މާލޭގެ ގެސްޓްހައުސްއެއްގައި ނޭޕާލް މީހަކު ރަހީނުކުރި މައްސަލާގައި ހައްޔަރު ކުރި ދެ މީހުންގެ ބަންދު މުއްދަތު އިތުރުކޮށްފި އެވެ.
އެ މައްސަލާގައި ހައްޔަރުކުރީ ބަންގްލަދޭޝް ދެ މީހެކެވެ. އެއިން އެކަކު ބަންދުގެ މުއްދަތު އިތުރުކޮށް އިތުރު 15 ދުވަސް ކޯޓުން ޖެހީ މިއަދެވެ. ފުލުހުން ބުނި ގޮތުގައި ދެވަނަ މީހާގެ ބަންދުގެ މުއްދަތު ވެސް އިތުރުކޮށް މި ވަގުތު ހުރީ ފުލުހުންގެ ބެލުމުގެ ދަށުގަ އެވެ.
ނޭޕާލު މީހާ ރަހީނުކޮށްގެން ގެންގުޅެފައިވަނީ މާފަންނުގައި ހުންނަ ގެސްޓްހައުސްއެއްގަ އެވެ. އޭނާ ސަލާމަތް ކުރިއިރު އެއްވެސް ހާނީއްކައެއްވެފައިނުވާ ކަމަށް ފުލުހުން އޭރު ބުންޏެވެ.
