭނުންކުރުން ރަނގަޅު

Dec 18, 2025, 10:33 AM
ހަކުރު ކޮންޓްރޯލް ކުރުމަށް އެވޮކާޑޯ ބޭނުންކުރުން ރަނގަޅު

މެންދުރު ކައި ނިމިގެން ނުވަތަ ރޭގަނޑު ކައި ނިމިގެން ފޮނި މޭވާއެއް ކައިލުމުގެ ގޮތުން އެވޮކާޑޯ ކެއުމަށް ވުރެ، އޭގައި އެކުލެވޭ އެހެން ފައިދާތައް މާ ބޮޑު ކަމަށް ސައެންސްގެ ހޯދުންތަކުން ދައްކައެވެ. ނަމަވެސް ދެއިރު ކެއުން ރަނގަޅެއް ނޫނެވެ. އަދި ރޭގަނޑުގެ ކެއުމަށް ފަހުގައި، ފޮނި މޭވާތައް ކެއުން ވެސް ރަނގަޅެއް ނޫނެވެ.

މެންދުރުގެ ކެއުމަށް ފަހު އެވޮކާޑޯ ފަޅިއެއް ކައިލުމުން، ވަރަށް ގިނަ ސިއްހީ ފައިދާތައް ލިބެއެވެ. ފުރަތަމަ ކަމަކީ، އެމިންވަރަށް އެވޮކާޑޯ ކެއުމުން، ބަނޑުހައިކަން އިހްސާސް ނުވެ ގިނަ ވަގުތު ހުރެވޭނެއެވެ. ސަބަބަކީ އެވޮކާޑޯއަކީ ހަށިގަނޑަށް ބޭނުންވާ ފައިދާ ހުރި ސަރުބީ އެކުލެވޭ މޭވާއެކެވެ. އަދި ހަށިގަނޑުގައި ދައުރުވާ ލޭގެ ތެރޭގައި ހުންނަ ހަކުރުގެ މިންވަރު ކޮންޓްރޯލް ކުރުމަށް އެހީވެދޭ އެހެން މާއްދާތައް ވެސް އެކުލެވޭ މޭވާއެކެވެ.

ފޮނި މޭވާތަކުގެ ގިނަ ބާވަތްތަކަކީ ވަރަށް މަތީ މިންވަރަކަށް ކާބޮހައިޑްރޭޓް ހިމެނޭ މޭވާއެވެ. އޭގެ ސަބަބުން، ލޭގައި ހަކުރުގެ މިންވަރު މަތިވެއެވެ. ނަމަވެސް އެވޮކާޑޯ މުޅިން ތަފާތެވެ. އެވޮކާޑޯގައި ގިނައިން އެކުލެވެނީ ސަރުބީގެ ބާވަތްތަކެވެ. ވަކިން ހާއްސަކޮށް، ހިތުގެ ދުޅަހެޔޮކަމަށް އެންމެ މުހިންމު އެއް މާއްދާ ކަމަށްވާ މޮނޯއަންސެޗުރޭޓެޑް ފެޓް ކިޔާ ސަރުބި އެވެ.

Advertisement

މި ބާވަތުގެ ސަރުބިއަކީ މައިދާގައި ހުންނަ ކާނާ ހަޖަމުކުރުން ލަސްކޮށްދޭ މާއްދާއަކަށް ވުމުން، ކެއުމާ ވިދިގެން ކުއްލިއަކަށް ހަކުރުގެ މިންވަރު މައްޗަށް ދާ ދިއުން ހުއްޓަވައިދެއެވެ. ހަކުރު ބަލި ހުންނަ މީހުން އެންމެ ބޮޑަށް ސަމާލުކަން ދޭންޖެހެނީ، ލޭގައި ހަކުރު އެކުލެވޭ މިންވަރު ކޮންޓްރޯލް ކުރުމަށެވެ. ނުވަތަ އެއް މިންވަރެއްގައި ހިފެހެއްޓުމަށެވެ.

ނިއުޓްރިޝަން ޖާނަލްގައި ޝާއިއުކޮށްފައިވާ ދިރާސާ ރިޕޯޓްގައި ފާހަގަކޮށްފައިވާ ގޮތުގައި މެންދުރުގެ ކޮއްތުގެ ތެރެއަށް އެވޮކާޑޯ ފަޅިއެއް އިތުރުކޮށްލުމުން، ބަނޑުހައި ނުވެ ގިނަ ވަގުތު ހުރެވޭނެއެވެ. އަދި ހަކުރު ބަލި ހުންނަ މީހުން ކެއުމާ ވިދިގެން، ކުއްލިއަކަށް ލޭގެ މިންވަރު މައްޗަށްދާ ދިއުން ވެސް ކޮންޓްރޯލް ވާނެއެވެ.

އޭގެ އިތުރުން އެވޮކާޑޯއަކީ ފައިބަރުން ވެސް މުއްސަނދި މޭވާއެކެވެ. އެންމެ އެވޮކާޑޯއެއްގައި އެވްރެޖް ގޮތެއްގައި 10 ގުރާމްގެ ފައިބަރު އެކުލެވެއެވެ. މިއީ މެދުމިނު އާދަމު ދަރިއަކަށް ދުވާލަކު ބޭނުންވާ ފައިބަރުގެ 40 އިންސައްތައެވެ. އަދި އެހެން ބާވަތްތަކުގެ މޭވާތަކުން ލޭގެ ތެރެއަށް ހަކުރުގެ ބައިތައް ދަމައިގަންނަ މިންވަރާ އަޅައި ބަލާއިރު، އެވޮކާޑޯ އިން ލޭގެ ތެރެއަށް ހަކުރުގެ ބައިތައް ދަމައިގަންނަ ނިސްބަތްވެސް ވަރަށް ދަށްކަމަށް ދިރާސާއިން ދައްކައެވެ.

މި ކަމުގެ ސަބަބުން ވެސް ލޭގައި ހަކުރު އެކުލެވޭ މިންވަރު ކޮންޓްރޯލް މިންގަނޑެއްގައި ހިފެހެއްޓުމަށް އެހީވެދެއެވެ. އެހެން ދިރާސާއަކުން އެނގިފައިވާ ގޮތުގައި ހަށިގަނޑަށް ގިނައިން ފައިބަރު ލިބުމަކީ ހަކުރުގެ މިންވަރު ދަށްކޮށްދީ، ހަށިގަނޑުން އިންސުލީން ބޭނުންކުރާ ގޮތް ވެސް ހަރުދަނާކޮށްދޭ ކަމެކެވެ.

ފައިބަރާއި ހަށިގަނޑަށް ބޭނުންވާ ސަރުބީގެ އިތުރުން ވެސް ހަށިގަނޑަށް ބޭނުންވާ އެހެން މުހިންމު ބައެއް މާއްދާތައް އެވޮކާޑޯގައި އެކުލެވެއެވެ. ހިތަށާއި ހަށިގަނޑުގެ އެހެން މަސްތަކަށް ބޭނުންވާ ޕޮޓޭސިއަމްގެ އިތުރުން، ވިޓަމިން ސީ، އީ، ކޭ އަދި ބީ6 ވެސް އެކުލެވެއެވެ. ހަށިގަނޑުގެ ދިފާއީ ނިޒާމަށް މުހިންމު މައުދަނުގެ ބާވަތްތައް ކަމަށްވާ މެގްނީސިއަމް އާއި ކޮޕާ ވެސް، އެވޮކާޑޯގައި އެކުލެވެއެވެ.

އެވޮކާޑޯއަކީ ސިއްހީ ގޮތުން ފައިދާތައް ގިނަ މޭވާއެއް ކަމަށް ވިޔަސް، މި މޭވާ ކާ މިންވަރު ވަރަށް މުހިންމެވެ. އޭގައި އެކުލެވޭ ސަރުބީގެ ސަބަބުން، އެވޮކާޑޯއަކީ ވަރަށް މަތީ މިންވަރަކަށް ކެލޮރީ ވެސް އެކުލެވޭ މޭވާއަކަށް ވާތީ، ހަކުރު ކޮންޓްރޯލް ކުރުމުގެ ނިޔަތުގައި މާ ގިނައިން ކާން ފަށައިފިއްޔާ، އިސާހިތަކު ހަށިގަނޑު ބަރުވާން ފަށާނެއެވެ. އެހެން ވެއްޖެއްޔާ، ހަކުރު ކޮންޓްރޯލް ކުރުން އަނެއްކާ ވެސް އުނދަގޫ ވާނެއެވެ.

ތަޖުރިބާކާރުން ވިދާޅުވާ ގޮތުގައި އެވޮކާޑޯ ކާންވާނީ، އެމީހެއްގެ ހަށިގަނޑަށް ކެލޮރީ ބޭނުންވާ ނިސްބަތަށް ބަލައިގެންނެވެ. އެކަން ބެލުމަށް ފަހު، ދުވާލަކު އެވޮކާޑޯއެއް ނުވަތަ އެވޮކާޑޯ ފަޅިއެއް ކެއުން ރަނގަޅެވެ. އެއަށް ވުރެ ގިނައިން ކައިފިއްޔާ ލިބޭ ފައިދާއަށް ވުރެ ގެއްލުން ބޮޑުވެދާނެއެވެ.

ކެއުމަށް އެންމެ ރަނގަޅީ ދޮންވެ ފައްކާވެފައި ހުންނަ އެވޮކާޑޯއެވެ. އިނގިލި ޖައްސައިލުމުން މަޑުވެފައި ހުންނަ ނަމަ، އެހެރީ ދޮންވެ ފައްކާވެފައެވެ. އިނގިލި ޖައްސައިލާއިރު ހަރުކޮށް ހުރިއްޔާ، ރަނގަޅަށް ދޮންވެ ފައްކާ ވަންދެން – މަޑުވަންދެން – ގޭތެރޭގެ ފިނިހޫނުމިނުގައި ބަހައްޓައިގެން ފައްކާކުރާށެވެ. ތަންކޮޅެއް އަވަހަށް ފައްކާކުރަން ބޭނުން ނަމަ، ދޮންކެޔޮ ވަކަކާއެކު ނުވަތަ އާފަލަކާ އެކުގައި ކަރުދާހު ކޮތަޅަކަށްލައި ބަންދުކޮށްލާފައި ބާއްވާށެވެ. ފައްކާވުމަށް ފަހުގައި ގިނަ ދުވަހަށް ބަހައްޓަން ބޭނުމިއްޔާ، އައިސް އަލަމާރީގައި ރައްކާކުރާށެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox