ފަރެސްމާތޮޑާގެ މި މަސްވެރިޔާއަށް ޔޫޓިއުބުގެ ސިލްވާ ޕްލޭ ބަޓަން

އާދަމް ރަޝީދު: ޔޫޓިއުބުން ރަނގަޅު އާމްދަނިއެއް ލިބޭ ކަމަށް އޭނާ ބުނޭ -- ފޮޓޯ: އާދަމް

އާދަމް ރަޝީދު: ޔޫޓިއުބުން ރަނގަޅު އާމްދަނިއެއް ލިބޭ ކަމަށް އޭނާ ބުނޭ -- ފޮޓޯ: އާދަމް

އެތައް ހާސް ބައެއް ބޭނުންކުރާ ޔޫޓިއުބަކީ މުނިފޫހިފިލުވުމަށް ހާއްސަ ސޯޝަލް މީޑިއާ ޕްލެޓްފޯމެކެވެ. ޔޫޓިއުބަށް ލާ ވީޑިއޯއަށް ލިބޭ ލައިކްސް އަދި ވިއުސްގެ ޒަރިއްޔާއިން އާމްދަނީ ހޯދާމީހުން މިއަދު ގިނަ އެވެ. އަދި ވަކި ވަރަކަށް ސަބްސްކްރައިބަރުން ހަމަވުމުން ޔޫޓިއުބުން އެ ފަރާތަކަށް ހާއްސަ އެވޯޑުތައް ވެސް ދެ އެވެ.

މިފަދަ އެވޯޑެއް ގދ. ފަރެސްމާތޮޑާއަށް ނިސްބަތްވާ ކުޅަދާނަ މަސްވެރިޔަކު ވަނީ ހޯދާފަ އެވެ. އުމުރުން 35 އަހަރުގެ އާދަމް ރާޝިދުގެ ޔޫޓިއުބް އެކައުންޓް "ދަ ލައިފް އޮފް އަ ފިޝަމޭން 4076" އަށް ލިބިފައިވަނީ އެއްލައްކަ ސަބްސްކްރައިބަރުން ހަމަވުމުން ޔޫޓިއުބުން ދޭ ސިލްވާ ޕްލޭ ބަޓަން އެވެ.

"ދަ ލައިފް އޮފް އަ ފިޝަމޭން 4076" އެކައުންޓު އާދަމް އުފެއްދީ މަސްވެރިކަމަށް މަޝްހޫރު ފަރެސްމާތޮޑާ މަސްވެރިން ކުރާ މަސައްކަތް ރާއްޖޭގެ އިތުރުން މުޅި ދުނިޔެއަށް ދައްކައިލުމުގެ ބޭނުމުގަ އެވެ. ވީޑިއޯ ނެގުމަށްފަހު ފުރަތަމަ ލާންފެށީ ފޭސްބުކް އަދި އިންސްޓަގްރާމަށް ކަމުގައި އާދަމް 'އަދަދު' އަށް ކިޔައިދިނެވެ. އަދި ޔޫޓިއުބަށް އެ ވީޑިއޯތަށް ލާން ނިންމީ އެހެން މީޑިއާ ޕްލެޓްފޯމްތަކުން ބޮޑު ތާއީދެއް ލިބުމުގެ ސަބަބުން ކަމުގައި އޭނާ ފާހަގަކުރި އެވެ.

Advertisement

"ފުރަތަމަ ފަރެސްމާތޮޑާ މަސްވެރިންގެ ނަމުގަ ފޭސްބުކް އަދި އިންސްޓަގްރާމް ޕޭޖެއް ހެދީ. އަސްލު ބޭނުންވީ ރަށުގެ މަސްވެރިކަން ދައްކާލަން. ވަރަށް ގިނައިން ވިއުސް އަދި ލައިކްސް ލިބުނު. ފޭސްބުކުން އެކަނި ވެސް ދެ މިލިއަން ވިއުސް ލިބުނު،" އާދަމް ކިޔައިދިނެވެ.

