ހުޅުމާލޭގައި އަންހެނަކާއި އޭނާގެ ދެ އަހަރުގެ ތުއްތު ދަރިފުޅު ގެއްލިގެން، އަންހެން މީހާ ހޯދަން ފުލުހުން މިއަދު އިއުލާނުކޮށްފި އެވެ.
ހއ. އިހަވަންދޫ، ނަސްރީނުގެ، އާއިޝަތު އިހުސާނާގެ ހަބަރެއް ނުވެގެން އޭނާ ގެއްލިފައިވާ ކަމަށް އާއިލާއިން ފުލުހުންނަށް ރިޕޯޓު ކުރީ އިއްޔެ އެވެ.
އުމުރުން 31 އަހަރުގެ އިހުސާނާގެ ހޯދުމުގެ މަސައްކަތް ކުރަމުންދާ ކަމަށް ފުލުހުން މިއަދު ވަނީ ބުނެފަ އެވެ. އަދި އޭނާގެ ފޮޓޯ އާންމުކޮށް، އޭނާއާ ބެހޭ މައުލޫމާތެއް އެނގޭ ނަމަ ހިއްސާ ކުރަން ފުލުހުން އެދެ އެވެ.
އާއިލާއާ ހަވާލާދީ ފުލުހުން ބުނި ގޮތުގައި އިހުސާނާ ގެއްލިފައިވަނީ އޭނާގެ ދެ އަހަރުގެ އަންހެން ދަރިފުޅާއެކު އެވެ.
އާއިލާއިން ފުލުހުންނަށް އިތުރަށް މައުލޫމާތު ދިން ގޮތުގައި އޭނާ އެންމެ ފަހުން ފެނުނީ އިއްޔެ ހެނދުނު އޭނާ ދިރިއުޅޭ ހުޅުމާލެ، ހިޔާ ފްލެޓު 06-4-15 އިންނެވެ.
އިހުސާނާގެ އެއްވެސް މައުލޫމާތެއް ލިބިފައިވާނަމަ ފުލުހުންނާ ހިއްސާ ކުރަން ގުޅޭނެ ނަމްބަރުތަކަކީ:
- ފުލުހުންގެ ހޮޓްލައިން ނަމްބަރު 3322111
- ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351
