ވާގޮތް: ޑޭޓާތަ ނޫނީ ޑާޓާތަ؟

ވާގޮތް: ޑޭޓާތަ ނޫނީ ޑާޓާތަ؟

ބަހުގެ ބަހުސްތަކުގެ ދާއިރާގައި، "Data" މި ލަފުޒު ކިޔުމުގެ ވަށައިގެންވާ ފޯރިއާ ވާދަކުރަނީ މަދު ހަނގުރާމަތަކެކެވެ. އަހަރުމެންގެ ޑިޖިޓަލް ދުނިޔެއާ އެކު ދިރިގެން އައި މި ބަސް، ކުންފުނިތަކުގެ ބޯޑުރޫމްތަކުން ފެށިގެން އާންމު މާހައުލުތަކުގައި ވެސް މިވަނީ ބޭނުންކުރުން އާންމުވެފަ އެވެ. ނަމަވެސް މި ބަސް ދެގޮތަކަށް ކިޔާ އުޅެ އެވެ. އެއްބަޔަކު "ޑޭޓާ" ކިޔާ އިރު، އަނެއް ބަޔަކު ކިޔަނީ "ޑާޓާ" އެވެ.

ހަތަރު އަކުރުގެ މި ލަފުޒު ފާޅުކުރާ ގޮތާ މެދު އުފެދިފައިވާ ހިޔާލުތަފާތުވުން މާބޮޑު ގެއްލުމެއް ނެތެވެ. ނަމަވެސް ކޮންމެ ކަމެއް ވެސް ވާގޮތާ މެދު ޝައުގުވެރިކަން ހުންނަ ފަރާތްތަކަށް މިއީ ސުވާލު އުފެދޭ ފަދަ ކަމެކެވެ. އާންމު ގޮތެއްގައި އެއް ބަހެއް ކިޔާ ގޮތް ތަފާތުވުން ބިނާވެފައި ވަނީ އެބައެއްގެ ގައުމު ނުވަތަ ސަރަހައްދާއި، ތައުލީމީ ފަސްގަނޑާއި، ސަގާފީ ނުފޫޒުތަކުގެ މައްޗަށެވެ.

ނަމަވެސް މި ބަސް މިގޮތުންވެސް ތަފާތެވެ. އެއީ އިނގެރޭސި ބަހުން ވާހަކަ ދައްކާ ގައުމުތަކުގެ ރައްޔިތުން ވެސް ދެ ގޮތަށް މި ބަސް ކިޔާތީ އެވެ. އަދި އޭގެ ވަކި ސަބަބެއް އެމީހުންނަށް ނުދެއްކެވެ. ގިނަބަޔަކު ބުނާ ގޮތުން އެމީހުން އެ ބަސް ކިޔާ ގޮތަކީ ދަސްކޮށްދިން ނުވަތަ ދަސްވި ގޮތެވެ.

Advertisement

އެހެންކަމުން ކޮންމެ ކަމެއްގެ ވެސް ހަގީގަތް ހޯދުމަށް ކުރާ މަސައްކަތްކަމަށްވާ، "ކަމުގެ އެންމެ އަޑިއަށް" ދަމާ ހެއްޔެވެ. މި ހާލަތުގައި އަޑިއަށް މިވަނީ މިބަހުގެ ތާރީހެވެ. ފުރަތަމަ ކަމަކަށް މި ބަސް ވުޖޫދުވެގެން އައި ގޮތް ބަލާލާނަމެވެ.

އިނގެރޭސި ގިނަ ބަސްތަކެއް ފަދައިން، ވާހަކަ ދެކެވެމުން މިދާ ބަހަކީ ވެސް ލެޓިންއިން އޭގެ މޫތައް ފެންނަ ބަހެކެވެ. ދިރާސާތަކުން ދައްކާ ގޮތުގައި Data އަކީ ހަގީގަތުގައި ލެޓިން ބަހެއް ކަމަށްވާ Datum (ޑޭޓަމް) ގެ އެކަކަށްވުރެ ގިނަ ނުވަތަ 'ޕްލޫރަލް' ގޮތެވެ.

