ދީނީ އިލުމްވެރިޔާ ޑރ. އަފްރާޝީމް އަލީގެ ގާތިލް، ހުސައިން ހުމާމް އަހްމަދުގެ މައްޗަށް އިއްވާފައިވާ މަރުގެ ހުކުމް ރިވިއުކޮށް ދިނުމަށް އެދި ސުޕްރީމް ކޯޓަށް ހުށަހަޅައިފި އެވެ.
ހުމާމްގެ މައްސަލަ ރިވިއުކޮށްދޭން އޭނާގެ ފަރާތުން އެދިފައި ވަނީ މިދިޔަ މަހުގެ ފަަހުކޮޅު އެވެ. ނަމަވެސް އެ މައްސަލަ ބަލައިގަތުމާ މެދު އަދި ގޮތެއް ނިންމާފައި ނުވާ ކަމަށް ސުޕްރީމް ކޯޓުން ބުނެ އެވެ.
އޮކްޓޯބަރު 2012 ގައި ތޫނު އެއްޗަކުން ހަމަލާދީ ޑރ. އަފްރާޝީމް އަވަހާރަކޮށްލި މައްސަލައިގައި ހުމާމްގެ މައްޗަށް މަރުގެ ހުކުމް އިއްވީ 2016 ގަ އެވެ. އެ ހުކުމް ހައިކޯޓުން އަދި ސުޕްރީމް ކޯޓުން ވެސް ދެމެހެއްޓި އެވެ.
ޑރ. އަފްރާޝީމްގެ މަރާ ގުޅިގެން އިތުރު މީހެއްގެ މައްޗަށް ވެސް ތުހުމަތު ކުރި އެވެ. އެހެން ނަމަވެސް އެކުށް އޭނާގެ މައްޗަށް ސާބިތުނުވުމުން ދޫކޮށްލި އެވެ.
ހުމާމްގެ މައްޗަށް ކޮށްފައިވާ ހުކުމް ތަންފީޒުކުރާނެ ކަމަށް ކުރީގެ ސަރުކާރުން ބުނި ނަމަވެސް އެ ހުކުމް ތަންފީޒުކޮށްފައެއް ނުވެ އެވެ. ހުމާމްއަށް ހުކުމްކުރާތާ 30 ދުވަހުގެ ތެރޭގައި ދަން ޖައްސައިގެން ހުކުމް ތަންފީޒުކުރާނެ ކަމަށް އޭރުގެ ސަރުކާރުން ބުންޏެވެ.
މަރުގެ ހުކުމް އިއްވާފައި އެހެން ނަމަވެސް ހުކުމް ތަންފީޒު ނުވެ ތިން މީހަކު އެބަތިއްބެވެ. އެއީ ހުމާމް އާއި، ގާނޫނީ ވަކީލު އަހުމަދު ނަޖީބު މަރާލި އަހުމަދު މުއްރަތާއި 2009 ގައި މަރާލި އަބްދުﷲ ފަރުހާދުގެ ގާތިލު މުހައްމަދު ނަބީލެވެ.
މުހިންމު ބައެއް ހަބަރު
އެޑިޓަރުގެ ހޮވުން
މުޖުތަމައުގައި ދިރިއުޅެމުންދާއިރު، ބޭއިންސާފުން ކަމެއް މެދުވެރިވުމުން އިންސާފު ހޯދުމަށް ދާން އޮތް ތަނަކީ ކޯޓުތަކެވެ. ނުހައްގުން ވަޒީފާ ގެއްލުމުން އޭގެ ބަދަލު ހޯދަން ވެސް މި ދާން ޖެހެނީ އެ ތަނަށެވެ. ވިޔަފާރީގެ މުއާމަލާތެއްގެ ތެރެއިން އެކަކު މަކަރު ހެދުމުން، އޭގެ ބަދަލު ހޯދެނީ ވެސް ކޯޓު މެދުވެރިކޮށެވެ. އާއިލާ ތެރޭގެ މައްސަލަތަކާއި ވާރުތަ މުދަލުގެ ކަންކަން ވެސް ކަނޑައެޅެން އަންނަނީ ކޯޓުންނެވެ. އަނިޔާއެއް ލިބުނަސް، ޓަކި ޖަހަން ދާން ޖެހެނީ ހަމަ ފަނޑިޔާރުގޭގެ ދޮރޯށީގަ އެވެ.
ދުވަހުގެ ފޮޓޯ
އޮފީސްތަކުގެ ވޮލީ މުބާރާތުގައި ރޭ އެމްއޭސީއެލް އާއި ޕޮލިސް ބައްދަލުކުރި މެޗުގެ ތެރެއިން -- އަބްދުﷲ އިޔާން/އަދަދު
