ޑެންމާކުގެ ބޮޑުވަޒީރު މެޓޭ ފްރެޑެރިކްސެން، 46، އެ ގައުމުގެ ކޯޕަންހޭގަންގެ މަގުމަތިން ހިންގަވާފައި ދަނިކޮށް މީހަކު އިއްޔެ ހަމަލާދީފި އެވެ.
ޑެންމާކްގެ ސަރުކާރުން ބުނީ ހަމަލާ ދިން މީހާ އެތަނުން ހައްޔަރު ކޮށްފައިވާ ކަމަށާއި ބޮޑުވަޒީރު ހުރީ ހަމަލާ ދިނުމުން ވަރަށް ބޮޑު ޝޮކެއްގައި ކަމަށެވެ.
ނަމަވެސް ހަމަލާގައި އެ ކަމަނާ ޒަހަމްވި ކަމެއް ނުވަތަ އެކަމަނާގެ މިހާރު ހާލާ ގުޅޭ ގޮތުން ޑެންމާކްގެ ސަރުކާރުން ސާފުކޮށް މިހާތަނަށް އެއްޗެއް ބުނެފައެއް ނުވެ އެވެ.
މި މައްސަލަ ސީރިއަސް މައްސަލައެއްގެ ގޮތުގައި ތަހުގީގު ކުރަން ފަށާފައިވާ ކަމަށް ޑެންމާކުގެ ފުލުހުން ވަނީ ބުނެފަ އެވެ.
ޑެންމާކުގެ ބޮޑުވަޒީރުކަމާ 2019 ގައި ހަވާލުވެވަޑައިގެންނެވި ފްރެޑެރިކްސެން އެ ގައުމުގެ މިނިސްޓާ އޮފް ޖަސްޓިސް އަދި މިނިސްޓާ އޮފް އެމްޕްލޯއިމަންޓުގެ މަގާމު ވެސް ފުރުއްވާފަ އެވެ.
