އިންޑިއާގެ ބިލިއަނަރު ގޮތަމް އަދާނީގެ މައްޗަށް ރިޝްވަތު ދިނުމުގެ ދައުވާ އެމެރިކާއިން އުފުލައިފި

އިންޑިއާގެ ބިލިއަނަރު ގޮތަމް އަދާނީ: އެމެރިކާގެ ޕްރޮސެކިއުޓަރުން ވަނީ އޭނާގެ މައްޗަށް ރިޝްވަތު ދިނުމުގެ ކުށުގެ ދައުވާ އުފުލާފައި -- ފޮޓޯ: ރޮއިޓާސް

އިންޑިއާގެ ބިލިއަނަރު ގޮތަމް އަދާނީ: އެމެރިކާގެ ޕްރޮސެކިއުޓަރުން ވަނީ އޭނާގެ މައްޗަށް ރިޝްވަތު ދިނުމުގެ ކުށުގެ ދައުވާ އުފުލާފައި -- ފޮޓޯ: ރޮއިޓާސް

އިންޑިއާގެ ބިލިއަނަރު ގޮތަމް އަދާނީ 250 މިލިއަން ޑޮލަރު ރިޝްވަތުގެ ގޮތުގައި ދިން ކަމަށް ތުހުމަތު ކުރެވޭ މައްސަލައިގައި އޭނާގެ މައްޗަށް އެމެރިކާގެ ޕްރޮސެކިއުޓަރުން އުފުލައިފި އެވެ.

ޕްރޮސެކިއުޓަރުން ތުހުމަތު ކުރާ ގޮތުގައި އަަދާނީގެ ކުންފުނި އަދާނީ ގްރޫޕުން ވަނީ އިންޑިއާ ސަރުކާރުގެ އޮފިޝަލުން ހިމެނޭ ގޮތަށް ސޯލާ އެނާޖީގެ އެއްބަސްވުންތަކެއް ހޯދުމަށް 250 މިލިއަނެއްހާ ޑޮލަރު ރިޝްވަތުގެ ގޮތުގައި ދިނުމަށްފަހު ހޯދާފަ އެވެ.

އެމެރިކާގެ ޑިޕާޓްމަންޓް އޮފް ޖަސްޓިސް (ޑީއޯޖޭ) ބުނީ އެ އެއްބަސްވުންތަކުން ފައިދާގެ ގޮތުގައި 20 އަހަރު ތެރޭގައި ދެ ބިލިއަނަށްވުރެ ގިނަ ޑޮލަރު ހޯދުމުގެ ފުރުސަތު އޮތް ކަމަށެވެ.

Advertisement

ރިޝްވަތު ދިނުމުގެ އަމަލުގައި އަދާނީގެ އިތުރު އެ ކުންފުނީގައި ހަރަކާތްތެރިވާ އިތުރު ހަތް މީހަކަށް ވެސް ތުހުމަތު ކުރެވިގެން އެމީހުންގެ މައްޗަށް ވެސް ދައުވާ އުފުލާފައިވާއިރު، އޭގެ ތެރޭގައި އަދާނީގެ އާއިލާ މިހުން ވެސް ހިމެނެ އެވެ.

ޕްރޮސެކިއުޓަރުން ތުހުމަތު ކުރާ ގޮތުގައި އަދާނީ އާއި އޭނާގެ ބައިވެރިން އިންޑިއާ ސަރުކާރުގެ އޮފިޝަލުންނަށް ރިޝްވަތު ދޭން ވައުދުވީ ދެ އަހަރު ދުވަހުގެ ތެރޭގައި ޓެކްސްއަށް ދެ ބިލިއަން ޑޮލަރު ލިބޭނެކަމަށް އަންދާޒާ ކުރުމަށްފަހު، އޭގެ ބަދަލުގެ ގޮތުގަ އެވެ.

އެގޮތުން އެ މީހުންގެ މަގުސަދު ހާސިލު ކުރުމަށް އިންވެސްޓަރުންނާއި ބޭންކުތަކަށް އޮޅުވާލައި، ކަމާބެހޭ ފަރާތްތަކަށް ސްކީމް ފޮރުވަން މަސައްކަތް ކުރި ކަމަށް ތުހުމަތު ކުރެ އެވެ.

އެ މައްސަލައާ ގުޅިގެން މިހާތަނަށް އަދާނީގެ އިތުރުން ރިޝްވަތު ދިނުމުގައި ބައިވެރިވި ހަތް މީހުންގެ ތެރެއިން އެކަކު ވެސް ހައްޔަރުކޮށްފައެއް ނުވެ އެވެ.

އަދާނީއަކީ އިންޑިއާގެ ބޮޑުވަޒީރު ނަރެންދުރަ މޯދީގެ އިތުރުން އިންޑިއާ ސަރުކާރުގެ އިސްވެރިންނާ ވަރަށް ގާތް ގުޅުމެއް އޮންނަ މީހެކެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox