ރައީސް އޮފީހުގެ ހާއްސަ ބޭނުންތަކަށް ގެންނަން ބޭނުންވާ މަލުގެ އިންތިޒާމުތައް ހަމަޖައްސައިދޭނެ ބަޔަކު ހޯދަން ކުރި އިއުލާން އެ އޮފީހުން ބާތިލުކޮށްފި އެވެ.
ރައީސް އޮފީހުން ބުނީ ޖުލައި 15، ގައި އެ އޮފީހުން ކުރި އިއުލާނާ ގުޅިގެން ތިން ފަރާތުން ހާޒިރުވެފައި ނުވާތީ، އެ އިއުލާން ބާތިލު ކޮށްފައިވާ ކަމަށެވެ.
ރައީސް އޮފީހުން އިއުލާންކުރީ އެ އޮފީހަށް ބޭނުންވާ މަލުގެ އިންތިޒާމުތައް ކުރިއަށް އޮތް ދެ އަހަރު ދުވަހަށް ހަމަޖައްސައިދޭނެ ބަޔަކު ހޯދުމަށެވެ.
Advertisement
މަލުގެ އިންތިޒާމުގެ އަދަދާއި ގެންނަން ޖެހޭ ދުވަސްތައް:
- މަލުގެ އިންތިޒާމު ހުންނަންވާނީ ތިރިކޮށް، އޯވަލް ޝޭޕަށް.
- މަލުގެ އިންތިޒާމު ތައްޔާރު ކުރަންވާނީ ތިން ދުވަހަށް މޯޅިނުވެ ހުންނަގޮތަށް ތާޒާ ރީތި މަލުން.
- މަލުގެ އިންތިޒާމެއްގެ ދިގުމިނަކީ 18 އިންޗި. މިތަކެތި ގެންނަންވާނީ ކޮންމެ ހަފްތާއަކު ދެ ދުވަހު (ހޮނިހިރު ދުވަހާއި އަންގާރަ ދުވަހު) ހަވީރު 4:00 އަށް.
- ކޮންމެ ދުވަހަކުވެސް ގެންނާނީ، މަލުގެ ހަ އިންތިޒާމު.
- އެއްވެސް ސަބަބަކާހުރެ މާ ގެންނަން ޖެހޭ ދުވަހަށް ނުގެނެވިއްޖެނަމަ، ނުވަތަ ގެންނަން ޖެހޭ މަލުގެ އިންތިޒާމުގެ އަދަދު ބަދަލު ކުރަން ޖެހޭނަމަ އެކަން ރައީސް އޮފީހަށް އަންގަން ޖެހޭ.
