މިނިވަން ދުވަހުގެ ހަރަކާތްތަކާއި ގުޅިގެން މާދަމާއިން ފެށިގެން މާލޭގެ ޖެޓީތައް ބަންދުވާނެކަމަށް ފުލުހުން ބުނެފި އެވެ.
ބަންދުކުރާނީ ފުލުހުން ބުނި ގޮތުގައި ޖެޓީ ނަމްބަރު 1،2،3 ކެވެ. މާދަމާގެ 14:00 އިން ފެށިގެން ހުކުރު ދުވަހުގެ 15:00 މާލޭގެ މި ތިން ޖެޓީ އާންމު ދަތުރުފަތުރަށް ބަންދުވާނެ ކަމަށް ވެސް ފުލުހުން ބުންޏެވެ.
އެ ސަރަހައްދުގައި އަޅާފައިވާ އުޅަނދުތައް 14:00 ގެ ކުރިން ނެގުމަށްވެސް އަންގާފަ އެވެ.
Advertisement
މިނިވަން ދުވަސް ފާހަގަކުރުުމުގެ ގޮތުން މިރޭ ގަލޮޅު ދަނޑުގައި ހެވިކަމާއި ކުޅިވަރުގެ ހަރަކާތްތައް ބާއްވާނެ އެވެ. އެ ހަރަކާތްތައް ނިމެންދެން އެ ސަރަހައްދުގެ މަގުތައް މިރޭ 18:45 އިން ފެށިގެން އާންމު ދަތުރުފަތުރަށް ބަންދުވާނެކަމަށް ވެސް ފުލުހުން ވަނީ ބުނެފަ އެވެ.
