ގަލޮޅު ކަންމަތީ އޮތް ވޭނެއްގައި އެއްޗެއް ގޮވައިގެން އެ ހިސާބުގައި ހަތިޔާރާއެކު ސިފައިން ހަރަކާތްތެރިވާން ފަށައިފި އެވެ.
މަންޒަރު ދުށް މީހަކު "އަދަދު" އާ ވާހަކަ ދައްކަމުން ބުނީ އެ ހާދިސާ ހިނގީ ގަޑިން 1:00 ޖަހަން އުޅެނިކޮށް ކަމަށެވެ. ގޮވީ ރެހެންދި ހިނގުމުގައި އޮތް ވޭނެއްގައި އޮތް އެއްޗެއް ކަމަށް ވެސް އޭނާ ބުންޏެވެ.
އެ ވަގުތު އެތަނަށް ސިފައިންގެ މީހަކު ވަގުތުން އެޓެންޑުވި ކަމަށް ވެސް އޭނާ ބުންޏެވެ. މިހާރު ސިފައިން ދަނީ އެތަނުގައި ހަތިޔާރާއެކު ހަރަކާތްތެރިވަމުންނެވެ. ސިފައިންގެ ބޮން ސްކޮޑު ވެސް އެ ސަރަހައްދުގައި ދަނީ ހަރަކާތްތެރިވަމުންނެވެ.
ގަލޮޅު ކަންމަތީގައި ސިފައިންގެ ބޮން ސްކޮޑު ހަރަކާތްތެރިވަނީ -- ފޮޓޯ: ލީވާން އަލީ ނާސިރު / އަދަދު
"މި ހާދިސާގައި މީހަކަށް އެއްވެސް އަނިޔާއެއް ލިބުނުކަމުގެ ރިޕޯޓެއް ނުލިބޭ. އަދި ވޭނަށް ވެސް ގެއްލުމެއް ލިބިފައިވާކަމުގެ ރިޕޯޓެއް ނުލިބޭ," މިފަދަ ކަންކަމުގައި އަމަލުކުރަމުންދާ ޕްރޮސީޖާތަކާ އެއްގޮތަށް އަމަލުކުރަމުންދާކަން ހާމަކުރަމުން އެމްއެންޑީއެފް އިން ބުނެފައިވެ އެވެ.
މިކަމާ ގުޅިގެން ބަލަން ޖެހޭ ކަންކަން ފުލުހުންނާއި ސިފައިން ދަނީ ބަލަމުންނެވެ.
