ހުޅުމާލެ ފޭސް ދޭއްގެ ހިޔާ ފްލެޓުގެ ނުވަ ވަނަ ޓަވަރުގެ އެޕާޓްމަންޓެއްގައި މީހަކު ރަހީނުކޮށްގެން އުޅެނިކޮށް ފުލުހުން ގޮސް އޭނާ ސަލާމަތްކޮށްފި އެވެ.
"އަދަދު" އަށް އެނގިފައިވާ ގޮތުގައި ރަހީނުކުރި މީހާ ފުލުހުންނަށް ސަލާމަތް ކުރެވުނީ އޭނާގެ ބޯކޮށާލައި އިނގިލި ބުރިކޮށްލަން އުޅެނިކޮށެވެ.
އެނގިފައިވާ ގޮތުގައި އެ މައްސަލައާ ގުޅިގެން ހިންގާ އޮޕަރޭޝަންގައި މިހާތަނަށް 12 މީހުން ވަނީ ހައްޔަރުކޮށްފަ އެވެ. އެ އޮޕަރޭޝަނުގެ މަސައްކަތް އަދިވެސް ދަނީ ކުރިއަށެވެ.
Advertisement
އެކަމާ ގުޅިގެން ފުލުހުން މިހާތަނަށް އެއްވެސް އެއްޗެއް ބުނެފައެއް ނުވެ އެވެ.
މީގެ ކުރިން ވެސް މީހަކު ރަހީނުކޮށް އިނގިލި ބުރިކޮށްލި މައްސަލައަކާ ގުޅިގެން ފުލުހުން ބަޔަކު ހައްޔަރު ކޮށްފައިވެ އެވެ.
