އިއްޔެ ރޯދަ ވީއްލަން ތައްޔާރުވަމުން ދަނިކޮށް، ހިޔާގެ ގިނަ ޓަވަރުތަކަކުން ކަރަންޓު ކެނޑި، ކަނުއަނދިރީގައި ގިނަ ވަގުތުތަކެއް ހޭދަކުރަން ޖެހުނެވެ.
ހިޔާގެ އެއް ނަންބަރު ޓަވަރުން ފެށިގެން އަށް ނަންބަރު ޓަވަރާ ހަމައަށް ކަރަންޓު ކެނޑުނީ ހަވީރު 5:20 ހާއިރު އެވެ. އަލުން ކަރަންޓު ދެވުނީ ހަތަރު ގަޑީއިރު ފަހުން، ރޭގަނޑު 9:30 ހާއިރު އެވެ.
ސްޓެލްކޯއިން ބުނި ގޮތުގައި އެ ޓަވަރުތަކުން ކަރަންޓު ކެނޑުނީ ސަބްސްޓޭޝަންގެ ސްވިޗް ގިޔަރުގެ ބަސްބާ ޝޯޓުވުމާ ގުޅިގެންނެވެ.
ފުރަތަމަ މަސައްކަތް ކުރީ އެ ސްވިޗް ބޯޑު ބަދަލުކުރުމަށެވެ. ނަމަވެސް ގިނަ ވަގުތުތަކެއް ހޭދަވާތީވެ، ބެހެއްޓި ވަގުތީ ޔުނިޓަށް ކޭބަލްތައް ގުޅުމަށް ފަހު ކަރަންޓު ދިނެވެ.
"ވަގުތީ އާރުއެމް ޔުނިޓެއް ބަހައްޓައި އަޅުގަނޑުމެންގެ މުވައްޒަފުން ކެނޑިނޭޅި ކުރި ބުރަ މަސައްކަތުން ހިޔާގެ ކަރަންޓުގެ ހިދުމަތް މެދުކެނޑުނު ހުރިހާ ޓަވަރަކަށް މިހާރު ވަނީ އަލުން ކަރަންޓު ދެވިފައި. ދިމާވި ދަތިތަކަށް މާފަށް އެދެން،" ސްޓެލްކޯއިން ބުންޏެވެ.
މުހިންމު ބައެއް ހަބަރު
ފަންނީ ވަޒީފާތަކުގައި އުޅޭ މީހުންނަށާއި މެދުފަންތީގެ އާއިލާތަކަށް އަމާޒުކޮށްގެން ހުޅުމާލޭ ދެވަނަ ފިޔަވަހީގައި ތަރައްގީކޮށްފައިވާ ވިނަރެސް ފުލެޓުތައް ގަތުމަށް ޝަރުތު ހަމަވާ މީހުންގެ ތެރެއިން ޕޮއިންޓު ހަމަހަމަވި މީހުންގެ މެދުގައި ބާއްވާ ގުރުއަތުލުން އަންނަ ބުދަ ދުވަހު ބޭއްވުމަށް ހަމަޖެހިފައިވާ ކަމަށް ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީއިން) ބުނެފި އެވެ.
މިދިޔަ އަހަރު ނިމުނު އިރު އޭގެ ކުރީ އަހަރަށް ވުރެ އަންހެން ފަނޑިޔާރުންގެ ނިސްބަތް 2.7 ޕަސެންޓް އިތުރުވެފައިވާ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) ގެ އަހަރީ ރިޕޯޓުން ދައްކައިފި އެވެ.
އަމީނީ މަގު ހެދުމުގެ މަޝްރޫއު ކުރިއަށް ގެންދިއުމަށް އެ މަގުގައި ހުރި ގަސްތައް ކެނޑުން ހުއްޓުވަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ސިވިލް ކޯޓަށް ހުށަހެޅުއްވި މައްސަލަ އެމަނިކުފާނު އަނބުރާ ގެންދަވައިފި އެވެ.
ފެނުގެ ނުކުޅެދުންތެރިކަން ހުންނަ މީހުންނަށް އެހެން މީހެއްގެ އެހީތެރިކަމަކާ ނުލައި ވޯޓު ލެވޭނެ ގޮތް ހެދުމަށް ޓަކައި ގާނޫނަށް އިސްލާހު ހުށަހަޅައިފި އެވެ.
މޯލްޑިވްސް އިސްލާމިކް ބޭންކުން ފުރަތަމަ ފަހަރަށް ޑޮލަރު އޭޓީއެމްގެ ހިދުމަތް ދޭން ފަށައިފިއެވެ.
ދުވަހުގެ ކޯޓޭޝަން
މަސްތުވާތަކެއްޗަށް ދެވި ހިފާފައިވާ މީހުންނަށް ފަސޭހައިން ފަރުވާ ލިބޭނެ ގޮތަށް ނިޒާމު ބަދަލުކުރުމަށް ސަރުކާރަށް ގޮވާލައި، ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ހުށަހެޅުއްވި ގަރާރުގެ ބަހުސްގައި، ކާށިދޫ ދާއިރާގެ މެމްބަރު އަބްދުﷲ ޖާބިރު ވިދާޅުވީ؛
ދިވެހިރާއްޖޭގައި މިސާލެއްގެ ގޮތުން މެޑިކަލް މަރުވާނާ އެ ބޭފުންކޮށްފި ކަމަށް ވަންޏާ، އެއާއި ބާރުގަދަ ޑުރަގު ބޭނުންކުރާ މީހާއާ އެއްވަރު ހުކުން މި އަންނަނީ. މެޑިކަލް މަރުވާނާ ހުއްދަ ކުރަންވީ ރާއްޖޭގައި. އެއީ މިކަމަށް އޮތް ބޭހަކީ، ދެން އަނެއްކާ ވެސް ދިވެހި ރައްޔިތުންނަށް ޒައްގޫމު ދީގެން ނުވާނެތާ، މިއީ ބޭހެކޭ ކިޔައި ބަހައްޓާފަ،"
ދުވަހުގެ ފޮޓޯ
ގދ. ގައްދޫގައި އިއްޔެ އަންހެނަކު ޖޯލިފައްޗެއްގައި އިނދެ ގުރުއާން ކިޔަވަނީ. -- ފޮޓޯ: މުހައްމަދު ޝާބިން/އަދަދު
