ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު އެމްޑީޕީގެ ތެރެއިން އުފައްދާފައިވާ "ފިކުރެއްގެ ދިރުން" ފެކްޝަނަށް ތާއީދުކޮށްގެން ތިއްބެވި މަޖިލީހުގެ ހަތަރު މެމްބަރަކު ތަމްސީލު ކުރާ ކޮމިޓީތަކުން އެހެން ކޮމިޓީތަކަށް ބަދަލުކޮށް، އެ މެމްބަރުންނާމެދު ފިޔަވަޅުއަޅައި ދިނުމަށް ޕާޓީގެ ސެކްރެޓޭރިއަޓުގައި އެދެން އެ ޕާޓީގެ ޕާލިމަންޓަރީ ގުރޫޕުން އިއްޔެ ފާސްކުރި އެވެ.

އެމްޑީޕީގެ ޕްރައިމަރީން ލިބިވަޑައިގެންނެވި ނާކާމިޔާބީއާއެކު، ނަޝީދު ވަނީ ޕާޓީގެ ތެރެއިން ވަކި ފެކްޝަނެއް އުފައްދަވައިފަ އެވެ. އެ ފެކްޝަނުގައި ތިއްބެވި މަޖިލީހުގެ މެމްބަރުން ގެންދަވަނީ ސަރުކާރާ ދެކޮޅަށް ކޮންމެ ޖަލްސާއަކަށްހެން ގަރާރުތަކާއި ކުއްލި މައްސަލަތައް ހުށަހަޅައި، ސަރުކާރަށް ވަރަށް ބޮޑަށް ފާޑުކިޔަމުންނެވެ.

އެކަމާގުޅިގެން ސަރުކާރަށް ތާއީދުކުރާ އެމްޑީޕީ މެމްބަރުން ގެންދަނީ އެކަން ހުއްޓުވައި، ފިޔަވަޅު އަޅައި ދިނުމަށް ގޮވާލަމުންނެވެ.

އެމްޑީޕީގެ ޕީޖީ ގުރޫޕުން މިއަދު ބޭއްވި ބައްދަލުވުމެއްގައި ނަޝީދު ފެކްޝަނުގައި ހިމެނޭ ހަތަރު މެމްބަރަކު ތިބި ކޮމިޓީތަކުން އެހެން ކޮމިޓީތަކަށް ބަދަލުކުރަން ނިންމާފައިވާކަން އެ ގުރޫޕުގެ މެމްބަރަކު "އަދަދު"އަށް ވިދާޅުވި އެވެ.

މުހިންމު ބައެއް ހަބަރު

އެޑިޓަރުގެ ހޮވުން

މިއަހަރުގެ ކުރީކޮޅު ވަރަށް ގިނައިން އަޑުއިވުނު ވާހަކައެކެވެ. ދައުލަތުގެ ބަޖެޓު 2008 އިން ފެށިގެން 2023 އާއި ހަމައަށް އައިއިރު ހަތަރުގުނަވި ވާހަކައެވެ. އެކަމަކު އާންމު ރައްޔިތުމީހާގެ އާމްދަނީ ހަތަރުގުނަ ނުވާ ވާހަކައެވެ. އާންމު ބަހުރުވައިން 'ބަޖެޓް' ކިޔަނީ ކަމަކަށް ޖުމްލަ ހަރަދުކުރުމަށް ގަސްދުކުރާ އަދަދަށެވެ. ދައުލަތުގެ ބަޖެޓަކީ ސަރުކާރުން އެފެށޭ ފިސްކަލް އަހަރަކަށް، ދައުލަތް ހިންގުމަށާއި ގައުމުގެ އުމްރާނީ އަދި އިޖްތިމާއީ ތަރައްގީގެ މަޝްރޫއުތަކަށް ހަރަދުކުރަން ކަނޑައަޅާފައިވާ އަދަދަކަށް ކިޔާ ނަމެކެވެ. މި މަޝްރޫއުތައް ގުޅެނީ އެ ސަރުކާރެއްގެ މެނިފެސްޓޯއާއިއެވެ. ރައްޔިތުންގެ މަޖިލީހަށް މިއަދަދު ގެންނައިރު މިއާއި އެކީގައި މިއަދަދަށް ހަރަދުކުރުމަށް ފައިސާހޯދަން ރާވާފައިވާ ގޮތާއި، މިއަދަދަށް އެކިއެކި މަޝްރޫއުތަކަށް ހަރަދުކުރުމުން ގައުމަށް އަންނާނެ އިގްތިސާދީ އަދި އިޖުތިމާއީ ތަރައްގީގެ ވާހަކަ ތަފްސީލުކޮށްދެއެވެ. މިތަފްސީލުތައް ހިމެނެނީ ބަޖެޓު ފޮތުގައެވެ.

ދުވަހުގެ ކޯޓޭޝަން

ރައްޔިތުންގެ މަޖިލީހުގެ އިއްޔެގެ ޖަލްސާގައި ބަހުސްކުރީ ރިސޯޓްތަކުގެ މަތީ މަގާމުތައް ދިވެހިންނަށް ހާއްސަކުރަން ގޮވާލައި ކާށިދޫ ދާއިރާގެ މެމްބަރު އަބްދުﷲ ޖާބިރު ހުށަހަޅުއްވާފައިވާ ގަރާރަކަށެވެ. އެހެން ނަމަވެސް އެ މައުލޫއު ގެންގޮސް ދައުލަތުން ކުރާ ހަރަދު ކުޑަކުރުމާ ގުޅުވައިލައްވައި އޭނާ ދައްކަވަން ފެއްޓެވީ ދައުލަތުން ނަޝީދަށް ކުރާ ހަރަދުގެ ވާހަކަ އެވެ. އެ ބަހުސްގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދައުލަތުން ކުރާ ހަރަދުގެ ވާހަކަ ފާހަގަ ކުރައްވައި ހެންވޭރު ހުޅަނގު ދާއިރާގެ މެމްބަރު ހުސައިން ޝަހީމް (އަނދުން ހުސައިން) ވިދާޅުވީ،

ދިވެހި ކޮންމެ ރައްޔިތަކަށް 80 ރުފިޔާ [ގެ މަގުން] ދިވެހި ދައުލަތުން ވަކި ބޭފުޅަކަށް ކުރާ ހަރަދުގެ ގޮތުގައި ހިމެނިގެން ދިއުމަކީ މިއީ ހިތާމަހުރިކަމެއް. މިއީ އަޅުގަނޑުމެންނަށް އޮބި އޮންނަވަރު ކަމަކަށް ނުވާނެ،"

ދުވަހުގެ ފޮޓޯ

ޕްރެޒިޑެންސް ކަޕްގައި ރޭ ސަސް އާއި އީގަލް ބައްދަލުކުރި މެޗުގައި ސަސްގެ އަޝްފާގު (ދަގަނޑޭ) އަށް ގެއްލުން ވެގެން އަށިގަނޑުގައި ބާލަނީ. -- ފޮޓޯ: މުހައްމަދު ޝާބިން