މުދާ ބަރުކޮށްގެން މާލެއިން ބުރާސްފަތި ދުވަހު ފުރި ދޯންޏެއް ގެއްލިގެން ހޯދަނިކޮށް އޭގެން ދަތުރު ކުރި ދެ މީހުން ކަނޑު ވެފައި ތިއްބައި ސަލާމަތްކުރި ކަމަށް އިއްޔެ ރިޕޯޓުކުރި އެވެ.
އެމްއެންޑީއެފްގެ އޮފިޝަލަކު ބުނީ ސަލާމަތް ކުރި ދެ މީހުންގެ ވެސް ހާލު ރަނގަޅު ކަމަށެވެ.
ސިފައިން ބުނީ ގެއްލުނީ ހިލަވެލި ބަރުކޮށްގެން މާލެއިން ފުރައިގެން ކ. ގާފަރުގައި މަޑުކުރުމަށްފަހު، އެރަށުން ފުރައިގެން ބ. ދަރަވަންދޫއަށް ދަތުރުކުރި "ޖަންބޯ" ދޯނި ކަމަށެވެ. އޭގައި ތިބީ މިއަދު ފެނުނު ދެ ފަޅުވެރިން އެކަންޏެވެ.
އެ ދޯނީގެ ކައްޕި އަކީ ރ. މާކުރަތު މީހެކެވެ. ދެން ހުރީ ބިދޭސީއެކެވެ.
"ޖަންބޯ" އަކީ ދިގުމިނުގައި 65 ފޫޓު ހުންނަ ދޯންޏެވެ.
މުހިންމު ބައެއް ހަބަރު
އެޑިޓަރުގެ ހޮވުން
މަދީނާގެ ބާޒާރުމަތީގައި އޭނދަ ފެންނަނީ ސަލާންޖަހަން އިން ޔަހޫދީއެކެވެ. މަދީނާގައި އޭރު ބާރުހުރީ ވެސް، ގިނައީ ވެސް މުސްލިމުންނެވެ. އޭނާ އެތަނުގައި ސަލާންޖަހަން އިންނާނީ އެތަނުގައި އުޅޭ މުސްލިމުންގެ އަތުން އެއްޗެއް ލިބިދާނެ ކަމުގެ އުންމީދެއް އޮވެގެންކަމާމެދަކު ޝައްކެތް ނެތެވެ. އެ އުންމީދު އޮންނާނީ އެބައި މީހުންގެ މެދުގައި ގާއިމުވެފައި އޮތް އަމާންކަމުގެ ނަތީޖާއިންނޫންތޯ އެވެ. ފާހަގަ ކޮށްލަންޖެހޭ އަނެއް ކަމަކީ، އުމަރުގެފާނު ރައްޔިތުންގެ ހާލުއަހުވާލު ބައްލަވަން ބާޒާރު މައްޗަށް ނުކުންނަވާ ނުކުންނެވުމެވެ. ރައްޔިތުންގެ ހާލު ކައިރިން ބައްލަވާ ގޮތުގެ ފުރިހަމަކަމެވެ. އަދި އެކަމުގައި ވެސް ވަކި ނަސްލެއް ވަކި ދީނެއްގެ މީހެއް ތަފާތުކުރުމެއްނެތި އިންސާނިއްޔަތުކަމުގެ ނަޒަރުން ބައްލަވައި ރައްޔިތުންގެ ހާލަތު އޮޅުންފިލުއްވަމުން ގެންދެވި ގޮތެވެ.
ދުވަހުގެ ފޮޓޯ
ބަންގްލަދޭޝްގައި މި މަހު 13-17 އަށް ކުރިއަށްދާ އައިއެޗްއެފް ޓްރޮފީ މުބާރާތުގައި ވާދަކުރުމަށް ރާއްޖޭގެ 17 އަހަރާއި 19 އަހަރުން ދަށުގެ ގައުމީ ހޭންޑްބޯޅަ ޓީމު އިއްޔެ ހެނދުނު ޑާކާ އަށް ފުރުމުގެ ކުރިން ވެލާނާ އިންޓަނޭޝަނަލް އެއާޕޯޓުގައި ފޮޓޯއަކަށް ހުއްޓިގެން. -- ފޮޓޯ: އަބްދުﷲ އިޔާން/އަދަދު
