ސެޕްޓެމްބަރު މަހު ބާއްވާ ރިޔާސީ އިންތިހާބު ކާމިޔާބުވެއްޖެ ނަމަ ކުރިއަށް ވަޑައިގަންނަވާނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފަހަތްޕުޅުގައި ހުންނަވައިގެން ކަމަށް ދަ ޑިމޮކްރެޓްސްގެ ރިޔާސީ ޕްރައިމަރީއަށް ކުރިމަތިލެއްވި ހަމައެކަނި ކެންޑިޑޭޓް އިލްޔާސް ލަބީބް ރޭ ވިދާޅުވި އެވެ.
ސަޕޯޓަރުންނާއެކު ޕާޓީ ޖަގަހައިގައި ބޭއްވި ހަރަކާތެއްގައި އާންމުންގެ ސުވާލުތަކަށް ޖަވާބުދެއްވަމުން އިލްޔާސް ވިދާޅުވީ އޭނާގެ "ސިޔާސީ މުދައްރިސު" ނަޝީދުގެ "މައްޗަށް އެރޭނެ ގޮތެއް ނޯންނާނެ" ކަމަށެވެ.
"އަޅުގަނޑުގެ ސިޔާސީ ޓީޗަރަކީ، އަޅުގަނޑުގެ މުދައްރިސަކީ ރައީސް ނަޝީދު. އެބޭފުޅާގެ ފަހަތުގައި އަޅުގަނޑު ކުރިއަށްދަނީ އަދި ދެންވެސް ދާން އޮތީ އެ ބޭފުޅާގެ ފަހަތުގައި. އަޅުގަނޑަށް އެބޭފުޅާގެ މައްޗަށް އެރޭނެ ގޮތެއް ނޯންނާނެ،" ލަބީބް ވިދާޅުވި އެވެ.
"ރާއްޖޭގެ ސިޔާސީ މަޝްރަހު ބައްޓަން ކުރައްވާ މިހިސާބަށް ގެންދެވި ބޭފުޅަކީ ރައީސް ނަޝީދޭ. އެއީ އަޅުގަނޑުމެންގެ ސިޔާސީ މުފައްކިރު."
އިލްޔާސް ވިދާޅުވީ ރައީސް ސޯލިހު އާއި ނަޝީދާ މެދުގައި އޮތްފަދަ ގާތް ގުޅުމެއް ނެތް ކަމަށެވެ. އެހެން ނަމަވެސް ރައީސް ސޯލިހު އަމަލުކުރެއްވި ފަދައިން ނަޝީދަށް ނަހައްދަވާނެ ކަމަށް އިލްޔާސް ވިދާޅުވި އެވެ.
ޑިމޮކްރޭޓްސްގެ ހަރުގޭގައި ބޭއްވި ބައްދަލުވުމަކީ އެޕާޓީގެ ޕްރައިމެރީ ކެންޑިޑޭޓު ދަސްކޮށްލުމަށް ބޭއްވި ހަރަކާތެކެވެ. އެ ބައްދަލުވުމުގައި އާންމު މެމްބަރުންނަށް އިލްޔާސްއާ ސުވާލުކޮށް ހިޔާލު ބަދަލުކޮށްލުމުގެ ފުރުސަތު ދިނެވެ.
އަންނަ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް ކުރިމަތިލާން މިއަދު ހުޅުވާލިއިރު ރައީސް އިބްރާހިމް މުހައްމަދު ސޯލިހުގެ އިތުރުން ޖުމްހޫރީ ޕާޓީގެ ގާސިމް އިބްރާހިމާއި މޯލްޑިވްސް ނެޝަނަލް ޕާޓީގެ މުހައްމަދު ނާޒިމް ކުރިމަތިލައްވަ އެވެ.
ޕީޕީއެމުން ބުނަނީ އެ ޕާޓީގެ ކެންޑިޑޭޓަކީ ކޮރަޕްޝަންގެ މައްސަލައެއްގައި 11 އަހަރުގެ ޖަލު ހުކުމެއް ތަންފީޒު ކުރައްވަމުންދާ ކުރީގެ ރައީސް އަބްދުﷲ ޔާމީން ކަމަށެވެ. މިވަގުތު މާފުށީ ޖަލުގައި ހުންނެވި ޔާމީންގެ އިންތިހާބީ ހައްގުތައް ކަށަވަރު ކުރުމަށް އެމަނިކުފާނުގެ ވަކީލުން ވަނީ ސުޕްރީމް ކޯޓަށް މައްސަލައެއް ވައްދައިފަ އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
ހުޅުމާލޭ ފޭސް ދޭއްގައި ރައީސް އިބްރާހިމް މުހައްމަދު ސޯލިހުގެ ކެމްޕެއިން ޖަގަހައެއް އިއްޔެ ހުޅުވައިދެއްވުމަށް ފަހު ޑިފެންސް މިނިސްޓަރު މާރިޔާ އަހުމަދު ދީދީ، ކުރީގެ ރައީސް އަބްދުﷲ ޔާމީންގެ ވެރިކަމުގައި ރައްޔިތުންނަށް ހިތްހަމަޖެހިގެން ނުއުޅެވުނު ކަމަށާއި މާރާމާރީ އާއި ހަމަނުޖެހުން އެއިރު އޮތީ އާންމުވެފައި ކަމަށެވެ.
އަޅުގަނޑު ގޭގައި ހުރެފައި މަޖިލީހަށް ދިޔަ ދިިޔުމާ ދޭތެރޭގައި، މަޖިލީހާ ދިމާލަށް އޮންނަ މަގަށް އަޅާލާއިރު ލޭ މަތިން ހުރަސްކޮށްފައި ކިތަންމެ ދުވަހަކު ދާންޖެހޭ. ރައްޔިތުން އެކަކު އަނެކަކާ ރުޅިގަދަވެ، ކަތިލާފައި ތިއްބާ. ކަޓަރު އަޅާ، މާރާމާރީ ހިންގާ، މިކަންކަން އޮތީ އާންމުވެފަ،"
ދުވަހުގެ ފޮޓޯ
އިދިކޮޅު ޕީޕީއެމް/ޕީއެންސީ އިން އިއްޔެ ބޭއްވި މުޒާހަރާގެ ތެރެއިން ހައްޔަރު ކުރި މީހުން ފުލުހުންގެ ވެހިކަލްގައި ތިބެ އަޑުގަދަކުރާއިރު، އެސްއޯ ދެ ފުލުހަކު ވާހަކަ ދައްކަމުން ދަނީ. -- ފޮޓޯ: މުހައްމަދު ޝާބިން/އަދަދު
