ކާބަން ކައި ހުސްކުރާ ޕްލާސްޓިކެއް އުފައްދައިފި

Oct 22, 2025, 8:54 AM
ކާބަން ކައި ހުސްކުރާ ޕްލާސްޓިކެއް އުފައްދައިފި

މިއީ ދުނިޔޭގެ މާހައުލީ ނިޒާމަށް ނުހަނު ނުރައްކާތެރި ދެ މާއްދާއެވެ. ކާބަން އާއި ޕްލާސްޓިކަކީ ވެސް އެއާ ދެކޮޅަށް މުޅި ދުނިޔެ ތެދުވެފައިވާ، ނަމަވެސް އެއާ ނުލައި ސިނާއީ ތަރައްގީގެ ދުވެލި މެކުހަށް ނުޖެހޭ ވަރަށް ޒަމާނީ ތަރައްގީއާ ގުޅިފައިވާ ދެ މާއްދާއެވެ.

ޔުނިވަސިޓީ އޮފް ކޮޕަންހޭގަންގެ ކެމިސްޓްރީ އިލްމުގެ މާހިރުން މިހާރުވަނީ، ޕްލާސްޓިކް ކުންޏަކީ ތިމާވެށި ސަލާމަތްކުރާ ބޭނުންތެރި އެއްޗަކަށް ހެދޭނެ އައު ގޮތެއް ހޯދައިފައެވެ. ސައެންސްވެރިން ބުނާ ގޮތުގައި، އެއްފަހަރު ބޭނުންކޮށްފައި އުކައިލާ ޒާތުގެ ޕްލާސްޓިކަކީ، އޯޒޯން ފަށަލަ ތުނިވުމަށް މެދުވެރިވާ މައިގަނޑު މާއްދާ ކަމަށްވާ ކާބަން ޑައިއޮކްސައިޑް ކައި ހުސްކުރާ އެއްޗަކަށް ބަދަލުކޮށްލެވިދާނެއެވެ.

މުގުރައިގެން ކުދިކުދިކޮށް ނައްތައިލާ ޕްލާސްޓިކް ކުންޏާއި ބާ ފޮއްޗަކީ ވެސް، ތިމާވެށި ސަލާމަތްކުރުމަށް ބޭނުންކުރާ އާލާތަކަށް ބަދަލުކޮށްލެވޭނެ ގޮތް ވުމަކީ، ސައެންސްވެރިން ބުނާ ގޮތުގައި ނުވަތަ އެއް ގާގަނޑުން ޖަހައި ދެ ދޫނި މަރައިލުން ފަދަ ކަމެކެވެ. އަދި މިއީ ހަކަތައާ ރަހުމަތްތެރި، ހިނގާ ހަރަދާއި ލިބޭ މަންފާއާ އަޅައި ބަލާއިރު މަންފާ އިތުރު، އަދި މަސައްކަތް ލުއި ކެމެއްމެއެވެ.

Advertisement

ޖައްވުގެ ތެރެއަށް ދޫކުރާ ކާބަން ޑައިއޮކްސައިޑްގެ ސަބަބުން ދުނިޔެ ހޫނުވަމުން ދާއިރު، އެފަދަ ވިހަ ދުންތައް ބޭރުވާ މިންވަރު މަދުކުރުމަށް އެދި، ސައެންސްވެރިންނާއި ތިމާވެށީގެ ހިމާޔަތުގައި މަސައްކަތް ކުރާ މީހުން، ސަރުކާރުތަކަށް ކުރިމަތިކުރާ ފިއްތުންތައް ދަނީ އިތުރުވަމުންނެވެ. އޭގެ އިތުރުން އެއްފަހަރު ބޭނުންކޮށްފައި އުކައިލާ ޒާތުގެ ޕްލާސްޓިކްގެ އުފެއްދުންތައް އަތު ޖެހުނުހާ ތަނަކަށް އުކުމުގެ އާދަ ހަރުލާފައި ހުރުމުން، ކަނޑުތަކާއި ކޯރުތަކާއި ކުޅިތައް ދަނީ ތަގައްޔަރުވަމުންނެވެ.

މި ކަންކަމަށް ރިއާޔަތްކޮށް އެތައް އަހަރެއްގެ ދިރާސާތަކާއި ވިސްނުންތަކުގެ އަލީގައި ޔުނިވަސިޓީ އޮފް ކޮޕަންހޭގަންގެ ކެމިސްޓްރީ އިލްމުވެރިން އަލަށް އީޖާދުކުރި ބައޭޓާ (BAETA)ގެ ސަބަބުން، މިހާތަނަށް ކުނީގެ ގޮތުގައި ބަލަމުން އައި އެތައް އެއްޗެއް، އަގު ބޮޑު ކަންޒަކަށް ވެގެންދާނެއެވެ.

