ރަތް ކަނޑުގައި ހޫތީން ދޭ ހަމަލާތައް ހުއްޓާލަން އދ. ގެ ސަލާމަތާ ބެހޭ ކައުންސިލުން ގޮވާލައިފި

ރަތް ކަނޑުގައި ހޫތީން ދޭ ހަމަލާތައް ހުއްޓާލަން އދ. ގެ ސަލާމަތާ ބެހޭ ކައުންސިލުން ގޮވާލައިފި

ރަތް ކަނޑުން ދަތުރު ކުރާ އުޅަނދުފަހަރަށް ހޫތީން ދޭ ހަމަލާތައް ހުއްޓާލުމަށް ގޮވައިލާ ގަރާރެއް އދ. ގެ ސަލާމަތާ ބެހޭ ކައުންސިލުން ފާސްކޮށްފި އެވެ.

ސަލާމަތާ ބެހޭ ކައުންސިލުގެ 11 މެންބަރުންގެ ތާއީދާއެކު ފާސްކުރި އެ ގަރާރުގައި ބުނެފައި ވަނީ ހޫތީންގެ އަމަލުތަކުގެ ސަބަބުން ދުނިޔޭގެ ވިޔަފާރިއަށާއި ދަތުރުފަތުރުކޮށް އުޅުމުގެ މިނިވަންކަމަށް ބުރޫ އަރާ ކަމަށެވެ. އަދި މިދިޔަ އަހަރު ހޫތީން ހިފެހެއްޓި ޖަޕާނުގެ، ގެލެކްސީ ލީޑާ ބޯޓު ދޫކޮށްލުމަށް ވެސް އެ ގަރާރުގައި ގޮވާލާފައިވެ އެވެ.

އެ ގަރާރާ ދެކޮޅަށް އެއްވެސް ގައުމަކުން ވޯޓު ދީފައެއް ނުވެ އެވެ. ނަމަވެސް ޗައިނާ އާއި ރަޝިޔާގެ އިތުރުން އަލްޖީރިއާ އަދި މޮޒަންބީކުން އެ ވޯޓުގައި ބައިވެރިއެއް ނުވެ އެވެ. އެ ކައުންސިލުގެ ދާއިމީ މެންބަރުގެ ގޮތުގައި ތިބި ރަޝިޔާއާއި ޗައިނާއަށް އެ މައްސަލަ ވީޓޯ ކުރުމުގެ ބާރު އޮތް ނަމަވެސް އެ ދެ ގައުމުން ވެސް އެ ބާރުގެ ބޭނުން ހިފައިފައެއް ނުވެ އެވެ.

Advertisement

ގަރާރު ފާސް ކުރުމަށްފަހު ނެރުނު ބަޔާނެއްގައި އެމެރިކާއިން އދ. އަށް ކަނޑައަޅުއްވާފައި ހުންނަވާ ސަފީރު، ލިންޑާ ތޯމަސް ގްރީންފީލްޑް ވިދާޅުވީ ހޫތީންނަށް މުޅި ދުނިޔެއިން ދޭ މެސެޖު ވަރަށް ސާފު ކަމަށާއި މިހާރުން މިހާރަށް ރަތް ކަނޑުން ދަތުރު ކުރާ އުޅަނދުފަހަރަށް ހަމަލާދިނުން ހުއްޓާލަން ޖެހޭ ކަމަށެވެ.

ފަލަސްތީނު ހަނގުރާމަ ފެށުނީއްސުރެއް މިއަދާ ހަމައަށް ރަތް ކަނޑުން ދަތުރު ކުރި އުޅަނދުފަހަރަށް އަމާޒުކޮށް 26 ހަމަލާ ހޫތީން ދީފައިވާ ކަމަށް އެމެރިކާއިން ބުނެފައިވެ އެވެ.

ރަތް ކަނޑުން ދަތުރު ކުރާ ހޫތީންނާ ގުޅުން އޮންނަ ނުވަތަ އިޒްރޭލަށް މުދާ އުފުލާ ބޯޓުފަހަރަށް ހޫތީން ހަމަލާ ދޭން ފެށީ އިޒްރޭލުން ގާޒާގައި ހިންގާ ގަތުލުއާންމުތަކަށް ބަދަލު ހިފުމުގެ ގޮތުންނެވެ. ޔަމަނުގެ ބޮޑު ބައެއްގެ މައްޗަށް ވެރިކަން ކުރާ އެ ޖަމާއަތުން ބުނެފައި ވަނީ އިޒްރޭ؛ލުން ގާޒާއަށް ދޭ ހަމަލާތައް ހުއްޓާލައި އެކަށީގެންވާ އެހީ ގާޒާގެ ރައްޔިތުންނަށް ފޯރުކޮށްދިނުމުން ނޫނީ، އިޒްރޭލާ ގުޅުން އޮންނަ އުޅަނދުފަހަރަށް ރަތް ކަނޑު އަމާން ނުވާނެ ކަމަށެވެ.

ސަލާމަތާ ބެހޭ ކައުންސިލުން ފާސްކުރި އެ ގަރާރުގައި ވަނީ ބައިނަލްއަގުވާމީ ގާނޫނުތަކާ ހިލަފު ނުވާ ގޮތެއްގެ މަތިން އދ. ގެ ގައުމުތަކަށް އެގައުމުތަކުގެ އުޅަނދުފަހަރު ރައްކާތެރި ކުރުމުގެ ބާރު ވެސް ދީފަ އެވެ.

އެފަދަ ގަރާރެއް އދ. ގެ ސަލާމަތާ ބެހޭ މަޖިލީހުން ފާސްކުރިއިރު، އެމެރިކާ އިސްވެ އޮވެ އެކުލަވާލާފައިވާ ގިނަ ގައުމު ހިމެނޭ ކަނޑުގެ ލަޝްކަރަކުން ގެންދަނީ ރަތް ކަނޑުގެ އަމަން ބަލަހައްޓަމުންނެވެ.

އެގޮތުން މިދިޔަ ބުދަ ދުވަހު ވެސް ހޫތީންގެ 21 މިސައިލާއި ޑްރޯން ވައްޓާލާފައިވާ ކަމަށް އެމެރިކާގެ އަސްކަރިއްޔާއިން ބުނެފައިވެ އެވެ.

ހޫތީންގެ ހަމަލާތަކަކީ އިރާނުގެ އެހީތެރިކަމާ އެކުގައި އިރާނު އަޑީގައި އޮވެގެން ކުރުވާ ކަމެއްގެ ގޮތުގައި ސިފަކޮށް އެމެރިކާއިން ވަނީ އިރާނަށް ސީރިއަސް ތުހުމަތުތަކެއް ކޮށްފަ އެވެ. ނަމަވެސް އިރާނުން ވަނީ އެ ތުހުމަތުތައް ދޮގުކޮށްފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox