ފުލުހުން ޓޯކުރި ސައިކަލުތަކެއް ވެހިކަލުން ބޭލުވުމުގެ ބަދަލުގައި ބިންމައްޗަށް އުކާލާ މަންޒަރު ފެންނަ ވީޑިއޯއެއް މިއަދު އާންމުވެއްޖެ އެވެ.
ސޯޝަލް މީޑިއާގައި އާންމުވެފައިވާ އެ ވީޑިއޯއިން ފެންނަނީ މޭރީބްރައުން ކައިރީގައި ހުންނަ ޓޯޔާޑަށް ފުލުހުންގެ ވެހިކަލަށް އަރުވައިގެން ގެންދިޔަ ސައިކަލުތަކެއް ބިންމައްޗަށް ވައްޓާލާ މަންޒަރެވެ،
ފުލުހުން ބުނީ އެ ވީޑިއޯއަކީ އިއްޔެ, ގަވާއިދުގެ ތެރެއިން ނައްތާލުމަށް ހަމަޖެހިފައިވާ ވެހިކަލްތަކެއް ގެންދާ މަންޒަރު ފެންނަ ވީޑިއޯއެއް ކަމަށެވެ. އެ ވީޑިއޯއިން ދެ ސައިކަލެއް އެގޮތަށް ވެހިކަލުން ވައްޓާލާތަން ފެނެ އެވެ.
ސޯޝަލް މީޑިއާގައި ވީޑިއޯ އާންމުވުމާއެކު ގިނަ ބަޔަކު އަންނަނީ ފުލުހުންނަށް ވަރަށް ބޮޑަށް ފާޑު ކިޔަމުންނެވެ.
ފުލުހުން ޓޯކުރާ ވެހިކަލްތަކަށް ލިބޭ ގެއްލުމަށް ފުލުހުން އެއްވެސް ގޮތަކަށް ޒިންމާވާކަށް ނުޖެހެ އެވެ. މީގެ ކުރިން ފުލުހުން ޓޯކުރާ ބައެއް ވެހިކަލްތަކަށް އެކި ވަރުގެ ގެއްލުން ވެފައި އެބަ ހުއްޓެވެ.
