ކުޑަކުޑަ އެންޑްރިއާގެ ކުރެހުންތަކުން މި ދައްކާލީ ރާއްޖެ އަށް ޖެހުނު ލޯބި

ކިން ތަޑަރް ހެޓެޓް (އެންޑްރިއާ)، "އޯޝަން އެޑްވެންޗާސް" ފޮތުގެ ކުރެހުންތައް ފުރިހަމަކުރަނީ --

ކިން ތަޑަރް ހެޓެޓް (އެންޑްރިއާ)، "އޯޝަން އެޑްވެންޗާސް" ފޮތުގެ ކުރެހުންތައް ފުރިހަމަކުރަނީ --

އުފަން ގައުމު ދޫކޮށް، އެހެން ގައުމަކަށް ބަދަލުވުމަކީ ފަސޭހަ ކަމެއް ނޫނެވެ. ނުދަންނަ ބަޔެއްގެ ތެރެއަށް، އެ މީހުންގެ އާދަކާދަތަކަށް ހޭނުމަކީ ދަތި ކަމެކެވެ. އެއީ އަލުން ދިރިއުޅުން ބިނާކުރުން ފަދަ ކަމެކެވެ. ތައިލެންޑުގެ ބެންކޮކުން ކުޅުދުއްފުށި ސިޓީއަށް ބަދަލުވި މިޔަންމާގެ އެ ދެމަފިރިންގެ ކަންބޮޑުވުމަކަށްވީ، ޅަ ދަރިފުޅު ރާއްޖޭގެ އާ މަހައުލަށް ހޭނުމުގައި އަތުވާނެ ގޮންޖެހުންތަކެވެ.

ޑޮކްޓަރުންގެ ގޮތުގައި ކުޅުދުއްފުށި ސިޓީގައި މަސައްކަތްކުރައްވާ ޑރ. ޔެ މިން ހެޓެޓް އާއު ޑރ. ޓިން ހިނިން، އެ ދެމަފިރިންގެ ހަމައެކަނި ދަރިފުޅު ކިން ތަޑަރް ހެޓެޓް (އެންޑްރިއާ) އާ އެކު ކުޅުދުއްފުއްޓަށް ބަދަލުވީ މީގެ ދެ އަހަރު ކުރިން ޖެނުއަރީ 2021 ގަ އެވެ.

ހީކުރި ގޮތާ ހިލާފަށް ރާއްޖޭގެ މާހައުލު ވެގެންދިޔައީ އެންޑްރިއާ އަށް އުފާވެރި ތަނަކަށެވެ. ދެމަފިރިންގެ ކަންބޮޑުވުން ބަދަލުވީ ހިތްހަމަޖެހުމަކަށެވެ. ރާއްޖޭ ގުދުރަތީ ރީތިކަމާއި، ހަމަހިމޭން މާހައުލުވީ ތުއްތު އެންޑްރިއާގެ ހިތުގައި ގުދުރަތީ ކަންކަމާއި މެދު އޮތް ޝައުގުވެރިކަން އިތުރުކޮށްދިން ކަމަކަށެވެ. އަބަދުވެސް ހެލިފެލިވެ އުޅޭ އަދި އެންމެނާ ގުޅޭ މިޒާޖެއްގެ އެންޑްރިއާއަށް ރާއްޖޭން އެންމެ ކަމުދިޔައީ މޫދެވެ. މޫދު އަޑީގެ މަންޒަރުތަކާއި ކަނޑު ފަރުތަކުގެ ދިރުންތަކެވެ.

Advertisement

ނަތީޖާއަކަށްވީ އުމުރުން އެންމެ އަށް އަހަރުގައި، އެންޑްރިއާ ފޮތެއްގެ މުސައްނިފަކަށް ވުމެވެ. އެ ފޮތުގައި ހިމެނޭ ޝައުގުވެރި ކުރެހުންތަކުގެ ވެރިޔާ އެއީ އެވެ. "އޯޝަން އެޑްވެންޗާސް" ގެ ނަމުގައި އެންޑްރިއާ ތައްޔާރުކުރި ފޮތުގައި ވަނީ އޭނާގެ ހިތުގެ ޝުއޫރުތަކާއި، ކަނޑުގެ ދިރުންތަކަށް އޮތް ލޯބި ދައްކުުވައިދޭ ރީތި ކުރެހުންތަކެވެ.

އ
އ

ކުޅުދުއްފުއްޓަށް ބަދަލުވުމަށްފަހު އެންމެ ގަޔާވެގެން އެންޑްރިއާ ކުރާކަމަކީ އަތިރިމައްޗަށް ދިއުމާއި، މޫދަށް އެރުމެވެ. އޭނާގެ ބައްޕަ ޑރ. ޔެ މިން ހެޓެޓް ބުނި ގޮތުގައި ސްކޫލުގެ އެކުވެރިން އަދި އޭނާއާއެކު ވެސް ވަރަށް ގިނައިން އެންޑްރިއާ މޫދަށް ގޮސް އުޅެ އެވެ. ކަނޑުއަޑީގެ ރީތި މަންޒަރުތައް ބަލާށެވެ.

"އަހަރެންނާ އެންޑްރިއާ ވަރަށް ގިނައިން ސްނޯކަލިން އަށް ދަން. ޗުއްޓީގައި ކައިރީ ރަށްތަކަށް ގޮސް މޫދަށް އެރި ހަދަން. އެންޑްރިއާ ގޮވައިގެން ދެ ފަހަރަކު ސްކޫބާ ޑައިވިންއަށް ވެސް ދިއައިން. އެއީ އެކަމަށް އެންޑްރިއާ ޝައުގުރިވާތީ،" އެންޑްރިއާގެ ބައްޕަ "އަދަދު" ނޫހަށް ދިން އިންޓަވިއުއެއްގައި ކިޔައިދިނެވެ.

އެންޑްރިއާ ސްކޫބާ ޑައިވިން ކުރާ މަންޒަރު --
އެންޑްރިއާ ސްކޫބާ ޑައިވިން ކުރާ މަންޒަރު --

އެންޑްރިއާ ސްކޫބާ ޑައިވިން ކުރާ މަންޒަރު --

އޯޝަން އެޑްވެންޗާސް ފޮތުގައި ހިމެނޭ ހުރިހާ ކުރެހުމަކީ އެންޑްރިއާގެ އަމިއްލަ ކުރެހުންތަކެވެ. ލިބިފައިވާ ކުރެހުމުގެ ހުނަރު ބޭނުންކޮށްގެން އޭނާ ސިފަކޮށްދީފައިވަނީ ރާއްޖޭގެ ކަނޑުފަޅުގައި ދިރިއުޅޭ އެކި ބާވަތުގެ ދިރުންތަކެވެ. މަންޓާ ރޭ، އީގަލް ރޭ، ވެލާ، މިޔަރު އަދި ތަފާތު ވައްތަރުގެ މަހެވެ.

މި ތަފާތު ދިރުންތައް ދެނެގަންނަން އެންޑްރިއާއަށް ދަސްވީ އޭނާގެ ޑައިވިން އިންސްޓްރަކްޓަރުންގެ ފަރާތުންނެވެ. ކޮންމެ ކުރެހުމެއް ކައިރީ ލިޔެލާފައި އިންނަ ކުޑަ ލިޔުންކޮޅުން އެންޑްރިއާގެ ހިތުގައި އެ ދިރުންތަކާއި މެދު ވާ ޝައުގުވެރިކަން ހާމަވެ އެވެ.

"ދޭ އާ ލައިކް މެޖިކަލް ޖަޔަންޓްސް! ދޭ ހޭވް ގޮޓް ދިސް ހިއުޖް، ވައިޑް ބޮޑީ ދެޓް ކޭން ބީ އިވެން ބިގާ ދޭން މީ! ކޭން ޔޫ އިމޭޖިން ދެޓް؟ (އެއީ ޖާދުވީ ބޮޑެތި ދިރުންތަކެއް! ލިބިފަވަނީ އަހަރެންނަށް ވުރެ ވެސް ބޮޑު ބިޔަ ހަށިގަނޑެއް! ހިޔާލަށް ގެނެވޭތަ؟)" މަންޓާ ރޭ ކުރެހުމަށްފަހު އެއާ ބެހޭގޮތުން އެންޑްރިއާ ލިޔެފައިވެ އެވެ.

"ދޭ އާ ލައިކް ސުޕާހީރޯސް އޮފް ދަ ސީ، އޯލްވޭސް ލުކިން އައުޓް ފޯ ދެއާ ފްރެންޑްސް އެންޑް ސްވިމިން އަރައުންޑް ވިތް ދެއާ ފްލިޕީ، ފްލަޕީ އާމްސް (އެއީ މޫދުގެ ސުޕާ ހީރޯސް، އަބަދުވެސް އެކުވެރިންނަށް އަޅާލާ ފަތަތާ ތިބޭނެ)" ވެލާ ސިފަކޮށްދެމުން އެންޑްރިޔާ ލިޔުނެވެ.

އެންޑްރިއާގެ ފޮތުގެ ކުރެހުމެއް --
އެންޑްރިއާގެ ފޮތުގެ ކުރެހުމެއް --

އެންޑްރިއާގެ ފޮތުގެ ކުރެހުމެއް --

އޯޝަން އެޑްވެންޗާސްގައިވާ ފުރިހަމަ ކުރެހުންތަކަކީ ފޮތެއް ތައްޔާރު ކުރުމުގެ މަގުސަދުގައި ވެސް ކުރި ކަމެއް ނޫނެވެ. އޭނާގެ ބައްޕަ ބުނީ، އެއީ އެންޑްރިއާ އޭނާގެ އަމިއްލަ ހިތްހަމަޖެހުމަށް ކުރާ ކަމެކެވެ. އަދި ދަރިފުޅުގެ ހުނަރު ފެނި އެކަމަށް އެއްބާރުލުން ދީ، އެ ހުނަރު ކުރިއަރުވަން މަންމައާއި ބައްޕަ ބޭނުންވީ އެވެ.

"އެންޑްރިއާ ކުރެހީ ފޮތެއް ހެދުމުގެ މަގުސަދަކު ނޫން. އެއްވެސް އެކަހަލަ ޕްރެޝާއެއް ނޯންނާނެ. އޭނަ ކުރަހާ ހިތްވީމަ ކުރަހާލަނީ. ދެން އަހަރެން ބުނަން އެ ދިރުމެއް ސިފަކޮށްދީ ލިޔުންކޮޅެއް ވެސް ލިޔެލާށޭ،" ޑރ. ޔެ މިން ކިޔައިދިނެވެ.

"އޯޝަން އެޑްވެންޗާސް" ފޮތުގެ އެންމެ ފަހު ސޮފްހާ --
"އޯޝަން އެޑްވެންޗާސް" ފޮތުގެ އެންމެ ފަހު ސޮފްހާ --

"އޯޝަން އެޑްވެންޗާސް" ފޮތުގެ އެންމެ ފަހު ސޮފްހާ --

ރައީސުލްޖުމުހޫރިއްޔާގެ އިބްރާހީމް މުހައްމަދު ސޯލިހުގެ އަނބިކަބަލުން ފަޒްނާ އަހުމަދާއި، ޔޫއެންގެ ރާއްޖޭގެ މަންދޫބަށް ވެސް ހަދިޔާކޮށްފައިވާ އެ ފޮތަކީ ގާތްގަނޑަކަށް 14 މަސް ދުވަހުގެ މަސައްކަތެވެ.

އެންޑްރިއާގެ ބައްޕަ ބުނީ އޭނާގެ ދަރިފުޅުގެ ކުރެހުންތައް ފޮތެއްގެ ގޮތުގައި ޝާއިއުކުރަން ނިންމީ އެހެން ކުދިންގެ ހިތުގައި ވެސް ކަނޑުގެ ދިރުންތަކާ މެދު އެ ޝައުގާ ލޯބި އާލާކުރުމަށް ކަމަށެވެ. އޯޝަން އެޑްވެންޗާސް ފޮތް ނިންމާލަމުން ވެސް އެންޑްރިއާ އޭނާގެ ކިޔުންތެރިންނަށް ދީފައިވަނީ އެފަދަ މެސެޖެކެވެ. ކަނޑުގެ ދިރުންތަކަށް ލޯބިކޮށް އެ އެއްޗިސް ރައްކާތެރި ކުރުމަށް އެންޑްރިއާ ވަނީ ހަނދާންކޮށްދީފަ އެވެ.

"ލެޓްސް ރިމެމްބާ ޓު ބީ ކައިންޑް އެންޑް ޝޯ ރެސްޕެކްޓް ޓު ދީސް އޯސަމް ކްރިއޭޗާސް. ޕްރޮމިސް މީ ދެޓް ވީ ވިލް ކީޕް ދަ އޯޝަން ކްލީން އެންޑް ޕްރޮޓެކްޓް އޯލް ދަ އެނިމަލްސް. ރެޑީ ޓު ޑައިވް އިން އެންޑް އެކްސްޕްލޯ ދަ އޯޝަން ވިތް މީ؟ (މި ދިރުންތަކަށް އޯގާތެރިވެ އިހުތިރާމުކުރަން ހަނދާންކުރަމާ. މޫދު ރީތިކޮށް ސާފުކޮށް ބާއްވައި ދިރުންތައް ރައްކާތެރިކުރާނެކަމަށް ޕްރޮމިސްކުރޭ. އަހަރެންނާއެކު މޫދު ދިރާސާކޮށްލަން ދާން ތައްޔާރުތަ؟)" ފޮތުގެ އެންމެ ފަހު ސަފުހާގައި އޭންޑްރިއާ ބުނެފައިވެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox