ތުރުކީއާއެކު ހެދި އެއްބަސްވުމެއްގެ ދަށުން ޑިފެންސް މިނިސްޓްރީން ގަތް ޑްރޯންތައް އުދުއްސާ މަންޒަރުގެ ވީޑިއޯއެއް މިއަދު އާންމުވެއްޖެ އެވެ.
އޭވިއޭޓާސް މޯލްޑިވްސް އިން އާންމު ކުރި ވީޑިއޯއިން ފެންނަނީ ބައިރަކުތާރު ޓީބީ-2 މަރުކާގެ ޑްރޯނެއް އުދުއްސާ މަންޒަރެވެ. ރާއްޖޭގެ އޭވިއޭޝަން އިންޑަސްޓްރީގެ ހަބަރުތައް ގެނެސްދޭ އޭވިއޭޓާސްއިން ބުނީ ޑްރޯން އުދުއްސީ މާފަރުގައި ކަމަށެވެ.
މި ނޫހަށް އެނގިފައިވާ ގޮތުގައި 560 މިލިއަން ރުފިޔާގެ އެއްބަސްވުމެއްގެ ދަށުން ތުރުކީ ޑްރޯންތަކެއް ގެނައީ މިދިހަ ހަފުތާގަ އެވެ. އެ ޑްރޯންތައް ވަގުތީ ގޮތުން ސްޓޭޝަން ކޮށްފައި އޮތީ މާފަރު އެއާޕޯޓުގަ އެވެ. ނަމަވެސް ފަހުން ހދ. ހަނިމާދޫއަށް ޑްރޯންތައް ގެންދާނެ ކަމަށްވެ އެވެ.
ޑްރޯންތައް ގަރާޖު ކުރުމަށް އަދި އޭގެ އޮޕަރޭޝަންތައް ހިންގުމަށް މާފަރު އެއާޕޯޓުގެ ހޭންގަރު ވަނީ އެމްއެންޑީއެފްއަށް މިހާރު ދީފަ އެވެ. އެނގިފައިވާ ގޮތުގައި ހޭންގަރު ދީފައި ވަނީ އަންނަ އޯގަސްޓު މަހުގެ ނިޔަލަށެވެ.
ބައިރަކުތާރު ޓީބީ-2 އަކީ ސަވައިލެންސް މިޝަންތަަކަށް ބޭނުން ކުރާ ޑްރޯންއެކެވެ. ނަމަވެސް ހަތިޔާރު ހަރުކޮށްގެން އާމްޑް މިޝަންއެއް ހިންގުމުގެ ގާބިލުކަން ވެސް ޑްރޯންއަށް ލިބިފައިވެ އެވެ.
ރާއްޖޭގެ ކަނޑުގެ ސަރަހައްދު ހިމާޔަތް ކުރަން މަސައްކަތް ކުރަމުންދާކަން ބުނުން ފިޔަވައި، ޑްރޯންތަކާ ގުޅޭ އެއްވެސް މައުލޫމާތެއް ސަރުކާރުން ހާމައެއް ނުކުރެ އެވެ. ޑްރޯންތައް އޮޕަރޭޓު ކުރުމުގެ