ޑޭޓަމްގެ އަސްލު އައިސްފައިވަނީ ލެޓިން އެހެން ބަހެއް ކަމަށްވާ Dare (ޑެއާ) އިންނެވެ. މި ބަހުގެ މާނައަކީ ދިނުމެވެ. އެހެންކަމުން Data ބޭނުންކުރަމުން އައީ އެކެއްޗަށް ވުރެ ގިނަ އެއްޗެހިތަކެއް ދިނުމަށް ރިއާޔަތްކުރާ ސިފައެއްގަ އެވެ.

މި ބަސް އިނގެރޭސި ބަހުގެ ތެރެއަށް ވަނީ 16 ވަނަ ގަރުނާ 17 ވަނަ ގަރުނާ ދޭތެރޭގަ އެވެ. މި ހިސާބުގައި ވެސް ބަސް މާނަކުރަމުން ދިޔައީ، ލެޓިންގައި މާނަކޮށްފައިވާ ގޮތަށް ގިނަ އެއްޗެހިތަކެއް ދިނުމުގެ ގޮތުގަ އެވެ.

ދިރާސާތަކުން ދައްކާ ގޮތުގައި ބަސް ފުރަތަމަ އިނގެރޭސި ބަހުގައި ބޭނުންކުރަން ފެށި އިރު، ޕްރޮނައުންސްކޮށްފައި ވަނީ ލެޓިން އިން އައިސްފައިވާ ގޮތަށެވެ. އެއީ "ޑޭޓާ" އެވެ. މި ބަހުގެ އަސްލުކަމަށްވާ ކުރިން ދެންނެވުނު ދެބަހުން މިކަމަށް ބާރުދެ އެވެ. އެއީ "ޑެއާ" އަދި "ޑޭޓަމް" ވެސް ފެށެނީ "ޑެ" މި ފަދަ އަޑަކުން ކަމަށްވާތީ އެވެ.

ނަމަވެސް ޑިޖިޓަލް އަހަރުތަކުގެ ކޮޅުމައްޗާއެކު މި ބަސް ބޭނުންކުރުމަށް ބަދަލުތަކެއް އަންނަން ފެށި އެވެ. ފުރަތަމަ ކަމަކަށް ބަހުގެ މާނައަށް ތަފާތުކަމެއް ގެނުވި އެވެ. ކުރިން ދިނުމުގެ މާނައިގައި ބޭނުންކުރަމުން އައި ބަސް ފަހުން ބޭނުންކުރެވެން ފެށި ވަކި ޓެކްނޮލޮޖީތަކެއްގައި "ދޭ ނުވަތަ ލިބޭ މައުލޫމާތު" އިޝާރާތްކުރުމަށެވެ.

މި ބަސް އިތުރަށް މަގުބޫލުވާން ވެސް ފެށީ މި ސަބަބުތަކަށްޓަކަ އެވެ. ކޮންމެ ޓެކްނޮލޮޖީއެއްގަ ވެސް Data ހުންނަން ފެށިފަހުންނެވެ. މިއީ ކުރިއަރަމުން އައި ދުނިޔެއަށް މުހިންމު ބަހަކަށްވެ ގިނަބައެއްގެ ތުންފަތް މައްޗަށް ބަސް ފޯރައިފި އެވެ. ބަސް ކިޔާ ގޮތާ މެދު ހިޔާލުތަފާތުވުން އުފެދެން ފެށީ މިހާ ހިސާބުންނެވެ.

