މިއަހަރުގެ މިހާތަނަށް ރާއްޖެއައި ފަތުރުވެރިންގެ އަަދަދު ހަލައްކައަށްވުރެ އިތުރުވެއްޖެ އެވެ.
ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތަކުން ދައްކާ ގޮތުން މިމަހުގެ 19 ވަނަ ދުވަހުގެ ނިޔަލަށް 626،392 ފަތުރުވެރިން ވަނީ ރާއްޖެއަށް ޒިޔާރަތްކޮށްފަ އެވެ. މިއަހަރުު އެންމެ ގިނައިން ފަތުރުވެރިން އަތުވެފައި ވަނީ ފަތުރުވެރިކަމުގެ ހައި ސީޒަނުގައި ހިމެނޭ ފެބްރުއަރީ މަހު އެވެ. ފެބްރުއަރީ މަހު އެކަނި 177،915 ފަތުރުުވެރިން ރާއްޖެއަށް ޒިޔާރަތްކުރި އެވެ.
މިއީ ފާއިތުވި ތިން އަހަރުތެރޭ މި މުއްދަތާ ހަަމައަށް އެންމެ ގިނައިން ފަތުރުވެރިން އައި އަހަރެވެ. މިދިޔަ އަހަރުގެ މިހާތަނަށް ރާއްޖެއަށް ޒިޔާރަތްކޮށްފައި ވަނީ 527،366 ފަތުރުވެރިންނެވެ. 2021 ވަނަ އަހަރު ޒިޔާރަތްކުރީ 360،737 ފަތުރުވެރިންނެވެ.
ރާއްޖޭގެ ފަތުރުވެރިކަމުގެ މާކެޓުގެ އެންމެ ކުރީގައި އަދިވެސް އޮތީ ރަޝިއާ އެވެ. އެއަށް ފަހު އިިންޑިއާ، އިނގިރޭސިވިލާތް، އިޓަލީ، ޖަރުުމަނުވިލާތް، އެމެރިކާ، ފްރާންސް، ޗައިނާ، ސްވިޒަލޭންޑް އަދި ދެކުނު ކޮރެއާ އެވެ.
ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުން އަންނަ އިރުު ރާއްޖޭގައި ހިދުމަތްދޭ ޓުއަރިސްޓު ބެޑުގެ އަދަދަކީ 60،514 އެވެ. އެގޮތުން 174 ރިސޯޓަކާއި، 13 ހޮޓަލެއް އަދި 895 ގެސްޓުހައުސްއެއްގެ އިތުރުން 153 ސަފާރީއެއް ފަތުރުވެރިކަމުގެ ވިޔަފާރި ރަޖިސްޓްރީކޮށްގެން އެބަ ކުރިއަށް ގެންދެ އެވެ.
