އެހެން މައްސަލައެއްގައި ހައްޔަރުކުރުމަށް ފަހު ދޫކޮށްލި މީހަކު، ދޫކޮށްލިތާ އެއް ދުވަސް ފަހުން، މީހަކަށް މަރުގެ އިންޒާރު ދީގެން އަލުން ހައްޔަރުކޮށްފި އެވެ.
ފުލުހުން މީޑިއާތަކަށް މިއަދު ފޮނުވި މެސެޖެއްގައި ބުނީ ސ. ހުޅުމީދޫގައި ރަށު ތެރޭގެ އަމަން ނަަގާލަން އުޅުނު ކަމުގެ ތުހުމަތުގައި މި މަހުގެ 27 ވަނަ ދުވަހު މީހަކު ހައްޔަރުކުރި ކަމަށާއި އެއީ އުމުުރުން 44 އަހަރުގެ ދިވެހި ފިރިހެނެއް ކަމަށެވެ. އެމީހާ ފުުލުހުންގެ ބެލުމުގެ ދަށުގައި ބެހެއްޓުމަށް ފަހު 24 ގަޑިއިރު ފަހުން އޭނާ ދޫކޮށްލާފައިވާ ކަމަށް ވެސް ބުންޏެވެ.
އޭގެ ފަހުން އިއްޔެ އަލުން އޭނާ ހައްޔަރުކޮށްފައިވަނީ މީހަކަށް މަރުގެ އިންޒާރު ދިން ކަމުގެ ތުހުމަތުގައި ކޯޓު އަމުރެއްގެ ދަށުންނެވެ.
ފުލުހުން އަންނަނީ މި ދެ މައްސަލަ ވެސް ތަހުގީގު ކުރަމުންނެވެ.
