ދިރިއުޅުމަށް އައިސްފައިވާ ކުރިއެރުމާއި ފަސޭހަކަމާއެކު ބައެއް ތަކެއްޗަށް މާދަރީ ބަހުން ކިޔާ ނަން ބޭނުން ކުރުން ވަނީ ދުރުވެފަ އެވެ. ބައެއް ތަކެއްޗަށް ކިޔާ ދިވެހި ނަން ނުވެސް އެނގެނީ އެވެ. އެނގޭ މީހުންނަށްނަށް ވެސް ބައެއް ނަންތައް ތިލަވަނީ ސުކުނޑި ގާނައިގެންނެވެ.
އެހެންވެ، ދިވެހި ބަހަށް ހިދުމަތެއް ކޮށްދިނުމުގެ ބޭނުމުގައި "މީ ކޯއްޗެއް؟" ސިލްސިލާ އަދަދު ނޫހުގެ ފޭސްބުކް ޕޭޖުގައި ފެށީ އާންމު ދިރިއުޅުމުގައި ބޭނުންކުރާ ތަކެތީގެ ދިވެހި ނަމަށް އަހުލުވެރި ކުރުވުމަށެވެ.
މި ސިލްސިލާ ފެށީ ނިމިގެންދިޔަ ރޯދަ މަހު އެވެ. ޖޫން މަހު، "މީ ކޯއްޗެއް؟" ކުރިޔަށް މި ގެންދަނީ ސިންގަރ ފިހާރައާ ގުޅިގެންނެނެވެ.
ސިންގަރ ފިހާރައާއެކު ގެނެސް ދެނީ ފަހާ ފޮށީގެ ބައިތަކަށް ކިޔާ ދިވެހި ނަން ދަސްކޮށްދިނުމެވެ. ވޭތުވެދިޔަ ދިޔަ ދެ ހަފުތާގައި ފަހާފޮށީ ކޮންމެ ބަޔަކަށް/ތަނަކަށް ކިޔާ ދިވެހި ނަމަކީ ކޮބައިތޯ ބެލުމަށް ހުޅުވައިލި އެވެ. ފުރަތަމަ ހަފުތާގައި ހުޅުވައިލީ ފަހާފޮށީގެ ބަޔަކަށް ކިޔަނީ ވަތުއޮޑި އެވެ. އެ ނަން ދިމާކުރި މީހުންގެ ތެރެއިން ގުރުއަތުން ނަސީބުވެރިޔަކަށް ހޮވުނީ ޝިރުހާމާ އިބްރާހިމް އެވެ.
މިހާރު ކުރިއަށް ގެންދަނީ ތިން ވަނަ ހަފުތާގެ ޕޯސްޓެވެ. މި ސިލްސިލާގެ އާ ޕޯސްޓެއް ކޮންމެ ހަފުތާގެ ގެނެސްދޭނެ އެވެ.
އިންޓަނޭޝަނަލް ފްރެންޗައިޒް މަރުކާއެއް ކަމަށްވާ ސިންގަރ އަކީ މީގެ 150 ވަރަކަށް އަހަރު ކުރިން ފަހާ ފޮށިން ވިޔަފާރި ކުރަން ފެށި ބައެކެވެ. ނަމަވެސް އެ ބްރޭންޑް ފުޅާވެ މިހާރު އަންނަނީ އެކި ޕްރޮޑަކްޓްސްތައް މާކެޓަށް ނެރެ ދުނިޔޭގެ އެކި ގައުމުތަކުގައި މަގުބޫލުކަން ހޯދަމުންނެވެ.
ސިންގަރގެ ދެ ފިހާރައެއް މާލޭގައި މިވަގުތު ހުރިއިރު، އެއް ފިހާރަ ހުންނަނީ ހަނދުވަރީ ހިނގުމުގައި ހުންނަ އެލިއާ ރެޒިޑެންސްގަ އެވެ. އަދި އަނެއް ފިހާރަ ހުންނަނީ ޗާނދަނީ މަގުގައި ހުންނަ ނެޝަނަލް މިއުޒިއަމް ކުރިމަތީގަ އެވެ.