ޔޫޓިއުބު އަދި ފޭސްބުކް ޕޭޖުގައި އާދަމް ހިއްސާކުރާ ވީޑިއޯތައް ރިކޯޑުކުރަނީ މަހަށްދާ ދޯނީގެ ޗެންޗެއިނުގައި ސްޓޭންޑެއް ހަރުކޮށްގެން އޭނާގެ އަމިއްލަ ފޯނުންނެވެ. އަދި މަސް އައިނަކާ ލައްވައިލުމާއެކު ފޯނު ސްޓޭންޑުގައި ހަރުކުރުމަށްފަހު ވީޑިއޯ ޖައްސައި، ދުވެފައި މަސްބާނަން ދޯނީގެ ފަހަތައް ދަނީ ކަމަށް އާދަމް ބުންޏެވެ.

"ފޯނު ސެޓުކޮށްފަ ބަހައްޓަނީ ސްޓޭންޑުގަ. ވީޑިއޯ ޖައްސާފަ ދުވެފަ ފަހަތައް މަސް ބާނަން ދަނީ. ނިންމާފަ އައިސް ވީޑިއޯ ސްޓޮޕް ކުރަނީ،" ވީޑިއޯ ނެގުމަށް އޭނާ ކުރާ މަސައްކަތް އާދަމް ހިއްސާކުރި އެވެ.

އުމުރުގެ ގިނަ އަހަރުތަކެއް އާދަމް ހޭދަކުރީ މަސްވެރިކަމުގަ އެވެ. އަދި އޭނާ ވަނީ ރިސޯޓް ގެސްޓްހައުސް ދާއިރާގައި ވެސް މަސައްކަތް ކޮށްފަ އެވެ. އެގޮތުން އާދަމް ފުރަތަމަ މީސްމީޑިއާގައި ހިއްސާކުރީ ގެސްޓުންނާއެކު ޑައިވިންއަށް ގޮސް ނަގާ ވީޑިއޯތަކެވެ.

އާދަމްގެ "ދަ ލައިފް އޮފް އަ ފިޝަމޭން 4076" އެކައުންޓަށް ޔޫޓިއުބުގައި 100،000 ސަބްސްކްރައިބަރުން ހަމަވުމާއެކު އޭނާއަށް ޔޫޓިއުބުގެ ސިލްވާ ޕްލޭ ބަޓަން ލިބުނީ މީގެ ހަފުތާއެއް ކުރިންނެވެ. އަދި ޔޫޓިއުބުން ފުދޭވަރަކަށް ރަނގަޅު އާމްދަނީއެއް ލިބޭކަން ވެސް އާދަމް ފާހަގަކުރި އެވެ.

ނަމަވެސް އާދަމް ފުރަތަމަ ވީޑިއޯ ނަގަން ފެށީ އެއްވެސް އާމްދަނީއެއް ލިބޭނެކަމުގެ އުންމީދުގައެއް ނޫނެވެ. ފަރެސްމާތޮޑާގެ މަސްވެރިންނަށް ރީތި ނަމެއް ހޯދައިދިނުމުގެ ބޭނުމުގަ އެވެ.

"އަސްލު އާމްދަނީއެއް ލިބިދާނެކަމަށް ކުރިކަމެއް ނޫން. ބޭނުންވީ ރަށު މަސްވެރިކަން ދައްކާލަން. ފަރެސްމާތޮޑާއަށް ރީތި ނަމެއް ހޯދައިދޭން،" އާދަމް ހިއްސާކުރި އެވެ.

އާދަމް ދެކޭ ގޮތުގައި ޔޫޓިއުބް، ފޭސްބުކް ފަދަ މީސްމީޑިއާ ޕްލެޓްފޯމުތަކަކީ އެމީހަކު ކުރާ މަސައްކަތް އެންމެނަށް ދައްކައިލުމުގެ އިތުރުން ރާއްޖޭގެ މަސްވެރިކަމުގެ ދާއިރާ ބޭރު ދުނިޔެއަށް ދައްކާލައި، ކުރިއެރުވުމަށް ލިބޭ ފުރުސަތެކެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox