އިދިކޮޅު ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒުގެ ކެމްޕޭނަށް ފަންޑުކުރަނީ ރާއްޖޭގައި ހަރަކާތްތެރިވާ ކުށްކުރާ ގޭންގުތަކުން ކަމަށް ހޯމް މިނިސްޓަރު އިމްރާން އަބްދުﷲ ރޭ ތުހުމަތު ކުރެއްވި އެވެ.
ރިޔާސީ ކެމްޕޭނުގައި އެމްޑީޕީ އާއި ގުޅިފައިވާ ޕާޓީތަކުން ބާއްވާ އެންމެ ފަހު ބޮޑު ޖަލްސާގެ ގޮތުގައި އައްޑޫގައި ބޭއްވި ޖަލްސާގައި އަދާލަތު ޕާޓީގެ ރައީސްކަން ވެސް ކުރައްވާ އިމްރާން ވިދާޅުވީ އިދިކޮޅު ޕީޕީއެމް/ޕީއެންސީގެ ކެމްޕޭނަށް ގޭންގުތަކުން ސީދާ ފަންޑުކުރާ ކަމަށެވެ.
"ރާއްޖޭގެ ހުރިހާ ލޮބުވެތި ރައްޔިތުން ވިސްނާވަޑައިގަންނަވާ، މިސާލެއްގެ ގޮތުން ޕީއެންސީގެ ކެންޑިޑޭޓު ކާމިޔާބު ކުރައްވައިފިނަމަ ނައިބު ރައީސް އުޅޭ ހިލާލީގެ ވާނީ ގޭންގުތައް އޮޕަރޭޓުކުރާ ކޮމާންޑު ސެންޓަރަކަށް،"
މުއިއްޒުގެ ރަނިންމޭޓު ހުސެއިން މުހައްމަދު ލަތީފަށް ނިސްބަތްކޮށް އެ ތުހުމަތު ކުރެއްވުމަށް ފަހު އިމްރާން ވަނީ، މުއިއްޒުގެ ވެރިކަމެއްގައި ކޮމިޝަނާ އޮފް ޕޮލިސް އަދި ޕްރޮސެކިއުޓާ ޖެނެރަލްގެ މަގާމަށް އައްޔަން ކުރެވޭނީ ގޭންގު ލީޑަރުން ކަމަށް ވެސް ވިދާޅުވެފަ އެވެ.
"މިއީ އަޅުގަނޑު ހަދައިގެން ދައްކާ ވާހަކައެއް ނޫން. ސަލާމަތީ ބާރުތަކުގެ ބޭފުޅުންނަށް މިކަން ވަރަށް ރަނގަޅަށް އިނގިވަޑައިގަންނަވާނެ، އަޅުގަނޑަށް އިނގޭ އަޅުގަނޑު މި ދައްކަނީ ކިހާ ނުރައްކާތެރި ވާހަކައެއްކަން" އިމްރާން ވިދާޅުވި އެވެ.
އިމްރާން ވިދާޅުވީ އެ ދެއްކެވި ވާހަކައިގެ ސަބަބުން އޭނާ އަދި އާއިލާ ނުރައްކަލަށް ލެވުނު ނަމަވެސް ގައުމާއި ރައްޔިތުންގެ ހައްގުގައި އެ ވާހަކަ ހިއްސާ ކުރަންޖެހޭ ކަން ގަބޫލުކުރާ ކަމަށެވެ.
ރިޔާސީ ކެމްޕޭނަށް ހިނގަމުންދާ ހަރަދާއި ފަންޑު ލިބޭ ފަރާތްތަކުގެ ތަފުސީލަށް "އަދަދު" އިން ދަނީ ހުރިހާ ކެންޑިޑޭޓުން އަދި ޕާޓީތަކުގައި އެދެމުންނެވެ. އެގޮތުން އިއްޔެ ޕީޕީއެމް/ޕީއެންސީގެ ލީޑަޝިޕާ އެ ސުވާލު ކުރުމުން، ޕީއެންސީގެ ރައީސް އަބްދުއްރަހީމް އަބްދުﷲ ވަނީ ކެމްޕޭން ހަރަދު މީޑިއާތަކަށް ހާމަކުރުމަށް އިންކާރުކުރައްވާފަ އެވެ.
"ކެމްޕޭނު ހަރަދާ އެދޭ މައުލޫމާތު އަޅުގަނޑުމެން ނޫސް ކޮންފަރެންސްގައި ހާމަކުރާކަށް ބޭނުމެއް ނުވޭ. އެ ނުވެސް ޖެހޭނެ ދެއްތޯ. އެއީ ކެމްޕޭނަށް ކުރާ ހަރަދުގެ ތަފްސީލު ދޭން ޖެހޭނީ އިލެކްޝަން ކޮމިޝަނަށް އެކަނި. އެހެންވީމަ އެއީކީ އަޅުގަނޑުމެން ނޫސްވެރިންނާ ހިއްސާކުރަން ޖެހޭ މައުލޫމާތެއް ނޫން،" އަބްދުއްރަހީމް ވިދާޅުވި އެވެ.
ކެމްޕޭނަށް ލިބޭ ފައިސާ އާއި ހަރަދު ހޯދުމަށް ހުރިހާ ކެންޑިޑޭޓުންނަށް ސިޓީ ވެސް ވަނީ ފޮނުވާފަ އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
އަންނަ ހޮނިހިރު ދުވަހު ބާއްވާ ރިޔާސީ އިންތިހާބަށް ކެމްޕެއިންކުރަން އެމްޑީޕީ އާއި ގުޅިފައިވާ ޕާޓީތަކުން ބޭއްވި ޖަލްސާގައި މަހުލޫފު ވިދާޅުވީ އިންތިހާބުގެ ވާހަކަ މިދިޔަ ދެތިން ދުވަހު މުޅިން ދީނީ ވާހަކައަކަށް ބަަދަލުވެއްޖެ ކަމަށެވެ. ކުއްލިއަކަށް ބޮޑެތި ލިސްޓް ހަދައިގެން އިލްމުވެރިންގެ ނަމުގައި ސޮއިކުރަން ވެސް ކުރަން ފަށައިފި ކަމަށް ވެސް އޭނާ ވިދާޅުވި އެވެ.
އެއް ބަޔަކު ބުނަނީ ރައީސް ސޯލިހަށް ދެވަނަ ދައުރެއް ލިބިއްޖެއްޔާ މިގައުމުން އިސްލާމްދީން ފުހެވޭނެޔޯ. ބަލަގަ އަޅުގަނޑުމެންގެ މި ފަސް އަހަރުގެ ދައުރު ނިމުނިއްޔޭ މިއޮއް. އެކަމަކު ރައީސް ސޯލިހު މިގައުމުން އިސްލާމްދީން ފޮހެއެއް ނުލައޭ. މިގައުމުގެ މިސްކިތްތަކުން ބަންގި އެބަ ގޮވާ. މިއަދު ދީނީ ކާޑެއް އިތުރަކަށް މިގައުމުގައި ނުކުޅެވޭނެ،"
ދުވަހުގެ ފޮޓޯ
އައްޑޫގައި ރޭ ބޭއްވި އެމްޑީޕީގެ ބޮޑު ޖަލްސާ -- ފޮޓޯ: މިރާން ނާޝިމް/ އަދަދު
