މާލޭ ގެއެއްގެ ތެރެއިން މަރުވެފައި އޮއްވާ ފެނުނީ ކާކުކަން ހޯދަން ތަހުލީލު ކުރަމުންދާ ކަމަށް ފުލުހުން ބުނެފި އެވެ.
މަރުވެފައި އޮތް މީހާ ފެނިފައިވަނީ މ. ރަބީއުވިލާގެ ގްރައުންފްލޯއިންނެވެ. އެއީ މީހުން ދިރިނުއުޅޭ ފަޅު ގެއެކެވެ.
ފުލުހުންގެ ތަރުޖަމާނު އަހުމަދު ޝިފާން ވިދާޅުުވީ ފެނުނު މީހާއަކީ ކާކުކަން އަދި ދެނެނުގަނެވޭ ކަމަށެވެ. ކާކު ކަން ހޯދުމަށް ޓަކައި، ކުރަން ޖެހޭ ތަހުލީލުތަކުގެ މަސައްކަތް ފުލުހުން ކުރަމުންދާ ކަމަށް ވިދާޅުވި އެވެ.
މި އަހަރުގެ އެޕްރީލް 10، ގައި އަލިފާނުގެ ހާދިސާއެއް އެ ގޭގައި ހިނގާފައިވެ އެވެ. އެ ހާދިސާގައި އެ ގެ ވަރަށް ބޮޑަށް އެނދިއިރު، ގޭގައި މީހުން ދިރިނޫޅޭ ކަމަށް ވެސް އެ ގޭގެ ވެރިފަރާތުން ސޯޝަލް މީޑިއާގައި އެ ދުވަހު ޕޯސްޓުކުރި އެވެ.
މިއީ މި މަހު މާލޭގެ ގެއެއްގެ ތެރެއިން މަރުވެފައި އޮތްވާ ފެނުނު ދެވަނަ މީހާ އެވެ.
މި މަހު 13 ގައިވެސް ބަނޑޭރި ކޮށީގައި ހުރި ގެއަކުން މަރުވެފައި އޮތް މީހަކު ފެނުނެވެ. ފުލުހުން އެންމެ ފަހުން ބުނީ އެ މައްސަލަ ތަހުގީގު ކުރުމަށް މަރުވެފައިވާ އޮތްވާ ފެނުނު މީހާގެ ހަށިގަނޑުގެ ޕޯސްޓްމޯޓަމް ހަދަން ނިންމާފައިވާ ކަމަށެވެ.