ކޮންމެ ފަރާތަކަށް ވެސް އެނގޭނެ ފަދައިން އިނގެރޭސިއަކީ ވެސް "ފާޑެއްގެ" ބަހެކެވެ. އެއްވައްތަރެއްގެ އަކުރުތަކެއް ހުރި ކަމުގައި ވީ ނަމަވެސް ބައެއް ބަސްތައް ކިޔާ ގޮތް ތަފާތުވެގެން ދެ އެވެ. މިސާލަކަށް ބުނާ ނަމަ Good މިބަސް ކިޔަނީ "ގުޑް" މިހެންނެވެ. ނަމަވެސް އެއް އަކުރު ބަދަލުވެފައި އިންނަ Mood ކިޔަނީ މޫޑް މިފަދައިންނެވެ. މިއީ ވަރަށް ކުޑަކުޑަ މިސާލެކެވެ. މި ނޫނަސް އެތައް މިސާލެއް ފެންނަން އެބަހުއްޓެވެ.

އިސްވެ ބުނި ފަދައިން ގިނަބައެއްގެ ދުލަށް Data ފަރިތަވާން ފެށި ހިސާބުން ހިޔާލުތަފާތުވުން އުފެދި ބަހުސްތައް ފެށުނެވެ. "ޑޭޓާ" ކިޔާމީހުން ޖަދަލު ކުރަނީ އާންމު އިނގިރޭސި ބަހުގެ a އަކުރު އާންމުކޮށް ކިޔާ އުޅެނީ "އެ" ނުވަތަ "އޭ" މި އަޑުންކަމަށެވެ. މީގެ ކުޑަ މިސާލަކަށް އިނގެރޭސިން ދުވަހަށް ދީފައިވާ ނަން Day (ޑޭ) ބުނެވިދާނެ އެވެ.

މިއާ ހިލާފަށް "ޑާޓާ" އަށް ތާއީދުކުރާ މީހުން ވަކާލާތު ކުރަނީ ހަމަ މި އަކުރަކީ "އާ" ފަދަ އަޑުތައް ވެސް ނެރެން ބޭނުންކުރާ ބަހެއް ކަމަށެވެ. މިސާލަކަށް އިނގެރޭސީގައި Father (ފާދާ)، car (ކާ)، Half (ހާފް) މިހުރިހާ ބަހެއްގައި ވެސް a އަކުރުގެ އަޑު އަންނަނީ "އާ" އެއްގެ އަޑުންނެވެ.

އާހިރުގައި ދެގޮތަކަށް ބަސް ބޭނުންކުރެވެމުން ދިޔަ އެވެ. އެހެން ދަމުން ގޮސް ރާއްޖެ ފަދަ ކުދި ގައުމުތަކުގެ ރައްޔިތުންނަށް ވެސް މި ބަސް ދަސްވެފައި މިވަނީ އެކި މީހުންގެ ކައިރިން އެކި ގޮތަށެވެ.

އެހެންކަމުން މީގައި ރަނގަޅު ގޮތަކީ ކޮބައި ހެއްޔެވެ؟ މި ސުވާލަށް އޮތް ޖަވާބަކީ މިއަދުގެ ދުނިޔޭގައި މީގައި ގޯސް ގޮތެއް ނެތްކަމެވެ.

ގަބޫލުކުރަންޖެހޭ ހަގީގަތަކީ ބަހަކީ އަބަދުވެސް ބަދަލުވަމުން އަންނަ އެއްޗެއްކަމެވެ. ބަހުގެ މައިގަނޑު ބޭނުމަކީ މުއާމަލާތްކުރުން ކަމުގައި ވާއިރު، މުއާމަލާތުގައި ބޭނުންކުރާ ބަސްބަހުން ކަންކަން ދޭހަވާނަމަ އޭގައި ގޯހެއް ވާކަމަކަށް ނުދެކެވޭނެ އެވެ. "ޑޭޓާ" ނުވަތަ "ޑާޓާ" ކިޔަސް، އަހަރުމެން ކޮންމެ މީހަކަށް އެ އިޝާރާތް ކުރަނީ ކޮންކަމަކަށްކަން އެބަ ފަހުމުވެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox