އައްޑޫގެ ގެއެއްގެ ގޯތި ތެރެއަށް ވަދެ ގާ އުކި މީހަކު ހޯދަން ފުލުހުން އާއްމުންގެ އެހީއަަށް އެދިއްޖެ އެވެ.
އެމީހާ ގާ އުކާ މަންޒަރު ފެންނަ ވީޑިއޯއެއް އެކްސްގައި ހިއްސާ ކުރުމުން ފުލުހުން މިއަދު ބުނީ މުދަލަށް ގެއްލުން ދިން މައްސަލައެއްގައި އައްޑޫ ސިޓީ ޕޮލިސް ސްޓޭޝަނުން މީހަކު ހޯދަމުން އަންނަކަމަށެވެ.
ފުލުހުން އާންމުކޮށްފައިވާ ވީޑިއޯގައި ފެންނަނީ ހެލްމެޓެއް އަޅައިގެން ހުރި މީހަކު ގެއަކަަށް ވަދެ ގާ އުކާ މަންޒަރެވެ.
އެ ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ އައްޑޫ ސިޓީ ގަން ޕޮލިސް ސްޓޭޝަންގެ ނަންބަރު 9792058 އަށް ގުޅައި މައުލޫމާތު ހިއްސާކުރުމަށް ފުލުހުން ވަނީ އެދިފަ އެވެ.
މި ދުވަސްވަރަކީ މާލެއާއި އައްޑޫ ސިޓީގައި ސިލްސިލާ މާރާމާރީތަކެއް ވެސް ހިނގަމުން އަންނަ ދުވަސްކޮޅެކެވެ. މި މައްސަލަތަކާ ގުޅިގެން މާލެ އާއި އައްޑޫގައި ފުލުހުން ވަނީ ހާއްސަ އޮޕަރޭޝަނެއް ވެސް ފަށައިފަ އެވެ.
