ކުވެއިތު ފަންޑުން ހަރަދު ކުރާ ގޮތަށް ދިވެހިރާއްޖޭގެ ހަތް ރަށެއްގައި ހޮސްޕިޓަލް އަޅަން މިނިސްޓްރީ އޮފް ހެލްތުން މިއަދު ދެ ކުންފުންޏަކާ 686 މިލިއަން ރުފިޔާއަށް ހަވާލުކޮށްފި އެވެ.
ހޮސްޕިޓަލް އަޅަން ނިންމީ ހދ. ހަނިމާދޫ އާއި ށ. މިލަންދޫ އާއި ނ. ވެލިދޫ އާއި ކ. ތުލުސްދޫ އާއި އދ. މާމިނގިއްޔާއި ވ. ފެލިދޫ އާއި ތ. ވިލުފުށީގަ އެވެ. އެއިން ކޮންމެ ރަށެއްގައި ވެސް އަޅަނީ 30 އެނދުގެ ހޮސްޕިޓަލެވެ.
"މިއީ ސިއްހީ ދާއިރާގެ ތަރައްގީތަކުގެ ސިލްސިލާއަށް އިތުރުވި ބޮޅެއް މިއަދު އަނެއްކާ ވެސް. އެނގިވަޑައިގަންނަވާނެ ފަދައިން ރައީސު އިބްރާހިމް މުހައްމަދު ސޯލިހުގެ ވިސްނުންފުޅުގެ ދަށުން ވަކި ގޮތަކަށް ސިއްްހީ ދާއިރާ އެއް އަމާޒަކަށް ދަތުރު ކުރަމުންދާ ދިޔުމުގައި ތަރުތީބު ކުރެވިގެން ތަރައްގީގެ މަޝްރޫއުތައް ކުރިއަށް ގެންދަނީ،" މަޝްރޫއުތަކުގެ އެގްރިމެންޓުގައި ސޮއި ކުރުމުގެ ހަފުލާފައި ވާހަކަ ދައްކަވަމުން ހެލްތު މިނިސްޓަރު ނަސީމް ވިދާޅުވި އެވެ. "ހަމަ ކަމެއް ކުރީނީކީއެއް ނޫން."
މަސައްކަތް ހަވާލު ކުރީ ޑިއުޕްލެކްސް ޕްރައިވެޓް ލިމިޓެޑް ކިޔާ ދިވެހި ކުންފުންޏަކާއި އާނަންދު ބިލްޑް ޓެކް ކިޔާ އިންޑިއާގެ ކުންފުންޏަކަށެވެ.
ހޮސްޕިޓަލް އަޅަން ނިންމި ރަށްތަކުގެ ހަނިމާދޫ އާއި މާމިނގިއްޔާއި ފެލިދޫ އާއި ވެލިދޫގެ ހޮސްޕިޓަލް އަޅަން ހަވާލު ކުރީ ދިވެހި ކުންފުންޏާ އެވެ. އިންޑިއާ ކުންފުންޏާ ހަވާލު ކުރީ މިލަންދޫ، ވެލިދޫ އަދި ތުލުސްދޫގައި ހޮސްޕިޓަލު އެޅުމަށެވެ.
