މާލޭ ގެއެއްގައި ރަހީނުކޮށް އެކި ވަރުގެ އަނިޔާތަކެއް ދީފައިވާ ތިން ދިވެހިން ފުލުހުން އިއްޔެ ސަލާމަތް ކުރި އެވެ.
ފުލުހުން ބުނީ ރަހީނުކޮށްފައި ތިބި ތިން ދިވެހިން ސަލާމަތް ކުރީ އަބަދަށް އުފާ މަގުގައި ހުރި ގެއެއްގެ ދޮރު ވައްޓާލައި އެ ގެއަށް ގަދަކަމުން ވަދެގެން ކަމަށެވެ. ސަލާމަތް ކުރި ތިން ދިވެހިންނަށް އައިޖީއެމްއެޗުން ފަރުވާ ދިނުމަށް ފަހު ވަނީ ދޫކޮށްލައިފަ އެވެ.
"ފުލުހުންނަށް ލިބުނު މައުލޫމާތަކާ ގުޅިގެން ފުލުހުން އެޓެންޑުވެ، ބާރުގެ ބޭނުންކޮށްގެން އެތަނުގެ އެތެރެއަށް ވަދެފައިވޭ. އަދި ރަހީނުކޮށްފައި ތިބި ތިން ދިވެހިން ވަނީ ސަލާމަތްކޮށްފަ. އެމީހުންނަށް އެކިވަރުގެ އަނިޔާކޮށްފައިވޭ،" ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވެ އެވެ.
ރަހީނުކޮށްފައި ތިބި މީހުންގެ ނަމެއް، އަދި ލިބިފައި ހުރި އަނިޔާތަކެއް ފުލުހުން ހާމައެއް ނުކުރެ އެވެ.
އެ މައްސަލައިގައި ދެ މީހަކު ހައްޔަރުކޮށްފައިވާ ކަމަށް ފުލުހުން ބުނެ އެވެ. ހައްޔަރު ކުރި މީހުންގެ ތެރޭގައި ކުޑަކުއްޖަކު ހިމެނޭ ކަމަށް ވެސް އެ އިދާރާއިން ބުނެ އެވެ. ނަމަވެސް އެ މީހުންގެ ވަނަވަރެއް އަދި ހާމައެއް ނުކުރެ އެވެ،
މުހިންމު ބައެއް ހަބަރު
ދުވަހުގެ ފޮޓޯ
ރާއްޖޭގައި ކުރިއަށް ދާ ފައިނޭޝަން ބާސްކެޓް ޗެމްޕިއަންޝިޕްގައި ބޫޓާން އާއި ޕާކިސްތާން ބައްދަލު ކުރި މެޗްގެ ތެރެއިން.. -- ފޮޓޯ: މުހައްމަދު ޝާބިން/އަދަދު
