މަޝްހޫރު ޓުއާ އޮޕަރޭޓަރު. ރިއޮލޯ އޮފީހުން ވައްކަންކުރި މައްސަލައެއްގައި ދެ މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެވެ.
ފުލުހުން މިއަދު ބުނި ގޮތުގައި އެ މައްސަލާގައި ހައްޔަރުކޮށްފައިވަނީ ދިގުވާނޑު، ފެއަރީ، ޏ. ފުވައްމުލަށް، އަހުމަދު ނަސްރު، 45، އަދި، މއ. ކުރިކީލަހިޔާ، މާލެ، މުހައްމަދު ކްރިކް ރިޒާ، 43، އެވެ. އެ މައްސަލަ ރިޕޯޓުކުރީ އޮގަސްޓު 22، ގަ އެވެ.
އެމީހުން ރިއޮލޯ އޮފީހުން ވަގަށް ނަގާފައިވަނީ ދެ ލެޕްޓޮޕަކާއި މޯބައިލް ފޯނުތަކަކާއި އިތުރު ތަކެތިތަކެއް ކަމަށް ފުލުހުން ބުންޏެވެ. ހުރިހާ އެއްޗެއްގެ ތަފުސީލެއް އަދި އެ ތަކެތީގެ އަގެއް ފުލުހުން ނުބުނެ އެވެ.
އެ މައްސަލާގައި ވަގަށް ނެގި އެއްޗެހި މިހާރު ހޯދާފައިވާއިރު، އެ ތަކެތި ހޯދީ ސީސީޓީވީ ފޫޓޭޖު ބަލައިގެން ކުރި މަސައްކަތުން ކަމަށްވެސް ފުލުހުން ބުންޏެވެ. އެ މައްސަލަ ފުލުހުން ދަނީ އިތުރަށް ބަލަމުންނެވެ.
މީގެއިތުރުން، މޯލްޑިވްސް އޮލިމްޕިކް ކޮމިޓީ ހުންނަ އިމާރާތުގެ ދެވަނަ ފަންގިފިލާއިން ވައްކަންކޮށްފައިވާ މައްސަލައެއްވެސް ފުލުހުން ބަލަމުންދާ ކަމަށް އެ ހިދުމަތުން މިއަދު ބުންޏެވެ.
ވަގަށް ނެގި ތަކެތީގެ ތެރޭގައި މޯބައިލް ފޯނާއި މެޑަލް، ޓޯކެން އަދި އިތުރު ތަކެތިވެސް ހިމެނެ އެވެ. ފުލުހުން ވަނީ އެ ތަކެތިވެސް ހޯދާފަ އެވެ. މި މައްސަލާގައި މީހަކު ހައްޔަރުކުރި ކަމަށް ފުލުހުން ނުބުނެ އެވެ،
