ގަވާއިދުން ކަސްރަތު ކުރުމުން ކޮލޯން ކެންސަރުން ދުރުކޮށްދޭ

ކޮލޮން ކެންސަރަކީ ބޮޑު ގޮހޮރަށް ނުވަތަ ރެކްޓަމަށް ޖެހޭ ކެންސަރުގެ ވައްތަރެއް --

ކޮލޮން ކެންސަރަކީ ބޮޑު ގޮހޮރަށް ނުވަތަ ރެކްޓަމަށް ޖެހޭ ކެންސަރުގެ ވައްތަރެއް --

ގަވާއިދުން ކޮންމެ ދުވަހަކު ވެސް ކަސްރަތު ކުރާނަމަ ކޮލޯން ކެންސަރުން ދުރުކޮށްދީ އެ ބަލި ޖެހުމުގެ ނިސްބަތް ކުޑަކުރެވޭ ކަމަށް ބައިނަލްއަގުވާމީ ދިރާސާއަކުން ދައްކައިފި އެވެ. މިއީ މިފަދަ ބަލި މީހުންގެ މެދުގައި ކުރެވުނު މިފަދަ އެންމެ ބޮޑު ދިރާސާ އެވެ.

ކޮލޯން ކެންސަރަކީ ބޮޑު ގޮހޮރުން ނުވަތަ ރެކްޓަމް އިން ފެށޭ ކެންސަރުގެ ބާވަތެކެވެ. މިއީ ދުނިޔޭގައި އެންމެ އާންމުކޮށް ފެންނަ ކެންސަރުތަކުގެ ތެރެއިން އެއްވައްތަރެވެ. ކޮލޯން ކެންސަރު ގިނަ ފަހަރަށް ފެށެނީ ކުދި ޕޮލިޕްސް ނުވަތަ ގޮހޮރުގެ އެތެރޭގައި އުފެދޭ ކުދި ގޮށްތަކުންނެވެ. ކޮލޯން ކެންސަރުގެ އާންމު އަލާމާތްތަކުގެ ތެރޭގައި ހިމެނެނީ ހަޖަމުގެ މައްސަލަތަކާއި، ބޮޑުކަމުދާއިރު ލޭ އައުމާއި، ބަނޑުގައި ރިއްސުމާއި އަދި އާދަޔާ ހިލާފަށް ވަރުބަލިވުމެވެ.

ކެނެޑާ، އޮސްޓްރޭލިއާ، އިނގިރޭސިވިލާތް، އިޒްރޭލް އަދި އެމެރިކާގައި ކުރެވުނު މި ދިރާސާގައި ކޮލޯން ކެންސަރު ފަރުވާ ނިންމާފައިވާ 889 ބަލި މީހުން ބައިވެރިކުރި އެވެ. މި ބަ ލިމީހުން ދެ ގްރޫޕަކަށް ބަހާލެވުނެވެ. އެއް ގްރޫޕަށް ހަމައެކަނި ދުޅަހެޔޮ ކެއުމާއި ކަސްރަތާ ބެހޭ މައުލޫމާތު ދެވުނެވެ. އަނެއް ގްރޫޕަށް ތިން އަހަރުގެ ކަސްރަތު ޕްރޮގްރާމެއް ހިންގުނެވެ. މި ޕްރޮގްރާމުގައި ފުރަތަމަ އަހަރު ކޮންމެ ދެ ހަފްތާއަކުން އެއްފަހަރު، އަދި ދެން އޮތް ދެ އަހަރު ކޮންމެ މަހަކު އެއްފަހަރު ކޯޗުންނާ ބައްދަލުކުރެވުނެވެ.

Advertisement

ދިރާސާގެ ނަތީޖާތައް ނިއު އިންގްލެންޑް ޖާނަލް އޮފް މެޑިސިންގައި ޝާއިއުކުރެވި، ޗިކާގޯގައި ބޭއްވުނު އެމެރިކަން ސޮސައިޓީ އޮފް ކްލިނިކަލް އޮންކޮލޮޖީގެ އަހަރީ ބައްދަލުވުމުގައި ހުށަހެޅުނެވެ. މި ދިރާސާއަށް ފައިސާ ހޯދައިދިނީ ކެނެޑާ، އޮސްޓްރޭލިއާ އަދި ޔޫކޭގެ އެކަޑަމިކް ރިސާޗް ގްރޫޕްތަކުންނެވެ.

