ރައްޔިތުންނަށް ބޭނުންވާ ބޯހިޔާވަހިކަން ފޯރުކޮށްދިނުމުގެ ގޮތުން މާލޭ ކައިރީގައި އޮންނަ ފުށިދިއްގަރު ފަޅު ހިއްކައިގެން އެކޯސިޓީއެއް ތަރައްގީ ކުރަން ޖޭޕީގެ ރިޔާސީ ކެންޑިޑޭޓު ގާސިމް އިބްރާހިމްގެ މެނިފެސްޓޯގައި ހިމަނައިފި އެވެ.
ފުށިދިއްގަރު ފަޅު އެކޯސިޓީއަކީ ޖޭޕީގެ މެނިފެސްޓޯގައި ހިމެނޭ, ކަށަވަރު ބޯހިޔާވަހިކަމާއި, ސްމާޓް ރާއްޖެ އާއި ދެމެހެއްޓެނިވި ތިމާވެއްޓާއި، އިގުތިސޯދު ސިޔާސަތުގެ ދަށުން 30،000 މީހުންނަށް ދިރިއުޅެވޭ ގޮތަށް ތަރައްގީކުރާ ސިޓީއެކެވެ.
ފުށިދިއްގަރު ފަޅު އިކޯސިޓީ
- 1400 ހެކްޓަރުގެ ފަޅުން 1000 ހެކްޓަރު ހިއްކާނެ
- ފަޅު ހިއްކާނީ ލޮނުގަނޑަށް ވުރެ ދެ މީޓަރު އުސްކޮށް
- ފަސް އަހަރުގެ ތެރޭގައި 10،000 ހައުސިން ޔުނިޓު
- މިހާރަށް ވުރެ ޔުނިޓުތަކުގެ ޖާގަ ތަނަވަސް ވާނެ
- ތަރައްގީކުރަނީ ސޯލާ ފަދަ ތިމާވެއްޓާ ރައްޓެހި ވަސީލަތްތައް ބޭނުންކޮށްގެން
ޖޭޕީން ބުނީ މާލެ ގެ ދެކުނުން 16 ކިލޯމީޓަރު ދެކުނުގައި އޮތް މުސްތަގުބަލުގެ މި އެކޯސިޓީގައި ޕާކުތަކާއި، އެންޓަޓެއިންމަންޓް އަދި ބިޒްނަސް ސެންޓަރުތަކާއި ޝޮޕިން މޯލްތަކާއި ކޮންވެންޝަން ސެންޓަރުތަކުގެ އިތުރުން ޓޫރިޒަމަށް ހާއްސަ ސަރަހައްދުތަކާއި ސްޕޯޓްސް އެރީނާތަކާއި ގްރީން އޭރިއާތައް ހުންނާނެ ކަމަށެވެ.
މި ބޮޑު ފަޅުގެ ދިގު މިނުގައި ގާތްގަނޑަކަށް 17 ކިލޯމީޓަރު ހިރުއެ އެވެ. އެއީ ވިލިމާލެއިން ފެށިގެން ހުޅުމާލެ ފޭސް ދޭކާ ދެމެދު ހުންނަ ދިގުމިނެވެ.
