މިދިޔަ އަހަރުގެ ރިޔާސީ ބަޔާނުގައި ރައީސް ސޯލިހު ހުށަހެޅުއްވީ މާލޭގެ ރައްޔިތުންނަށް އެތައް ދަހަރެއް ވަންދެން މަހުރޫމުވެފައި އޮތް ގޯތިގެދޮރުގެ މައްސަލައަށް ހައްލެއް ގެނެސް ދިނުމުން މި ސަރަހައްދުން ބިން ހިއްކައި، އިންވަކިކޮށް ގޯތި ދޭނެ ކަމަށެވެ. އެ ބަދަލު މިހާރު ފެންނަމުން ދާއިރު، ރޭ ބޭއްވި އެމްޑީޕީގެ ބޮޑު ޖަލްސާގައި "އުފާވެރި މާލެ" މެނިފެސްޓޯއިން ގެންނަ އިންގިލާބީ ބަދަލު ވަނީ ހުށަހަޅައިދީފަ އެވެ.
ރިޔާސީ ދެ ވަނަ ދައުރެއް ހޯއްދެވުމަށް ކެމްޕޭނު ކުރައްވަމުން ގެންދަވާ ރައީސް ސޯލިހުގެ އެ މެނިފެސްޓޯއިން ހުށަހަޅައި ދެނީ މާލޭގެ ބޯހިޔާވަހިކަމުގެ މައްސަލަ އަށް ދާއިމީ ހައްލާއި، ކާރޫބާރޫ މަގުތަކަށް ހަމަޖެހި ނޭވާލެވޭނެ ގޮތާއި ވިޔަފާރީގެ މަރުކަޒުތައް ބިނާކުރުން ހިމެނެ އެވެ.
އުފާވެރި އަމާން މާލެއެއް ގެނެސްދިނުމަށްޓަކައި އަޅާ ފުރަތަމަ ބިންގަލަނީ 19،000 މީހުންނަށް ކަށަވަރު ކޮށްދޭ ގޯއްޗެވެ. އަދި މާލޭގެ މަގުތަކަކީ ޕާކިން ޒޯނެއްގެ ބަދަލުގައި، ހާއްސަ ޕާކިން ހައުސްތައް ގާއިމުކުރާނެ އެވެ. މޮނަ ރޭލް އަޅައި، ބްރިޖިކްގެ ތޮއްޖެހުން ހައްލު ކުރާނެ އެވެ. މި ނޫނަސް މުހިންމު އެތައް ބަދަލެއް ވަނީ ހުށަހަޅާދެ އެވެ.
މެނިފެސްޓޯގެ މުހިންމު ބައިތައް
މުހިންމު ބައެއް ހަބަރު
ދުވަހުގެ ކޯޓޭޝަން
އެމްޑީޕީގެ ރިޔާސީ ކެންޑިޑޭޭޓް، ރައީސް ސޯލިހަށް ތާއީދު ހޯދަން މާލޭ ކާނިވާ ސަރަހައްދުގައި އެޕާޓީން މިރޭ ބޭއްވި ޖަލްސާގައި ފައްޔާޒު ވިދާޅުވީ މުއިއްޒަކީ ޕީއެންސީގެ ކެންޑިޑޭޓް ނޫން ކަމަށާއި އެއީ "ހައްދުފަހަނައަޅާފައިވާ ޖަމާއަތްތަކުގެ ކެންޑިޑޭޓް" ކަމަށެވެ. އެއީ ރާއްޖޭގައި އުފެދިފައިވާ ކުށުގެ ވިއުގަތަކާ ގުޅުފައިވާ ބޭފުޅެއް ކަމަށް ވެސް ފައްޔާޒު ތުހުމަތުކުރެއްވި އެވެ.
އަޅުގަނޑުމެންގެ ވާދަކުރާ ކެންޑިޑޭޓަކީ ޕީއެންސީގެ ކެންޑިޑޭޓެއް ނޫން. އެއީ މިގައުމުގައި އުފެދިފައިވާ ހައްދުފަހަނައަޅާފައިވާ ޕާޓީތަކާއި އަދި ނުވިތާކަށް މި ގައުމުގައި އޮތް ކްރިމިނަލް ނެޓްވޯކްތަކާ ގުޅިފައި އޮތް ކެންޑިޑޭޓެއް،"
ދުވަހުގެ ފޮޓޯ
އެމްޑީޕީން ރޭ ބޭއްވި ބޮޑު ޖަލްސާގައި ބައިވެރި ފަރާތްތަކުން ކުޑަތައް ނަގައިގެން. -- ފޮޓޯ: އަބްދުﷲ އިޔާން/ އަދަދު