ދިރާސާގައި ބައިވެރިވި ގިނަ ބަލިމީހުން ހަފްތާގެ ކޮންމެ ދުވަހަކު 45 މިނެޓު ހިނގުމަށް ހޭދަކުރި އެވެ. އަށް އަހަރު ފަހުން ދިރާސާގެ ނަތީޖާތައް ދެއްކި ގޮތުގައި ކަސްރަތު ޕްރޮގްރާމުގައި ބައިވެރިވި ބަލި މީހުންގެ މެދުގައި ކެންސަރު އަނބުރާ ޖެހުން 28 ޕަސެންޓުން މަދުވެފައިވެ އެވެ. އަދި ކޮންމެ ސަބަބަކާ ހުރެ ނަމަވެސް މަރުވުމުގެ ނިސްބަތް 37 ޕަސެންޓު މަދުވެފައިވެ އެވެ. ނަމަވެސް ކަސްރަތު ކުރި ގްރޫޕުގައި މަސްތަކަށް ލިބޭ އަނިޔާތައް އިތުރުވެފައިވެ އެވެ.

ކިންގްސްޓަން ހެލްތު ސައިންސަސް ސެންޓަރުގެ ކެންސަރު ޑޮކްޓަރު އަދި ދިރާސާގެ އެއް ލިޔުންތެރިޔާ ޑރ. ކްރިސްޓޮފާ ބޫތު ބުނީ ނަތީޖާތައް ފެނުނު އިރު އޭނާ ވަރަށް ބޮޑަށް ހައިރާންވި ކަމަށެވެ.

މި ދިރާސާގެ ނަތީޖާތަކަށް ބަލާއިރު މާހިރުން ބުނާގޮތުގައި ކެންސަރު ސެންޓަރުތަކާއި އިންޝުއަރެންސް ޕްލޭންތަކުން ކަސްރަތު ކޯޗިން ކޮލޯން ކެންސަރު ބަލިމީހުންނަށް ދޭ ފަރުވާގެ އައު މިންގަނޑެއްގެ ގޮތުގައި ހިމަނަން ވިސްނަންޖެހެ އެވެ. އެހެންނަމަވެސް އެކަން ހަމަޖެހެންދެން، ބަލިމީހުންނަށް ފަރުވާ ނިމުމަށްފަހު ކަސްރަތު އިތުރުކޮށް، ކެންސަރު އަނބުރާ ޖެހުން ހުއްޓުވުމަށް މަސައްކަތްކުރެވިދާނެ އެވެ.

ދިރާސާގައި ބައިވެރިވި ފަރާތްތަކުގެ ލޭ ނަގައި، ކަސްރަތާއި ކެންސަރު ހުއްޓުވުމާ ހުރި ގުޅުން ދެނެގަތުމަށް އިތުރު ދިރާސާތައް ކުރެވޭނެ އެވެ. މީގެތެރޭގައި އިންސިއުލިން ޕްރޮސެސިން ނުވަތަ އިމިއުން ސިސްޓަމް ވަރުގަދަވުން ނުވަތަ އެހެނިހެން ކަންކަން ހިމެނިދާނެ އެވެ.

މި ދިރާސާގެ ނަތީޖާތަކުން ދައްކުވައިދެނީ ކޮލޯން ކެންސަރު ބަލިމީހުންނަށް ބޭސްފަރުވާއާއެކު ކަސްރަތަކީ ވެސް މުހިންމު ބައެއްކަމެވެ. ކަސްރަތުގެ ފައިދާތައް ބައެއް ބޭސްތަކާ އެއްވަރަށް ހުރިކަން މާހިރުން ފާހަގަކުރެ އެވެ. މިއީ ކެންސަރު ބަލިމީހުންނަށް އައު އުންމީދެއް ގެނެސްދޭ ކަމެކެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox