މާލޭގެ ގެއެއްގެ ތެރެއިން މަރުވެފައި އޮތް 30 އަހަރުގެ ދިވެހި ފިރިހެނަކު ފެނިގެން ފުލުހުން ހަރަކާތްތެރިވާން ފަށައިފި އެވެ.
ފުލުހުންގެ ތަރުޖަމާނު އަހްމަދު ޝިފާން މީޑިއާތަކަށް ފޮނުވި މެސެޖެއްގައި ވިދާޅުވީ އެ މީހާ ފެނިފައި ވަނީ ބަނޑޭރިކޮށީގެ ގެއެއްގެ ތެރެއިން ކަމަށެވެ. އަދި, އޭނާ ފެނުނީ ލިބުނު މައުލޫމާތަކާ ގުޅިގެން ފުލުހުން ގޮސް ބެލި ބެލުމުގެ ތެރޭގައި ކަމަށް ޝިފާން ވިދާޅުވި އެވެ.
މަރުވެފައި އޮތް މީހާ ފެނުނު ގެއަކީ މިވަގުތު ބޭނުންކުރަމުން ނުދާ ގެއެއްކަން ޔަގީން ކުރެވިފައިވާ ކަމަށް ފުލުހުން ވަނީ ބުނެފަ އެވެ.
އެ ސަރަހައްދުގައި ފުލުހުން މިހާރު ހަރަކާތްތެރިވަމުން އަންނައިރު އިތުރު މައުލޫމާތު ކަންކަން ސާފުވުމުން ހިއްސާކުރާނެ ކަމަށް ޝިފާން ވިދާޅުވި އެވެ.
އެއީ ކޮން ގައުމަކަށް ނިސްބަތްވާ މީހެއް ކަމެއް އެނގިފައި ނުވެ އެވެ.
