ޗާގޯސް އަކީ މޮރިޝަަސްގެ ބައެއް ކަމަށް ބަލައިގެން އެގައުމާއި ރާއްޖެއާ ދެމެދު ހާއްސަ އިގުތިސާދީ ސަރަހައްދު ކަނޑައެޅި އިރު، ސަރުކާރުން އަމަލުކުރި ގޮތާ މެދު އިދިކޮޅު ޕީޕީއެމް/ޕީއެންސީން އިއްޔެ ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދާ މަޝްވަރާކޮށްފި އެވެ.
މަޖިލީހުގައި ބޭއްވި އެ ބައްދަލުވުމުގައި ބައިވެރިވެވަޑައިގެންނެވީ ޕީއެންސީގެ ރައީސް އަބްދުއްރަހީމް އަބްދުﷲ އާއި ޕީޕީއެމްގެ ނައިބުރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމާއި މަހިނބަދޫ ދާއިރާގެ މެމްބަރު އަހުމަދު ތޯރިގެވެ. އަދި ނަޝީދު، އެމްޑީޕީގެ އެތެރޭގައި ހައްދަވައިގެން އުޅުއްވާ ފިކުރެއްގެ ދިރުން ފެކްޝަނުގައި އިސްކޮށް އުޅުއްވާ، އެސްޓީއޯގެ ކުރީގެ އެމްޑީ ހުސައިން އަމްރު ވެސް އެ ބައްދަލުވުމުގައި ބައިވެރިވަޑައިގެންނެވި އެވެ.
އެ ބައްދަލުވުމުގެ މައުލޫމާތު ދެއްވަމުން ޝިޔާމް "އަދަދު"އަށް ވިދާޅުވީ ޗާގޯސް މައްސަލާގައި ހުރި ކަންބޮޑުވުންތަކާ ބެހޭ ގޮތުން ޕީޕީއެމް/ޕީއެންސީން ސިޔާސީ ޕާޓީތަކާއި ޖަމިއްޔާ ޖަމާއަތްތަކާއި ވަކިވަކި ފަރުދުންނާ ވެސް މަޝްވަރާކުރަމުން އަންނަ ކަމަށާއި ރައްޔިތުންގެ މަޖިލީހުގެ ރައީސް ނަޝީދާ ވެސް މިއަދު ބައްދަލުކުރީ އެގޮތުން ކަމަށެވެ.
"އެހެންވީމާ އެގޮތުން އަޅުގަނޑުމެންގެ މިކަމުގައި އޮތް ކަންބޮޑުވުމާއި، ގާނޫނާ ހިލާފަށް ސަރުކާރުން ކޮށްފައި ހުރި ކަންތައްތަކާ ވާހަކަ ދައްކަން ވެގެން [ނަޝީދު އަރިހަށް] މިދިޔައީ. ރައީސް ނަޝީދުގެ ފަރާތްޕުޅުން ވެސް ގަބޫލުކުރައްވާ މިކަމުގައި ސަރުކާރުން ގޯސްތަކެއް ހަދާފައި އޮތް ކަމަށް،" ޝިޔާމް ވިދާޅުވި އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
"ފަރުމާ އިންޓަރނޭޝަނަލް ޔޫތު އާޓް ފެސްޓިވަލް 2023" ގެ ނަމުގައި ރޭ ފެށި އާޓް ފެސްޓިވަލް ހުޅުވުމުގެ ރަސްމިއްޔާތުގައި، މިއަދު ފަހުރުވެރިވާ ދިވެހިންގެ ސަގާފަތާއި، ދިވެހިންގެ ތާރީހަކީ، ކާބަފައިންގެ ހުނަރުވެރިކަމާއި ފަންނުވެރިކަމުން އުފެދުނު ގައުމީ ތަރިކައެއްކަން ފާހަގަ ކުރައްވައި ރައީސް އިބްރާހިމް މުހައްމަދު ސޯލިހު ވިދާޅުވީ؛
އަޅުގަނޑުމެން މިއަދު މި ކިޔާ ފަންނުވެރިކަމަކީ، އިންސާނީ ވަސީލަތް ތަރައްގީކުރުން. ގައުމީ ތަރައްޤީގެ ތަފާތު ދާއިރާތަކަށް ބޭނުންވާ މީހުން ބިނާކުރުން. ގައުމު، ޤައުމަކަށް ވަނީ، ޒަމާނީ ވިސްނުންތަކާއެކު އެތަނެއް ތަރައްގީކޮށް ކުރިއަރުވާނެ ހުނަރުވެރި ފަންނުވެރިން ކުރާ ބުރަ މަސައްކަތުން،"
ދުވަހުގެ ފޮޓޯ
ދިވެހި ޕްރިމިއާ ލީގުގައި ކްލަބް ވެލެންސިއާ އާއި ޓީސީ ސްޕޯޓްސް އިއްޔެ ބައްދަލުކުރި މެޗުގެ ތެރެއިން. އެ މެޗުން ޓީސީ މޮޅުވީ 2-0 އިން. -- ފޮޓޯ: މުހައްމަދު ޝާބިން/އަދަދު