"ޕްލާސްޓިކް ބަދަލުކޮށްލުމަށް އަލަށް މި ކުރެވުނު އީޖާދުގެ އެންމެ ނަލަ ކަމަކީ، އިތުރު މައްސަލައެއް އުފަން ނުވެ، ދެ މައްސަލަ އެކުގައި ހައްލުކުރެވޭނެ ގޮތް ވުން. ކުންޏެއްގެ ގޮތުގައި ބަލަމުން އައި އެއްޗެއް، ގްރީން ހައުސް ގޭސްތަ މަދުކޮށްދޭނެ ރޯ މެޓީރިއަލަކަށް ބަދަލުކޮށްލެވޭނެ ގޮތްވުމުން، ދުނިޔެ ހޫނުވުމަށް މެދުވެރިވާ ތިމާވެށީގެ މައްސަލަތަކަކީ، ދުނިޔެ ހޫނުވުމުގެ މައްސަލަ ހައްލުކޮށްދޭނެ ވަސީލަތަކަށް ވެގެންދާނެ،" ޔުނިވަސިޓީ އޮފް ކޮޕަންހޭގަންގެ ކެމިސްޓްރީ ޑިޕާޓްމަންޓްގެ މަރްގަރީތާ ޕޮދްރީތު ވިދާޅުވިއެވެ.

މި ދިރާސާގައި އިސް ދައުރެއް އަދާކުރެއްވި މަރްގަރީތާ ވިދާޅުވާ ގޮތުގައި އެއްފަހަރު ބޭނުންކޮށްފައި އުކައިލާ ޒާތުގެ ޕްލާސްޓިކަށް އިތުރު ކެމިކަލްތަކެއް އެއްކޮށްގެން އަލަށް މިއުފެއްދި މާއްދާއަށް ދީފައިވާ ނަމަކީ ބައޭޓާ (BAETA) އެވެ. ބައޭޓާއަކީ، ވައިގެ ތެރޭގައި ހުންނަ ކާބަން ޑައިއޮކްސައިޑް ވަރަށް ބަރާބަރަށް އެއަށް ދަމައިގަންނަ އެއްޗެއް ކަމަށް މަރްގަރީތާ ވިދާޅުވިއެވެ.

އެހެންކަމުން ބައޭޓާއަކީ، ވައިގެ ތެރޭގައި ހުންނަ ކާބަން ޑައިއޮކްސައިޑާއި އެނޫން ވިހަ ގޭސްތައް ދަމައިގަނެ އަތުލުމަށް މިހާތަނަށް ބޭނުންކުރަމުން އައި ޓެކްނޮލޮޖީތަކާ އަޅައި ބަލާއިރު، މާ ފުރިހަމައަށް މަސައްކަތް ކުރާ މާއްދާއެކެވެ. ސައެންޓިސްޓުން ބުނާ ގޮތުގައި، ބައޭޓާ ޓެކްނޮލޮޖީ އެންމެ ފުރަތަމަ ގާއިމުކުރަންވީ، ބޮޑެތި ދުންހޮޅިތަކުގެ ޒަރީއާއިން ވައިގެ ތެރެއަށް ވިހަ ގޭސްތައް ބޭރުކުރާ ކާރުހާނާތަކުގައި ބޭނުންކުރާ މެޝިންތަކާއި ޖަރަނޭޓަރުތަކުގައެވެ.

އޭރުން އެފަދަ މެޝިންތަކުން އުފެދޭ ދުންތައް ވައިގެ ތެރެއަށް ނުކުންނާނީ، އޭގައި ހިމެނޭ ހުރިހާ ދެއްޔާއި ގެދަބުޅި ދަމައި ހުސްކުރުމަށް ފަހު، ސާފު ވައިގެ ގޮތުގައެވެ. މިއީ ސިނާއީ އުފެއްދުންތެރިކަމުގައި އެންމެ ކުރިއަރާފައިވާ ގައުމުތަކުގެ ކާރުހާނަތައް ހިންގާ ކުންފުނިތަކަށް ލިބުނު ވަރަށް އުފާވެރި ހަބަރަކަށް ވާނެއެވެ. އެއީ އެ ކާރުހާނާތައް މިހާރު ވެސް ހިންގާ ގޮތަށް ހިންގަމުން، ތިމާވެއްޓަށް ލިބޭ ގެއްލުންތަކާ ހެދި އެ ކާރުހާނާތައް ބަދުނާމުވުން ހުއްޓޭނެތީއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox