ގޭގައި ގެންގުޅޭ ބައެއް ސާމާނުން ފުރަމޭ ހަލާކުކޮށްލާ

Nov 16, 2025, 2:09 AM
ގޭގައި ގެންގުޅޭ ބައެއް ސާމާނުން ފުރަމޭ ހަލާކުކޮށްލާ

ކޮންމެ ދުވަހަކު ވެސް އެކުގައި އުޅެވޭ ބައެއް ގެވެހި ސާމާނުގެ ސަބަބުން ފުރަމޭ ހަލާކުވުމުގެ ނުރައްކާ ތިން ގުނަ އިތުރުކޮށްދޭ ކަމަށް ސައެންސްވެރިން ބުނެފިއެވެ. މައްސަލައަކީ ގޭގައި ގެންގުޅޭ ގެވެހި ސާމާނެއް ނޫނެވެ. އެ ސާމާނު އުފެއްދުމުގައި ބޭނުންކޮށްފައި ހުންނަ ނުރައްކާތެރި ކެމިކަލެކެވެ.

އާންމު ގޮތެއްގައި ފުރަމޭގެ މައްސަލަތައް މެދުވެރިވާން ފަށަނީ މައިގަނޑު ތިން ކަމެއްގެ ތެރެއިން ކޮންމެވެސް އެއް ކަމެއް މެދުވެރިވުމުންނެވެ. އެއީ އާދަޔާ ހިލާފަށް ގިނައިން ބަނގުރާ ބުއިން، ހަކުރު ބައްޔާއި ކޮލެސްޓެރޯލް މަތިވުން ނުވަތަ ހެޕަޓައިޓިސް ބީ އާއި ސީ ފަދަ ބައެއްޔެއްގެ ސަބަބުން ފުރަމޭގައި ޖަރާސީމު އަށަގަތުމެވެ.

ނަމަވެސް، ލިވާ އިންޓަނޭޝަނަލް ކިޔާ ޖާނަލްގައި ޝާޢިއުކޮށްފައިވާ ދިރާސާ ރިޕޯޓްގައި ބުނެފައިވާ ގޮތުން ޓެޓްރަކްލޯރޯއެތިލީން ނުވަތަ ޕާކްލޯރޯއެތިލީން (ޕީސީއީ) އަށް ދާއިމީ ގޮތެއްގައި ހުށަހެޅޭ މީހުންގެ ފުރަމެއަށް ބޮޑެތި ގެއްލުންތަކެއް ލިބުމުގެ ނުރައްކާ ވަރަށް ބޮޑެވެ. ޕީސީއީ އަކީ އާންމު ގޮތެއްގައި ޑްރައި ކްލީން ކުރުމުގައި ބޭނުންކުރާ ބާރުގަދަ ކެމިކަލެކެވެ.

Advertisement

އޭގެ އިތުރުން ކޮންމެ ގެއެއްގައި ވެސް އާންމުކޮށް ހުންނަ އެއްޗެހި ކަމަށްވާ، ތެރަސް، ލައްފިލުވާ، ސްޓެއިންލެސް ސްޓީލް ޕޮލިޝް، ދަވާދު ފިލުވާ އެއްޗެހި ފަދަ ސާމާނުގައި ވެސް ޕީސީއީ އެކުލެވެއެވެ. މިއީ އިތުރު އެހެން ކަންކަމުގައި ވެސް ތަފާތު އެހެން ކެމިކަލްތަކާ އެއްކޮށްގެން ވެސް ބޭނުންކުރާ، ހުޅު ނުހިފާ އަގު ހެޔޮ ކެމިކަލެކެވެ.

ގޭތެރޭގައި ގެންގުޅޭ ބައެއް ސާމާނުގައި މި ވިހަ ކެމިކަލް ބޭނުންކޮށްފައި ހުރުމުން، ގޭތެރޭގައި ދައުރުވާ ވައިގެ ތެރެއަށް އެ ކެމިކަލް ފެތުރިގެންދެއެވެ. އަދި ފެނާއި ގޭގައި ހިފައި ގެންގުޅޭ އެހެން ތަކެއްޗަށް ވެސް މި ކެމިކަލްގެ އަސަރު ފޯރާފައި ހުރެއެވެ. ނަތީޖާއަކަށް ވަނީ އެ ގޭގައި އުޅޭ މީހުން ނޭވާލައި އުޅުމުގެ ތެރޭގައި ހަށިގަނޑުގެ ތެރެއަށް މި ކެމިކަލް ވަނުމެވެ.

މި ދިރާސާގައި ބުނެފައިވާ ގޮތުން، އާންމު ގޮތެއްގައި ޕީސީއީގެ އަސަރު ހަށިގަނޑަށް ފޯރުމަކީ، އެމީހެއްގެ ފުރަމޭގައި ދުޅައެއް އުފެދި އެ ދުޅައިގެ ސަބަބުން ފުރަމޭގައި ލަކުނު ޓިޝޫ (ލިވާ ފައިބްރޯސިސް) އުފެދި ބޮޑުވުމުގެ ނުރައްކާ ތިން ގުނައަށް އިތުރުކޮށްދޭ ކަމެކެވެ. ފުރަމޭގައި އުފެދޭ މިފަދަ ލަކުނު ޓިޝޫތައް، ގިނަ ދުވަސްވުމުން ބަދަލުވެގެން ދަނީ ފުރަމޭގެ ކެންސަރަށެވެ. އޭގެ ސަބަބުން ފުރަމޭގެ މަސައްކަތް ހުއްޓި މަރާ ކުރިމަތިލާންޖެހެއެވެ.

މި ދިރާސާގައި ބުނެފައިވާ ގޮތުން، މިބާވަތުގެ ކެމިކަލް ސީދާ ގޮތުން ހަށިގަނޑުގެ ތެރެއަށް ވާސިލުވާ ފަދަ މާހައުލުތަކުގައި މަސައްކަތް ކުރާ މީހުންގެ ފުރަމޭ އަވަހަށް ހަލާކުވުމުގެ ނުރައްކާ، އެ ނޫން މީހުންނާ އަޅައި ބަލާއިރު އެތައް ގުނައެއް އިތުރެވެ. އެފަދަ މާހައުލުތަކުގެ ތެރޭގައި ޕީސީއީ ބޭނުންކުރަންޖެހޭ ޒާތުގެ މަސައްކަތް ކުރާ ކާރުޚާނާތަކާއި ވޯކްޝޮޕް އަދި ގަރާޖު ފަދަ ތަންތަން ހިމެނެއެވެ.

މި ދިރާސާގައި ބުނެފައިވާ ގޮތުން، ޕީސީއީ ކެމިކަލް އާންމުކޮށް ބޭނުން ނުކުރާ ތަންތަނުގައި އުޅޭ މީހުންގެ ތެރެއިން، ފުރަމޭ ހަލާކުވުމުގެ ނުރައްކާ އެންމެ ބޮޑީ، ޑްރައި ކްލީން ކޮށްގެން އަންނައުނު ބޭނުންކުރާ މީހުންނަށެވެ. ސަބަބަކީ އަންނައުނު ޑްރައިކްލީން ކޮށް ނިމިގެން ގެއަށް ގެނެސް ބަހައްޓާފައި ހުންނަ އިރު، އެ އަންނައުނެއްގައި ހުންނަ ޕީސީއީގެ އަސަރު، އާވީގެ ގޮތުގައި މަޑުމަޑުން ވައިގެ ތެރެއަށް ބޭރުވަމުން ދާނެއެވެ.

ދެން އެ ގޭގައި އުޅޭ މީހުންގެ ނޭވާލާ ނިޒާމުގެ ތެރެއިންލާފައި ޕީސީއީ ކެމިކަލް، އެމީހެއްގެ ފުރަމެއަށް ވަދެ ގެއްލުންދެއެވެ. ނަމަވެސް، މި ކަންކަން ހިނގާއިރު، އެކަކަށް ވެސް މިކަމެއް ނޭނގެއެވެ. އަދި ދުވަހަކުވެސް އެ ބާވަތުގެ ކެމިކަލެއް ބޭނުންކުރި ކަމަކަށް ވެސް ނުވެއެވެ. ސަބަބަކީ ޑްރައި ކްލީން ކުރަނީ އެފަދަ ވިހަ ކެމިކަލެއް ބޭނުންކޮށްގެން ކަން މީހުންނަށް ނޭނގޭތީއެވެ.

އިންޓަނޭޝަނަލް އޭޖެންސީ ފޯ ރިސާޗް އޮން ކެންސާ އިން، ޕީސީއީ ގިންތިކޮށްފައިވަނީ ޕްރޮބެބްލީ ކާސިނޮޖެން – އެ މާއްދާއަކަށް އިންސާނާ ހުށަހެޅިއްޖެ ނަމަ، ކެންސަރު ޖެހުމުގެ ފުރުސަތު އޮތް މާއްދާއެއް ކަމަށް، މަދު ދިރާސާތަކަކުން ހާމަވާ މާއްދާ – އެއްގެ ގޮތުގައެވެ. މީގެ ކުރިން ހަދާފައިވާ ބައެއް ދިރާސާތަކުން އެނގިފައިވާ ގޮތުގައި ޕީސީއީ އާއި ގުރުދާގެ ކެންސަރާއި ޕްލާޒްމާ ސެލްގެ ކެންސަރާއި ލިމްފޮސައިޓްސްގައި އުފެދޭ ކެންސަރުގެ ބާވަތެއް ކަމަށްވާ ނޮން-ހޮޖްކިން ލިމްފޯމާއާ ގުޅުން އެބަހުއްޓެވެ.

މި ސަބަބުތައް މިހެން ހުރުމުން، އެމެރިކާގެ އެންވަޔަރަންމަންޓަލް ޕްރޮޓެކްޝަން އޭޖެންސީން މިހާރު ވަނީ، ޑްރައި ކްލީންގެ ސިނާއަތުގައި ޕީސީއީ ބޭނުންކުރުން ހުއްޓައިލުމުގެ 10 އަހަރު ދުވަހުގެ ޕްރޮގްރާމެއް ފަށައިފައެވެ. އަދި އެހެނިހެން ސިނާއީ މަސައްކަތްތަކުގައި ވެސް ޕީސީއީ ބޭނުންކުރުން މިހާރު ވަނީ ވަރަށް ބޮޑަށް ހަނިކޮށްފައެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox